1 Timoteo 6:11 - Qheshwa Biblia DC

¹¹ Qanrí, Diospa runan, ayqekuy kay tukuy imasmanta. Kausaytaj cheqan kajpi Diosta yupaychaspa, fewan, munakuywan, pacienciawan, llamp'u sonqo kaywan ima.

DIOSPA QHELQACHISQAN DEUTEROCANONICAL

¹¹ Qanrí, Diospa kamachin, chay mana allin kajkunamanta karunchakuy. Aswanpis Diosta kasuspallapuni puriypi kallpakuy, Jesucristoj sumaj yachachisqan kanaykipaj. Jinallataj Diospi atinikuspallapuni kay, chantá Diosta tukuy qhatikojkunata munakuy. Sichus llakiykuna qhatirisunkiman chayqa, pacienciakuy, chantá tukuywan k'acha kay.

DIOSPA QHELQACHISQ

¹¹ Qanrí, Diospa kamachin, chay mana allin kajkunamanta karunchakuy. Aswanpis Diosta kasuspallapuni puriypi kallpakuy, Jesucristoj sumaj yachachisqan kanaykipaj. Jinallataj Diospi atinikuspallapuni kay, chantá Diosta tukuy qhatikojkunata munakuy. Sichus llakiykuna qhatirisunkiman chayqa, pacienciakuy, chantá tukuywan k'acha kay.

Quechua South Bolivia: Dios Parlapawanchej

¹¹ Kanrí, Diospa runanka, chay sajra munaycunamanta aykecuy. Sumajta masc'ay chekan cayta, Cristomanjina causacuyta, Diospi jap'icuyta, munacuyta, mana sayc'uspa tucuy imata muchuyta, llamp'u sonko caytawan.

1 Timoteo 6:11 Referans Kwoze

2 Timoteo 2:22

Ajinallatataj, waynaspa sajra munapayayninkumantapis ayqey. Cheqa kajtapuni ruway fewan, munakuywan, sonqo tiyakuywan, pikunachus llimphu sonqowan Señorpa sutinta wajyakunku chaykunawan.

2 Timoteo 3:17

Ajinamanta, Diospa runan atiyniyoj kanqa, sumaj wakichisqataj, tukuy ima allin kajta ruwanampaj.

1 Timoteo 4:12

Ama pipis wayna kasqaykirayku pisipi qhawasuchunchu; astawanqa creejkunaj ñaupaqenkupi allinta puriy: Parlaypi, allin kausaypi, munakuypi, espiritupi, fepi, llimphu kausaypi ima.

Hebreos 12:14

Allin kausayta tukuywan mask'aychej, llimphu kaytapis, mana chaywanqa, mana pipis Señorta rikonqachu.

1 Corintios 10:14

Chayrayku munakusqasníy, ayqekuychej lantikunata yupaychanamanta.

1 Pedro 3:11

Sajra kajmanta t'aqakuchun, allin kajtataj ruwachun. Sonqo tiyasqa kayta mask'achun. Chaytataj qhatichun.

1 Corintios 6:18

Ayqeychej qhenchachakuymanta. Pillapis waj ima juchata ruwanman chayqa, cuerponmanta jawapi kashan. Pichus qhenchachakojqa cuerpompa contrampi juchallikun.

Salmos 34:14

Karunchakuy tukuy ima sajramanta, allin kajtataj ruway. Sonqo tiyasqa kayta mask'ay, chaytataj qhatiy.

1 Timoteo 5:10

Allin ruwanaspi rejsisqa kachun, wawasninta allinta uywaj, wajyarikuyta yachaj, creejkunaj chakisninta mayllaj, llakisqasta khuyaj, tukuy allin ruwanata junt'aj ima.

1 Corintios 14:1

Munakuyta mask'aychej; jinallatataj Espirituman jina yachaykunata jap'iyta munaychej; astawanqa Diospa palabranta sut'inchayta.

Romanos 14:19

Ajinaqa, imachus sonqo tiyakuyta apamun, chayta qhatina, purajmanta kallpachankuspa.

Isaías 51:1

Cheqan kajta mask'ajkuna, Señorta mask'ajkuna, uyariwaychej. Qhawariychej ima chhankamantachus ch'eqosqas kasqaykichejta, ima canteramantachus orqhosqa kasqaykichejta.

Salmos 38:20

Allin ruwasqaymanta sajrata kutichiwanku, allin kajta mask'asqaymanta contraypi churakunku.

1 Timoteo 6:20

Ya, Timoteo, allinta waqaychay imatachus nerqayki chayta. Ama kasuychu qhasi mana kaj palabraswan thautiykunata. Amataj kasuychu llulla yachachiytapis, sumaj yachay nisqa chayta.

Jeremías 35:4

Diosta yupaychana wasiman payta pusarqani, Igdaliaspa wawan Hanampa wawasnimpa tiyakunanku wasiman. Payqa Diospa runan karqa. Chay Hanampa wawasnimpa wasin kajman yaykorqanku. Kay waseqa kashan Diosta yupaychana wasimanta kurajkunaspa tiyakunanku wasi qayllapi jina, jinataj chay yupaychana wasej punkun qhawaj, Salumpa wawan Maasiaspa tiyanan wasi patapi.

2 Crónicas 8:14

Mit'astapis churallarqataj tatan Davidpa nisqanman jina, sacerdotesqa yupaychana wasipi imastapis ruwanankupaj, levitastaj Señorta yupaychanankupaj, jinataj sacerdotesta yanapanankupaj, imaspichus sapa diapi atikusqanman jina. Jinallatataj churarqa sapa punkupi qhawajkunajpa mit'asninkutapis, Diospa runan David kamachisqanman jina.

2 Reyes 23:17

Chantá tapurerqa: Imataj jaqay rikushani chayri?, nispa. Llajta runasta payman nerqanku: Kayqa Judamanta jamorqa chay profetaj sepulturan. Payqa qampaj ruwasqaykita Betelmanta chay altar patapi kajta sut'incharqa.

2 Reyes 1:13

Kinsa kaj kutipi watejmanta waj phishqa chunka soldadosta, capitán nintawan kachallarqataj: Paytaj rispa Eliasman chimpakuytawan qonqoriykukuspa mañakorqa: Diospa runan mañakuyki, qampa ñaupaqeykipi noqaj kausayniy kay phishqa chunka soldadosniypatawan kausaynin allimpaj qhawasqa kachun.

2 Reyes 1:9

Chaymantaqa kacharqa phishqa chunka soldadosta capitannintawan. Paytaj wicharerqa uj orqo puntaman, maypichus Diospa runan Elías tiyasqa kasharqa chayman. Capitantaj kay jinata nerqa: Diospa runan, reyqa kunampacha uraykamuchun nisunki, nispa.

1 Reyes 20:28

Chaypacha Diospa profetan Israelpa reyninman jamorqa, nerqataj: Señorqa ajinata nin: Imaraykuchus siriosqa ninku: Señorninkoqa orqosmanta Dios, manataj pampasmanta Dioschu, chayrayku kunanqa makisniykiman jaywaykullasqaykitaj, chay chhika manchay ashkha runasta. Yachankichejtaj, noqa Señor kasqayta.

1 Reyes 17:18

Paytaj Eliasman nerqa: Diospa runan, ima ruwanay tiyan noqa qanwanri? Juchasniymanta yuyarichiwajchu kayman jamunki, wawaytapis wañuchej?

1 Samuel 2:27

Chay tiempopi uj profeta chayamorqa Elita watukoj, nerqataj: Señorqa kay jinata nin: Ñaupa tatayki aylluntin ima maypachachus Egiptopi faraompa kamachin kashajtin sut'imanta payman rikhurerqani.

1 Reyes 13:26

Ñanmanta kutichimoj profetaqa chay jinata uyarispa, nerqa: Chayqa Diospa runanmin, Señorpa kamachisqanta mana kasusqanrayku, Señorqa leonman jaywaykun chaytaj mitharparispa wañurpachin, Señorpa palabran nisqanman jina.

1 Reyes 13:1

Jeroboam chay altarpa ñaupaqempi inciensota ruphachinan kashajtin, uj profeta Señorpa kachamusqan Judamanta Betelman chayamorqa.

1 Samuel 9:6

Chay kamachitaj kuticherqa: Kay llajtapi tiyan Diospa runan, paytaqa tukuy allimpaj qhawanku, imatapis nisqanqa junt'akojpuni kasqa. Jaku chayman rina, ichapis pay willawasunman mayqen ñantapis mask'aj rinanchejta.

Deuteronomio 33:1

Manaraj wañupushaspa Diospa ajllasqan runa Moisesqa, israelitasta bendicerqa kay jinata:

Deuteronomio 16:20

Cheqan kajllatapuni ruwanaykichej tiyan, Señor Diosniykichej qosunkichej chay jallp'api tiyakunaykichejpaj.

Nehemías 12:36

Chay jawa familiasninmantataj karqanku: Semaías, Azarael, Milalsi, Gilalai, Maai, Matanael, Judá, Hanani, ima. Chaykunaqa Diospa runan Davidpa tocanasninta tocaj kanku. Paykunaj ñaupaqenkutaqa yachachej Esdras risharqa.

Nehemías 12:24

Levitaspa kurajkunasninkutaj karqanku: Hasabías, Serebías, Josué, Binúy, Cadmiel ima. Paykunaj llank'aj masisninkupis paykunaj ñaupaqenkupi kasharqanku, sapa ujpis mit'asninkupi Señorta yupaychaspa agradecespa ima, imaynatachus Diospa runan rey David kamachisqanman jina.

1 Crónicas 23:14

Diospa runan Moisestataj, ayllunmanta kajkunatawan ima Leví ayllupi yuparqanku.

1 Reyes 17:24

Chantataj chay warmeqa Eliasta nerqa: Kunanqa yachani cheqamantapuni Diospa runan kasqaykita, Señorpa palabrantaj cheqapuni qampa simiykipeqa kasqanta.

Proverbios 15:9

Sajra runaspa purisqanta Señorqa millachikun; pichus cheqanta kausajtarí munakun.

1 Timoteo 1:14

Señorninchejpa khuyakuynintaj astawan ashkhayarqa fewan, munakuywan ima Cristo Jesuspi.

2 Timoteo 2:21

Ajinaqa, pikunachus kay imasmanta llimphuchakun chayqa, uj sumaj vaso jina allin qhawasqa, ajllasqa Señorpaj, allin imasta ruwanampaj, tukuy imata allinta ruwanampajtaj wakichisqa.

2 Timoteo 3:10

Qanqa allinta jap'ikorqanki yachachisqayta. Yachankitaj imaynatachus kausasqayta, imaynatachus ruwayta munasqayta, feniy kallpayoj kasqanta, munakuyniyta, pacienciayta, qhatiykachawasqankuta, ñak'arisqayta ima. Qan yachanki imaynachus riwasqanta Antioquiapi, Iconiopi, Listrapi ima. Yachallankitaj mayta ñak'arisqayta. Chay tukuymantaqa Señorlla jark'awarqa.