2 Corintios 10:5 - Qheshwa Biblia DC

⁵ Ajinata ari, runakunaj yachayninkuta thuñispa, wapuykachaspa Diospa yachayninta qhesachajkunata; tukuy yuyaytataj Cristoman apaspa kasunankupaj.

DIOSPA QHELQACHISQAN DEUTEROCANONICAL

⁵ Noqayku phiriyku, pikunachus may kasqankuta yuyakuspa wajkunata jark'anku Diosta ama rejsinankupaj, chaykunaj pantasqa yachachisqankuta. Jinallataj Diospa contranpi yuyasqanku pantasqa kasqanta rikuchispa, paykunaman Cristota kasuyta yachachiyku.

DIOSPA QHELQACHISQ

⁵ Noqayku phiriyku, pikunachus may kasqankuta yuyakuspa wajkunata jark'anku Diosta ama rejsinankupaj, chaykunaj pantasqa yachachisqankuta. Jinallataj Diospa contranpi yuyasqanku pantasqa kasqanta rikuchispa, paykunaman Cristota kasuyta yachachiyku.

Quechua South Bolivia: Dios Parlapawanchej

⁵ Pantachej yuyaskasta tucuchiycu. Diospa yuyayninpa contranpi tucuy okhariska yuyayta urmachiycupuni. Tucuy yuyaytapis atipaycu runas Cristota casunancupaj.

2 Corintios 10:5 Referans Kwoze

Hebreos 4:12

Diospa palabranqa kausayniyoj, atiyniyojtaj; khuchuytataj atin astawan iskay filoyoj espadamanta nisqaqa; yaykuntaj ukhukama, almata, espirituta, ankusta, chilenatapis p'itinankama; allintataj rejsin sonqoj yuyasqasninta, munasqasnintapis.

Isaías 55:7

Juchasapaqa sajra puriyninta saqechun. Sajra runaqa imatachus yuyasqasninta saqechun. Señorman kutirichun, imaraykuchus paymanta khuyakonqa. Diosman kutirichun. Payqa perdonanqapacha.

Romanos 7:23

Chantá waj leyta cuerpoypi rikuni, chaytaj sonqoypa contrampi kashan; presochasqatataj juchaj leyninman pusawan, mayqenchus ukhuypi kashan, chayman.

San Mateo 15:19

Sonqomanta llojsimunku tukuy sajra yuyaykuna, runa wañuchiykuna, adulterio juchaman urmaykuna, solteropura juchallikuykuna, suwaykuna, llulla testigomanta sayaykuna, Diospa contranta rimaykuna ima.

Romanos 1:21

Ajinata Diosta rejsishaspa, mana Diosta jinachu yupaycharqanku, nitaj graciastapis qorqankuchu. Astawanqa qhasi mana kaj yuyayninkuwan jatunchakorqanku, wampu sonqonkupis astawan laqhayaykorqa.

1 Corintios 3:19

Kay pacha yachayqa qhasi mana kaj Diospajqa. Escribisqapipis nishan: Dios urmachin yachayniyojkunata, llulla yachaynillankupitaj.

Jeremías 4:14

Jerusalén, sonqoykimanta sajra imasta llimphuchakuy, jinamanta salvasqa kanaykipaj. Mayk'ajkamataj umaykita muyuchikunki chay sajra yuyaykunawanri?

Salmos 139:2

Tukuy ruwasqasniyta qan yachanki. Yuyasqaytaqa karumantapacha qan yachanki.

1 Corintios 1:19

Escribisqamin kashan: Chinkachisaj yachayniyojkunaj yachayninkuta, qhesachasajtaj yuyayniyojkunaj yuyayninkuta.

Proverbios 15:26

Señorqa sajra runaspa imatachus ruwasqankuta millachikun; llimphu runaspa parlasqasninkuwan kusikun.

Salmos 10:4

Payqa wapu wapulla senqanta q'entin: Diosqa mana kanchu. Mana kanchu noqata tapuwajqa, nispa. Chayllata payqa yuyan.

Hebreos 5:9

Allinchasqaña kaspa, tukuy payta kasojkunapaj wiñaypaj salvajnin churasqa karqa.

1 Pedro 1:22

Kunantaj qankuna Santo Espiritunejta cheqa kajta kasuspa, almasniykichejta llimphucharqankichej, hermanosniykichejta cheqamanta munakunaykichejpaj mana llullakuspa. Kunanqa munananakuychej purajmanta llimphu sonqowan.

Ezequiel 17:24

Tukuynin sach'as kajkuna yachanqanku noqa Señor kasqayta, jatunchakoj sach'asta noqa urmachisqayta, juch'uypaj qhawasqa sach'atataj wiñachisqaytataj, q'omer sach'ata ch'akichisqayta, ch'akisqa sach'achatataj q'omeryachisqayta. Noqa Señormin nini, junt'asajtaj.

2 Tesalonicenses 2:8

Chaypachataj chay sajra runa rikhurimonqa. Paytataj Señorqa simimpa samayninwan wañuchenqa, jamuynimpa k'anchayninwantaj phirenqa.

Proverbios 24:9

Wampu runaj yuyaynenqa juchalla; chay machu machutaqa manaña rikuyta munankuchu.

San Lucas 1:51

Makinwantaj atiyninta rikucherqa; ch'eqeracherqataj tukuy jatunchakojkunata sonqonkupi yuyayninkupi ima.

2 Tesalonicenses 2:4

Payqa sayaykukonqa, oqharikonqataj tukuy ima Dios sutichasqaj contrampi, chayrí yupaychanaj contrampi; Diospa templonman yaykuspataj Dios jina tiyaykukonqa, kikin Diospis kanman jinataj rikuchikonqa.

Daniel (hebreo) 4:37

Kunan ari, noqa Nabucodonosor, yupaychani, honrani, jatunchanitaj janaj pachapi kaj Reyta, imaraykuchus ruwaynenqa, cheqapuni, cheqantaj. Jatunyakojkunatataj pay k'umuykachachiyta atin.

Isaías 59:7

Chakisninkoqa sajra ruwanallapaj corren, usqhayta rinku mana juchayojta qhasimanta wañuchinankupaj. Yuyayninkupeqa sajra ruwayllapuni junt'a kashan. Maypichus purisqankupeqa mana allin imasta ruwaspa, may llakiyta saqerparinku.

Isaías 2:17

Runaj wapuykachaynenqa k'umuykuchisqa, runaj machu machu kaynenqa urmachisqa kanqa. Chay p'unchaypeqa Señorlla jatunchasqa kanqa.

Deuteronomio 15:9

Ama sajra yuyayniykichejwan atipachikunkichejchu, kay jinata: Qanchis kaj wataqa chayamushanña, manus perdonana wata, nispa. Pajtataj sajra ñawiwan qhawawajchej wajcha llajta masiykichejta. Mana manojtiykichejqa Señorman qankunaj contraykichejta qhaparenqa. Qankunarí juchachasqas kankichej.

2 Corintios 9:13

Kay yanapata rikuspa Diosta yupaychanqanku, Cristoj evangelionta kasusqaykichejmanta, chay qolqeta tukuy sonqo qosqaykichejmanta ima, paykunapaj, tukuypajpis.

Romanos 16:26

Chayqa kunan rikuchisqaña karqa, profetaspa escribisqankupi, wiñaymantapacha Diospa kamachiynin jina. Chay pakasqa yachayqa runasman rejsichisqaña kashan, creenankupaj kasunankupajtaj.

2 Reyes 19:22

Pimantataj qan rimaqakunki sajrata parlaspari? Pej contrampitaj qan chay jinata parlakunkiri? Ñawisniykitapis patapata patata qhawarispari? Israelpa Santo Diosnimpi contrampi?

Romanos 1:5

Jesucristonejta jap'inchej khuyakuyta, kamachin kayta, tukuy llajtaspi, paypi creenankupaj kasunankupajtaj.

Isaías 60:14

Llakichisojkunaj wawasnenqa, llamp'u sonqoman tukuspa jamusonqanku; ñak'arichisorqachej chaykunaqa chakisniykiman k'umuykamusonqachej. Israelpa Diosnimpa ayllun, Señorpa ayllun, nispa sutichasonqankutaj.

2 Reyes 19:28

Noqaj contraypi phiñakusqaykirayku, chhikata jatunchakusqaykirayku, ningrisniyman chayamusqanraykutaj, argollayta senqaykiman churasqayki, simiykimantaj frenota jina churasqayki, may ñannejtachus jamusqallaykitataj kutirichisqayki.

1 Pedro 1:2

Qankunata Dios Tata ajllakorqa ñaupajmantapacha yuyasqanman jina, Santo Espiritunejta llimphuchaspa, Jesucristota kasunaykichejpaj, yawarninwantaj ch'ajchusqas kanaykichejpaj. Khuyakuy, sonqo tiyasqa kayta, qankunapi yapakuchun.

Salmos 18:27

Llamp'u sonqoyojkunata qan salvanki, wapu wapustataj k'umuykachachinki.

Job 42:6

Chayrayku kunanqa noqa kikiyta chejnikuni, qanmantaj kutirimuyki kay qhelli jallp'api, ushpha patapitaj.

Salmos 18:44

Uyariwaytawankama kasuwanku. Waj llajtayojkuna kamachisqayta ruwanku.

Éxodo 5:2

Faraontaj kuticherqa: Pitaj kasqa chay Señor, noqa paypa nisqanta kasunaypaj, israelitastaj rejta saqenaypaj? Noqaqa mana rejsinichu chay Señorta, nitaj saqesajchu israelitas rejta.

Génesis 8:21

Chay q'apaytaj Diospaj may sumajpuni karqa munasqanman jina, nerqataj sonqompi: Kunanqa manaña jallp'ata jasut'isajchu runaj juchanrayku. Imaraykuchus runaqa waynamantapacha mana allin kajllatachu yuyan. Nillataj kausajkunatapis tukuchisajchu kunampi jina.

Jeremías 23:29

Palabrayqa nina jinamin, rumista t'unaj martillo jinataj. Noqa Señor chayta nini.

2 Corintios 11:20

Sichus pipis kamachimpi jap'isunkichej, chayrí sojsusunkichej, chayrí pichus jap'ikapun imaykichejtapis, chayrí k'umuykachachisunkichej, chayrí sajmasunkichej chayqa, qankuna chay tukuy imasta aguantashankichej.

Filipenses 4:7

Diospa sonqo tiyakuynintaj, tukuy runaspa yuyayninta atipan, waqaychanqataj sonqoykichejta, yuyayniykichejta ima Cristo Jesuspi.