2 Corintios 1:21 - Qheshwa Biblia DC

²¹ Diostaj noqaykuta qankunatawan sinch'ita Cristopi sayachiwanchej, jinataj llimphuchawanchej.

DIOSPA QHELQACHISQAN DEUTEROCANONICAL

²¹ Diosmin noqaykuta, qankunatawan Cristoman ujchaspa, sinch'ita sayachiwanchej. Chantá, pay ajllakuwarqanchej paypata kananchejpaj.

DIOSPA QHELQACHISQ

²¹ Diosmin noqaykuta, qankunatawan Cristoman ujchaspa, sinch'ita sayachiwanchej. Chantá, pay ajllakuwarqanchej paypata kananchejpaj.

Quechua South Bolivia: Dios Parlapawanchej

²¹ Dioska nokaycuta kancunatawan sayachiwanchej cheka cajpi, mana cuyurej cananchejpaj. Ajllacuwarkanchejtaj Cristopaj llanc'ananchejpaj.

2 Corintios 1:21 Referans Kwoze

1 Juan 2:27

Qankunaqa Santo Espirituta Jesucristomanta jap'erqankichej. Payta qankunawan kashan, nitaj pimanta yachachinata munankichejñachu. Santo Espiritoqa, tukuy imata yachachisunkichej. Paypa yachachisqanqa cheqa, manataj llullachu. Chayrayku qankunaqa, Cristowan ujlla kakuychej, imaynatachá Santo Espíritu yachachisorqachej, ajinata.

1 Juan 2:20

Qankunaqa Santo Espirituta Jesucristonejta jap'erqankichej, chayta tukuy yachankichej.

1 Pedro 5:10

Tukuy imata qoj Diostaj, pichus wajyasorqachej janaj pacha wiñay k'anchayninman Jesucristonejta, pisi p'unchaykunata ñak'arisqaykichejmanta, qhepaman sumajta allinyachisonqachej, thuruyachisonqachej, kallpachasonqachej, sayachisonqachejtaj.

Romanos 8:9

Qankunaqa mana aychaj munayninman jinachu kausankichej, astawanqa Espirituman jina, imaraykuchus Diospa Espíritun qankunapi kashan. Pipitajchus Cristoj Espíritun mana kanchu chayqa, mana Cristojtachu.

Isaías 61:1

Señorpa Espíritun noqawan kashan, imaraykuchus Señorpuni noqataqa ajllawan. Sumaj willaykunata wajchasman willanaypaj kachamuwan, llakisqastataj sonqochanaypaj. Kachamuwantaj wata kamachis librasqas kanankuta ninaypaj, jinallataj carcelespi kajkunatapis kacharichinaypaj.

Isaías 9:7

Kamachisqanta, chanta sonqo tiyakuyta qosqampis manapuni tukukonqachu Davidpa reinompi, jinallataj paypa reinompipis. Kamachiynenqa sumaj sayasqa kanqa, cheqa kajpi, maychus kajta ruwaypitaj kunanmantapacha wiñaypajtaj. Kaytaqa Tukuy Atiyniyoj Señormin sinch'i munayninrayku ruwanqa.

2 Tesalonicenses 3:3

Cheqamanta Señorqa palabranta junt'ampuni. Pay sayachisonqachej waqaychasonqachejtaj sajramanta.

Hechos 10:38

Yachankichej, Nazaret llajtayoj Jesusman imaynatachus Dios qosqanta Santo Espirituta, atiytawan. Jesustaj tukuynejta purerqa allinta ruwaspa, thañichispataj sajraj atiynimpi tukuy ñak'arejkunata, Dios paywan kasqanrayku.

2 Tesalonicenses 2:8

Chaypachataj chay sajra runa rikhurimonqa. Paytataj Señorqa simimpa samayninwan wañuchenqa, jamuynimpa k'anchayninwantaj phirenqa.

2 Corintios 5:5

Kay imaspajpuni Dios wakichiwarqanchej. Paytaj qowanchej Santo Espirituta uj señata jina.

Isaías 62:7

Jerusalenta sumajta sayarichinankama amapuni saqeychejchu, Señorta yupaychaytapis kay pachapi rikhurichinankama.

Isaías 59:21

Kay tratota paykunawan ruwasaj nin Señorqa. Pataykiman Espirituyta churani, palabrasniytapis simiykiman churallanitaj; chayqa mana simiykimanta llojsenqachu, manallataj wawasniykejmanta, nitaj allchhisniykej siminmantapis. Ajina kunanmantaqa wiñaypaj qankunawan kanqa, ajinata nin Señorqa.

Isaías 49:8

Señorqa nin: Khuyakuy p'unchaypi uyarerqayki, salvación p'unchaypitaj yanaparqayki, noqa waqaycharqayki, qannejta uj tratota tukuy aylluywan ruwasaj, chay llajtata watejmanta sayarichinaykipaj, saqerpayasqa jallp'asta watejmanta rak'iranaykipaj;

Salmos 89:4

Qampa mirayniykita wiñaypaj sayachisaj, tiyanaykitaj wiñaypaj kanqa, nispa.

Salmos 45:7

Cheqan kajta munakunki, sajratataj chejnikunki. Chayrayku Dios ajllakusorqa. Diosniyki kusikuywan junt'achisunki, kausaqesniykimanta astawan.

Apocalipsis 3:18

Qanta umachayki noqamanta rantikunaykita ninapi ch'uwachasqa qorita, qhapaj kanaykipaj; rantikunaykitataj yuraj p'achata p'achallikunaykipaj, ama q'ala kasqaykej p'enqaynin rikukunampaj rantikunaykitataj; ñawisniykipaj ñawi jampinata, rikunaykipaj.

Apocalipsis 1:6

Cristoqa reyesta, sacerdotestataj kamachimpaj Dios Tatampaj churawarqanchej. Payman janaj pacha k'anchay, atiytaj, wiñay wiñaypaj kachun. Amén.

2 Tesalonicenses 2:17

Pay sonqoykichejta kallpachachun. Tukuy ima allin parlaypi, ruwaypi ima sinch'ita qankunata sayachichun.

1 Tesalonicenses 3:13

Sonqosniykichej llimphu kausaypi kallpachasqas kachunku, mana k'amiyniyoj Dios Tatanchejpa ñaupaqempi, Señorninchej Jesucristo, tukuy ajllasqasninwan jamunankama.

Colosenses 2:7

Paypi saphinchasqas, allinchasqastaj kaspa, fepi wiñaychej, yachachisqas kasqaykichejman jina, Diosman ashkha graciasta qospa.

Romanos 16:25

Qankunata sinch'ita sayachej Diosta yupaychaychej, evangelionman jina. Jesucristomanta willasqaymantataj wiñaypa wiñaynintinmantapacha pakasqa yachay sut'inchasqay kasqanman jina.

Salmos 87:5

Sión llajtamantaqa nenqanku: kaypis jaqaypis chaymanta llojserqanku. Kikin patapi kaj Diospuni sayacherqa.

Habacuc 2:12

Ay, qanmanta, llajtasniykita jatarichishanki jucha ukhupi, jinataj sajra ruwaykunasllawan!

1 Corintios 1:8

Paytaj sinch'ita sayachisonqachej tukukuykama, ama pipis k'amisunaykichejpaj, Señorninchej Jesucristoj p'unchaynimpi.

Hebreos 13:9

Ama apaykachachikuychejchu imaymana waj yachachiykunawan; aswan allinmin Diospa yanapayninwan sonqo kallpachasqa kananqa; mikhuykunawan kallpachasqa kananmanta, imaraykuchus chaykuna mana yanapankuchu chay jinaman kausajkunata.

Levítico 7:35

Señorman ofrendasta ruphachisqa kanampaj qosqasninkumanta, chayta qonankupuni tiyan Aaronman, mirayninmanwan, Señorqa sacerdotesnimpaj rejserqa chay p'unchaymantapacha.