1 Timoteo 3:16 - Qheshwa Biblia DC

¹⁶ Cheqamanta jatumpuni Diosta yupaychanamanta pakasqa yachayqa: Dios rejsichikorqa aychallikuspa; Espiritunejta cheqa runapaj rejsisqa, angelespa rikusqan, gentilesman willasqa, mundontimpi creesqa, janaj pachaman oqharisqa.

DIOSPA QHELQACHISQAN DEUTEROCANONICAL

¹⁶ Kayta tukuy sonqo niyki: Jesucristopi atinikunamanta pakasqa yachayta sut'inchawasqanchejqa may jina t'ukunamin: Cristoqa runaman tukuspa, kay pachaman jamorqa. Santo Espiritutaj Cristo mana juchayoj kasqanta sut'incharqa. Angelkunapis Cristota rikorqanku. Jinataj payta qhatejkuna tukuy runaman paymanta willarqanku. Runakunataj tukuynejpi paypi atinikorqanku. Chaymantataj janaj pachapi jatun k'anchaypa lliphipiyninman oqharisqa karqa.

DIOSPA QHELQACHISQ

¹⁶ Kayta tukuy sonqo niyki: Jesucristopi atinikunamanta pakasqa yachayta sut'inchawasqanchejqa may jina t'ukunamin: Cristoqa runaman tukuspa, kay pachaman jamorqa. Santo Espiritutaj Cristo mana juchayoj kasqanta sut'incharqa. Angelkunapis Cristota rikorqanku. Jinataj payta qhatejkuna tukuy runaman paymanta willarqanku. Runakunataj tukuynejpi paypi atinikorqanku. Chaymantataj janaj pachapi jatun k'anchaypa lliphipiyninman oqharisqa karqa.

Quechua South Bolivia: Dios Parlapawanchej

¹⁶ Chekapuni may jatun cay cheka niskan sumaj willanasninpi sut'inchawaskanchejka: Cristopi, Dios jamorka cuerpoyoj runaman tucuspa. Santo Espíritu ricucherka pay cheka caskanta. Angeles payta khawarkancu. Cachasnin waj llajtayojcunaman paymanta willararkancu. Cay pachapi runas Cristopi jap'icorkancu. Janaj pachaman ujtawan Dios payta pusarka.

1 Timoteo 3:16 Referans Kwoze

San Juan 1:14

Chay Palabrataj aychallikorqa. Noqanchej ukhupitaj tiyakorqa. Jatun k'anchayninta rikorqanchej, Tata Diospa uj k'ata Churimpa k'anchayninta jina; payqa junt'a karqa munakuywan, cheqa kaywantaj.

Hebreos 1:3

Paytaj Diospa k'anchaynimpa lliphipiynin kaspa, Dios kaynimpa kikin rijch'aynintaj, tukuy imata palabrampa atiyninwan sayachin, pay kikintaj juchasninchejta pichaspa, jatun kajpa pañanman janaj pachapi tiyaykukorqa.

Marcos 16:19

Señortaj apostolesninman parlaytawan janaj pachaman oqharisqa karqa; chaypitaj Diospa pañanman tiyaykukorqa.

Romanos 16:25

Qankunata sinch'ita sayachej Diosta yupaychaychej, evangelionman jina. Jesucristomanta willasqaymantataj wiñaypa wiñaynintinmantapacha pakasqa yachay sut'inchasqay kasqanman jina.

San Lucas 24:4

Chayrayku, manchachikuspa mana ni imanakuyta atishajtinku, paykunaj qayllankupi iskay qharis rikhurerqanku, lliphipishaj p'achasniyoj.

Colosenses 1:23

Cheqamanta saphinchasqas sinch'ita sayaychej, fepi mana kuyuspa, evangelioj yuyayninta uyarisqaykichejpi. Kay evangeliomanta tukuy kay pachapi kajkunaman willakun. Noqa Pablopis chay evangeliomanta willanaypaj churasqa kani.

1 Juan 1:2

Kay kausayta qojtaj rikuchikorqa. Noqaykutaj payta rikorqayku. Ajinamanta, qankunaman wiñay kausaymanta willamuyku, rejsichimuykutaj. Chay wiñay kausayqa Dios Tatapi karqa, noqaykumantaj rikuchikuwarqayku.

1 Pedro 3:22

Jesucristotaj janaj pachaman riporqa, chaypitaj Diospa pañampi tiyasqa kashan. Paypa munaynimpi kanku angelkuna, kamachejkuna, atiykunapis.

1 Pedro 1:12

Paykunamantaj sut'inchasqa karqa, chay imastaj mana paykunallapajchu, astawanqa qankunapajpis kasqanta. Paykuna imatachus willarqanku, chayllatataj janaj pachamanta kachamusqa Santo Espíritoj atiynimpi evangeliomanta willawanchej. Chay imastaqa angelespis anchatapuni qhawayta munanku.

Isaías 9:6

Uj wawa nacepuwanchejña, Dios uj wawata qowanchej. Chayman qosqa kashan jatun atiy kamachinampaj. Sutisnintaj kaykuna kanqa: Mayta T'ukuna Yuyaychaj, Atiyniyoj Dios, Wiñaypaj Tata, Sonqo tiyachej Rey ima.

Colosenses 2:2

Munani sonqosninku kallpachasqas kanankuta, munakuypi ujchasqas, qhapaj suyaytataj tarinankupaj. Ajinamanta Diospa pakasqa yachayninta rejsinankupaj. Chaytaj Cristo.

Colosenses 1:27

Paykunaman Dios rejsichiyta munarqa chay pakasqa yachaypata qhapaj k'anchayninta gentiles ukhupi. Chay pakasqa yachaytaj karqa kikin Cristo. Paynejtataj suyankichej janaj pachaj k'anchayninta. Payqa qankunapi kashan.

Colosenses 1:6

Kay evangelioqa qankunakama chayamorqa, jinallataj tukuy mundontinman. Kaytaj poqon, qankunapipis wiñan, maypachachus Diospa khuyakuyninta cheqamanta uyarerqankichej, rejserqankichejtaj chay p'unchaymantapacha.

San Lucas 22:43

Uj angeltaj janaj pachamanta rikhurerqa Jesusman, kallpachanampaj.

San Mateo 3:16

Jesús bautizachikuytawan yakumanta llojserqa. Cielotaj kicharikorqa, rikorqataj Diospa Espiritunta paypa patanman paloma jina uraykamushajta.

1 Juan 3:5

Yachankichej jina, Jesucristoqa jamorqa juchasninchejta chinkachinampaj; manataj paypeqa ni ima jucha kanchu.

Hebreos 12:2

Jesuspi ñawisninchejta churaspa, pichus creenanchejta wakichin, tukuychantaj; paytaj kusikuyta jap'inanrayku, cruzpi ñak'arerqa p'enqakuyta qhesachaspa, Diospa pañanmantaj tiyaykukorqa.

1 Timoteo 3:9

Creeypa pakasqa yachachiyninta llimphu concienciawan waqaychachunku.

San Juan 20:12

Rikorqataj yuraj p'achayoj iskay angelesta tiyashajta; maypichus Jesuspa cuerpon churasqa karqa chaypi; ujninta umannejpi, ujnintataj chakinnejpi.

San Mateo 1:23

Uj sipas, manaraj qharita rejsej, wijsallikonqa, nacichikonqataj uj qhari wawata. Paytataj Emanuel sutiwan sutichanki. Kay sutitaj niyta munan: Dios noqanchejwan kashan.

Apocalipsis 7:9

Kay imaspa qhepanta, ancha ashkha runata rikorqani, mana yupay atinata tukuy llajtamanta, ayllumanta, runasmanta, tukuy parlaykunamantawan. Paykunaqa tronoj ñaupaqempi, Corderoj ñaupaqempi kasharqanku, yuraj p'achaswan p'achallisqas. Palmastataj makisninkupi jap'isharqanku.

1 Pedro 1:20

Cristo chaypaj wakichisqa karqa, manaraj kay pacha ruwasqa kashajtin. Qhepantataj p'unchaykunapi rikhurimorqaña qankunata munakusqanrayku.

Hebreos 7:7

Chaymantaqa mana ima ninapis kanchu. Cheqamanta, sullk'a kajtaqa, kuraj kajpuni Diospa bendicionninwan yanapan.

Efesios 6:19

Noqapajpis mañapuwaychej, simiyta kicharejtiy Dios palabranta qonawampaj; ama manchachikuspataj evangelioj pakasqa yachayninta rejsichinaypaj.

Efesios 1:9

Munayninman jina pakasqa imasta rejsichiwarqanchej, pay kikin ruwayta munarqa chayta.

Gálatas 4:4

Chantá p'unchaykuna junt'akojtintaj, Dios kachamorqa Churinta, ley kamachishajtin, uj warmimanta nacikojta.

1 Corintios 15:47

Ñaupaj kaj runaqa jallp'amanta ruwasqa karqa, jallp'a runa; qhepan kaj runataj janaj pachamanta.

1 Corintios 2:7

Astawanqa parlayku Diospa pakasqa yachayninmanta; chaytaj pakasqa karqa manaraj kay mundota ruwashajtin, wiñaymantapacha, janaj pachaman pusasqas kananchejpaj.

Romanos 10:18

Chanta nini: Manachu uyarerqanku? Arí, uyarerqankupuni, imaraykuchus paykunaj willasqankoqa tukuynejman chayarqa, kay pachaj cantosninkama.

Hechos 20:28

Qankuna kikiykichej qhawakuychej, jinallatataj tukuy tropatapis. Paykunapaj Santo Espíritu churasorqachej, qhawajkunata Diospa iglesianta michinaykichejpaj. Iglesiataqa Jesucristo kikin yawarninwan ranterqa.

Gálatas 2:8

Chayrayku imaynatachus Pedrota Dios judiosman kacharqa llank'anampaj, ajinallatataj noqatapis kachawarqa gentileswan llank'anaypaj.

Romanos 9:5

Ajinaqa, paykunaj ñaupa tatasnin karqanku; aychaman jinataj paykunamanta Cristo jamorqa. Payqa tukuy imapi, paytaj Dios, yupaychasqataj kachun wiñaypa wiñayninkama. Amén.

Hechos 10:34

Chaymantataj Pedro parlayta qallarerqa: Cheqamanta yachani, Diosqa mana runaj rijch'ayninta qhawaspachu runataqa ajllan, manachayqa, ima laya runa ukhupipis, pichá Diosta manchachikoj, cheqa kajtataj ruwaj runamin Diospajqa munasqa.

Romanos 8:3

Diosqa ruwarqa imatachus Moisespa leynin mana ruwayta atisqanta, aycha pisi kallpayoj kasqanrayku. Chayrayku Diosqa Churinta kachamorqa juchallikoj runaman rijch'akojta, jucha jawa; chay juchata aychapi chinkachinampaj; leypa cheqan kasqanqa noqanchejpi junt'akunampaj. Noqanchejqa mana aychaj munayninman jinachu purishanchej, astawanqa Espirituman jina.

Hechos 14:27

Antioquiaman chayaspataj, iglesiata tantaykuspa willarqanku, imaynatachus Dios tukuy imapi paykunata yanapasqanta, jinallatataj gentilespajpis punkuta kicharisqanta, Jesuspi creenankupaj.

San Juan 16:28

Dios Tatajmanta llojsimorqani, mundomantaj jamorqani; kunantaj mundota saqespa Dios Tatajman kutishani.

San Juan 13:3

Jesustaj yacharqa Dios Tatamanta jamusqanta, Diosmantaj kutipushasqanta. Yachallarqataj Dios tukuy atiyta payman qosqanta.

San Lucas 24:51

Bendicishaspataj paykunamanta karunchakorqa, janaj pachamantaj oqharisqa karqa.

Apocalipsis 17:7

Angeltaj niwarqa: Imaraykutaj t'ukunki? Chay warmimanta pakasqa yachayta willasqayki, warmita apamoj phiña animalmantawan, mayqenchus qanchis umayoj, chunka wajrayojtaj.

Apocalipsis 17:5

Frentempitaj uj suti escribisqa karqa: Pakasqa yachay, jatun Babilonia, qhenchachakoj warmispa maman, kay pachapi millaykunajtapis.

Hebreos 8:1

Kunanqa, tukuy nisqanchejmanta kaymin ñaupajqa: Chay jina kuraj sacerdote tiyapuwanchej payqa janaj pachapi jatun Diospa tiyanampa pañanman, tiyaykukorqa.

2 Tesalonicenses 2:7

Chay pakasqa sajra ateyqa, ñapis llank'ashanña; payqa suyashan jark'ajqa chaupinmanta orqhosqa kanallanta.

2 Tesalonicenses 1:10

Maypachachus Señor jamonqa ajllasqasninwan yupaychachikoj chaypacha, tukuy creejkuna mayta t'ukonqanku. Qankunataj jaqay p'unchaymanta willasqaykuta cheqamanta creerqankichej.

Hechos 1:19

Jerusalén llajtapi tukuy tiyajkunataj chaymanta uyarerqanku. Chayrayku chay jallp'ata parlayninkupi Acéldama nispa, suticharqanku. Chay niyta munan Yawar Jallp'a.

San Juan 17:5

Kunantaj Tatáy, qayllaykipi jatunchaway, jaqay janaj pacha k'anchaywan, mayqenchus tiyapuwarqa qanwan kashajtiy, manaraj mundo ruwakushajtin.

San Juan 15:26

Maypachachus sonqochaj jamonqa, pitachus noqa Tataymanta kachamusaj, chay cheqa Espiritoqa Dios Tatamanta jamun, paytaj noqamanta willanqa.

San Juan 6:62

Ima niwajchejtaj Runaj Churinta maypichus karqa chayman wicharejta rikuspari?

San Lucas 2:32

Pay k'anchanqa gentilesman, israel aylluyki jatunyasqa kanampaj.

Marcos 16:5

Warmistaj, sepulturaman yaykuspa rikorqanku uj waynata pañanejpi tiyashajta, qhoysu yuraj p'achayojta; paykunataj mancharikorqanku.

Marcos 1:13

Jesustaj chaypi karqa, tawa chunka p'unchayta; supaytaj probarqa. Chay ch'impi pay karqa, phiña animaleswan khuska. Angelestaj jamuspa mikhunata jaywarqanku.

San Mateo 28:2

Ujllata ikhakorqa jallp'a, imaraykuchus Señorpa uj angelnin janaj pachamanta uraykamuspa, qayllaykuspataj, rumita tijrarpayarqa, chay patapitaj tiyaykukorqa.

San Mateo 13:11

Paytaj kutichispa nerqa: Qankunaman janaj pacha reinoj pakasqa imasninmanta yachayta qosunkichej, manataj paykunamanqa.

San Mateo 4:11

Chantá supay saqeporqa Jesusta, angelestaj jamuspa mikhuyta jaywarqanku.

Miqueas 5:2

Qantajrí Efratamanta Belén, Judapi llajtas kajmanta aswan juch'uy kanki, qanmantamin llojsenqa Israelta kamachejqa unay aylloj mirayninmanta.

1 Pedro 3:18

Cristopis juchasrayku uj kutillata ñak'arerqa cheqan mana juchayoj, juchasapasrayku; Diosman pusanawanchejpaj. Cheqamanta aychapi wañorqa, espiritupitaj kausasharqa.

Isaías 7:14

Kikin Señormin señalta qosonqachej. Qhawariychej, manaraj qharita rejsej sipas wijsallikun, nacechikuspataj, wawanta Emanuelta sutichanqa.

Romanos 10:12

Judío runawan, griego runawanqa uj rejlla kanku. Ujlla Señorqa tukuypata, qhapajtaj tukuy payta wajyakojkunapaj.

Romanos 3:4

Chayqa mana jinachu; astawampis Diosqa cheqamin, tukuy imata ruwan cheqa kajman jina, tukuy runataj llulla, escribisqa kasqanman jina: Palabrasniynejta cheqan runapaj qhawasqa kanaykipaj; juzgasojtinkutaj atipanaykipaj.

Romanos 16:26

Chayqa kunan rikuchisqaña karqa, profetaspa escribisqankupi, wiñaymantapacha Diospa kamachiynin jina. Chay pakasqa yachayqa runasman rejsichisqaña kashan, creenankupaj kasunankupajtaj.

2 Corintios 1:19

Jesucristoqa Diospa Churin. Noqayku paymanta willarqayku qankuna ukhupi, noqa, Silvano, Timoteo ima. Manataj Jesucristopi karqachu “arí” niywan “mana” niywan khuska, astawanqa “arí” paypi karqa.

1 Pedro 1:21

Paynejta Diospi creenkichej. Paytaj Cristota wañusqakunamanta kausarichispa jatuncharqa; ajinamanta feniykichej suyayniykichejpis, Diospi kanampaj.

1 Juan 3:8

Juchallikojqa supaypata. Supayqa qallariymanta juchallikun. Chayrayku, Diospa Churenqa jamorqa supaypa ruwasqasninta phirinampaj.

San Lucas 20:44

Chantá, imaraykutaj Davidpa Churin kanman Cristori, Davidllataj Señor nishaspari?