1 Timoteo 4:3 - Qheshwa Biblia DC

³ Kaykunaqa casarajta jark'anku, Diospa churasqan mikhunatapis kamachinku ama mikhunata. Chaykunataqa Dios churarqa, creejkuna, cheqa kajta rejsejkuna ima Diosman graciasta qospa mikhunankupaj.

DIOSPA QHELQACHISQAN DEUTEROCANONICAL

³ Paykunaqa casarana mana walejchu kasqanta nenqanku, nillanqankutaj wakin mikhunata mana mikhunachu kasqanta. Diosrí chay mikhunata churarqa, pikunachus paypi atinikojkuna, chantá cheqa kajta rejsejkuna Diosta pachis nispa mikhunankupaj.

DIOSPA QHELQACHISQ

³ Paykunaqa casarana mana walejchu kasqanta nenqanku, nillanqankutaj wakin mikhunata mana mikhunachu kasqanta. Diosrí chay mikhunata churarqa, pikunachus paypi atinikojkuna, chantá cheqa kajta rejsejkuna Diosta pachis nispa mikhunankupaj.

Quechua South Bolivia: Dios Parlapawanchej

³ Paycunataj camachincu runasta: “Ama casaracuychejchu”, nispa. Waquin miqhunasmanta nincutaj: “Ama chayta miqhuychejchu”, nispa. Astawanpis chayta Dios waquicherka graciasta kospa runas miqhunancupaj. Paypi jap'icojcuna, cheka cajta rejsejcuna, Diospa kowaskanchej miqhunata miqhuyta atinchej.

1 Timoteo 4:3 Referans Kwoze

1 Timoteo 4:4

Diospa tukuy ruwasqanqa walejmin. Mana qhesachanapajchu, sichus graciasta qospa mikhusun chayqa.

Hebreos 13:4

Casarakoyqa tukuypaj allin; puñunankupis mana ch'ichiyojtaj kachun. Dios juchachanqa sajra purejkunata, qhenchachakojkunata ima.

Romanos 14:6

Pichus uj p'unchayta waqaychajqa, Señorpaj waqaychan. [Mana waqaychajtaj, Señorta yupaychanampaj mana waqaychanchu.] Pichus tukuy imata mikhojpis, Señorpaj mikhun, imaraykuchus Diosman graciasta qon. Chantá, pichus wakin imasllata mikhojpis, mana Señorpaj mikhunchu, astawanqa paypis Diosman graciasta qollantaj.

Colosenses 2:16

Chayrayku ama pipis qankunata juchachasuchunchu mikhunamanta, ujyanamanta, chayri wata fiestamanta, killa fiestamanta, samarina p'unchaymanta ima.

1 Corintios 8:8

Chaywampis, mikhunaqa mana aswan allimpajchu Dioswan qhawachiwanchej; mana mikhuspaqa, mana pisichu kasunchej, nitaj mikhuspapis, astawanchu kasunchej.

Génesis 9:3

Atinkichej mikhuyta tukuynin animalesta, jinallataj q'omer qhorastapis atisqaykichejman jina. Noqa qoykichej chay tukuyninta.

Colosenses 3:17

Tukuy ima ruwasqaykichejpi, ña parlaypi, ñataj ruwaypi, Señor Jesuspa sutimpi, paynejta Dios Tataman graciasta qoychej.

1 Corintios 7:28

Casarakunki chaypis, mana juchachu. Doncellapis mana casarakuspaqa manallataj juchallinchu. Chaywampis, paykunaqa llakiyniyoj kanqanku aychaman jina. Noqaqa mana munaymanchu chay llakiykuna kananta.

Romanos 14:3

Tukuy imata mikhojqa ama qhawarachunchu mana tukuy imata mikhojtaqa. Mana mikhojpis ama qhawarachunchu chayta mikhojtaqa; imaraykuchus Diosqa chay runata paypaj ajllarqa.

Hebreos 13:9

Ama apaykachachikuychejchu imaymana waj yachachiykunawan; aswan allinmin Diospa yanapayninwan sonqo kallpachasqa kananqa; mikhuykunawan kallpachasqa kananmanta, imaraykuchus chaykuna mana yanapankuchu chay jinaman kausajkunata.

1 Timoteo 2:4

Pay munan tukuy runas salvasqas kanankuta, cheqan kajtataj rejsinankuta.

1 Corintios 6:13

Cheqamanta mikhunasqa wijsapaj, wijsataj mikhunaspaj. Chaywampis, iskayninta Dios chinkachenqa. Cuerpoqa mana qhenchachakunampajchu. Cuerpoqa Señorpata, Señortaj cuerpojta.

Romanos 14:17

Diospa reinonqa mana mikhunachu, nitaj ujyanachu. Manachayqa cheqan kay, sonqo tiyakuy, kusikuytaj Santo Espiritupi.

San Mateo 15:36

Qanchis t'antasta, challwastawan makimpi jap'ispa, graciasta qorqa. Partispataj yachachisqasninman jaywarqa; paykunataj runakunaman jaywarqanku.

Eclesiastés 5:18

Chayta rikuspa noqaqa nini, allimpuni runapajqa mikhunan, ujyanan, tukuy imata kay pachapi, sayk'uywan ruwasqasninwan kusikunan, imastachus chay pisi kausayta Dios qosqampi, chaymin chayaqenchejqa.

San Mateo 14:19

Runastataj kamacherqa ch'iki pasto pataman tiyarakunankuta. Chaymantataj phishqa t'antasta, iskay challwastawan oqharispa, janaj pachata qhawarispataj graciasta qorqa. T'antasta partispataj yachachisqasninman jaywarqa, paykunataj runasman jaywarqanku.

Hechos 27:35

Chayta niytawantaj Pabloqa t'antata oqharispa, tukuypa rikunanta Diosman graciasta qorqa, partispataj mikhuyta qallarerqa.

San Juan 6:23

Chaykamaqa, Tiberias llajtamanta waj botes chayamorqanku, maypichus Señor graciasta qorqa t'antamanta, runastaj mikhorqanku chaynejman.

San Lucas 24:30

Ajinataj karqa, Jesusqa paykunawan mesapi kashaspa t'antata oqharispa, graciasta qospataj, partiytawan paykunaman jaywarqa.

Daniel (hebreo) 11:37

Kay reyqa ñaupa tatasnimpa diosninkuta mana kasuta ruwanqachu, ni warmispa munasqa diosninkuta, nillataj waj dioskunatapis kasonqachu. Paylla tukuyninkoj kurajninku kasqanta creekonqa.

1 Samuel 9:13

Jaqayman chayaytawankama, payta mask'aychej, amaraj chay loma pataman mikhoj rishajtin. Runasqa paytaraj mikhunankupaj suyanqanku, imaraykuchus paypuni chay rikuchikutaqa bendicenqa, chaymantaraj chay wajyarisqa kajkunapis mikhunanku tiyan. Chayrayku kunampacha riychej, kunitanqa chaypi taripankichej, nispa.

San Mateo 15:11

Imachus simiman yaykojqa, mana ch'ichichanchu runataqa; simimanta llojsimojmá runataqa ch'ichichan.

1 Timoteo 5:14

Munani ari, sipas viudasqa casaranankuta, wawasninkuta uywanankuta, wasinkutapis allinta qhawanankuta, enemigos ama sajrata qhawanankupaj.