1 Timoteo 2:4 - Qheshwa Biblia DC

⁴ Pay munan tukuy runas salvasqas kanankuta, cheqan kajtataj rejsinankuta.

DIOSPA QHELQACHISQAN DEUTEROCANONICAL

⁴ Pay munan tukuy runakuna qhespichisqa kanankuta, jinataj cheqan kaj yachachiyta rejsinankuta.

DIOSPA QHELQACHISQ

⁴ Pay munan tukuy runakuna qhespichisqa kanankuta, jinataj cheqan kaj yachachiyta rejsinankuta.

Quechua South Bolivia: Dios Parlapawanchej

⁴ Pay munanpuni tucuy runas juchasnincumanta cachariskas canancuta rejsinancutataj cay cheka cajta:

1 Timoteo 2:4 Referans Kwoze

Ezequiel 18:32

Mana noqaqa ni pi wañunanta munanichu. Sajra kajmanta t'aqakuychej, chantaqa kausankichej. Noqa Señor kaytaqa nini.

2 Pedro 3:9

Señorqa jamusaj nisqanta mana qonqashanchu, imaynatachus wakin yuyanku Cristo qonqapusqanta. Manachayqa, Dios pacienciakun tukuy qankunapaj, khuyakuyninwan mana pitapis juchanrayku chinkananta munaspa, astawanqa tukuy runa Diosman kutirinanta munan.

Ezequiel 18:23

Mana noqa munanichu juchasapa runa wañunanta, manachayqa kutirimpunanta munani, kausanantataj. Noqa Señor kaytaqa nini.

Tito 2:11

Dios rikuchiwanchej khuyakuyninta, tukuy runas salvasqas kanankupaj.

Ezequiel 33:11

Paykunaman niy: Noqa Señorqa kausayniyrayku jurani: Mana munanichu juchasapa runa wañunanta, astawanqa munani sajra puriyninmanta kutirimuspa kausananta. Israel runakuna, sajra puriyniykichejmanta kutirimpuychej, kutirimpuychej, imaraykutaj wañuwajchejri?, nispa.

2 Timoteo 2:25

Llamp'u sonqowan k'amichun contrampi sayaykukojkunatapis. Ichapis chay jinamanta Diosman kutirikunkuman, cheqan kajta rejsinankupaj.

1 Timoteo 4:10

Kayrayku llank'anchej sayaykukunchejtaj. Suyanchej ari kausaj Diospi, pichus tukuy runakunaj salvajnin, astawanqa creejkunajta.

Isaías 45:22

Noqaman jamuychej tukuy jallp'api tiyajkuna. Noqamin Diosqa kani. Noqa salvasqaykichej. Mana astawan wajqa kanchu.

San Lucas 24:47

Sutimpitaj willakunan tiyan Diosman kutirinamanta; juchas pampachasqas kanankuta tukuynejpi, Jerusalenmanta qallarispa.

Apocalipsis 14:6

Waj angeltataj janaj pachaj chaupinta phawajta rikorqani, wiñay evangelio jap'ishajta; kay pachapi tiyakojkunaman, tukuy llajtasman, ayllusman, waj parlayniyojkunaman, tukuy runasman ima willanampaj.

San Juan 14:6

Jesús payman nerqa: Noqa ñan kani, cheqataj, kausaytaj; mana pipis Dios Tataman jamuyta atinchu, mana noqanejta kaspaqa.

San Mateo 28:19

Chayrayku riychej, tukuy laya runasta yachachisqasniyman tukuchimuychej, bautizaspa Dios Tataj sutimpi, Churej sutimpi, Santo Espíritoj sutimpiwan, yachachispataj qankunaman kamacherqaykichej chayta, paykunapis waqaychanankupaj. Chantá yachaychej, noqa qankunawan tuta p'unchay kasqayta, kay pacha tukukunankama. Amén.

Tito 1:1

Noqa Pablo, Diospa kamachin, Jesucristoj apostolnintaj kani; Diospa ajllasqasninta creeyman pusanaypaj, cheqa kajtataj rejsinankupaj, Diosta yupaychana kasqanman jina.

Isaías 55:1

Tukuy ch'akichikojkuna jamuychej yakuta ujyaj. Mana qolqeyojkuna jamullaychej, mikhullankichejtaj. Mana qolqellawan jamuspa jap'ikullaychej vinota, lechetapis.

2 Timoteo 3:7

Paykunaqa yachashallankupuni, manataj jayk'ajpis cheqa kajta rejsiyta atinkuchu.

San Lucas 14:23

Chantataj patrón nerqa: Jina kajtenqa, riy tukuy chaki ñankunasman, jatun ñankunaman ima, usqhay usqhaytataj pusaramuy wajkunata, wasiy junt'a kanampaj.

San Lucas 1:77

Ayllunmantaj salvacionta rejsichinki, juchasninku pampachasqas kanankupaj.

Isaías 49:6

Chanta payqa niwarqa: Kamachillay kanaykeqa mana allinchu, Jacobpa ayllusninta kutirichimunallaykipajqa, Israelmanta puchojkunata kutirichimunallaykipajqa. Astawampis nacionespa k'anchaynin kanaykipaj churayki, salvacionniyta apanaykipaj, karu jallp'aspi kajkunasnintinman.

San Juan 17:17

Paykunata llimphuchay cheqa kajpi; palabraykeqa cheqapuni.

San Juan 6:37

Diospa tukuy qowasqan noqaman jamonqa; noqaman jamojtarí, mana qharqosajchu.

Marcos 16:15

Jesustaj nerqa: Riychej tukuy mundoman, evangeliota willamuychej tukuy runasman.

Hebreos 10:26

Cheqa kajta rejsispañachus munayninchejmanta ujtawan juchapi purisun chayqa, manaña kanchu juchasrayku imatapis jaywanaqa.

Habacuc 2:14

Chaypachataj, Señor gloriayoj kasqanmanta yachayqa tukuy jallp'antinman junt'anqa, imaynatachus mama qochaman yaku junt'aykun jinata.

Isaías 53:11

Chay jina llakiyta jap'ispa kusiy poqoyta rikonqa, may kusisqataj qhepakonqa. Chay yachayninwan cheqan kamacheyqa ashkhasta salvanqa, paykunaj juchasninkutataj apanqa.

Romanos 11:14

Ichachus ajinapi kallpachayman yawarniymanta kajkunata, paykunapis salvakuyta munanankupaj, paykunamanta wakillantapis salvanaypaj.

Santiago 3:14

Chayrí, jaqay qhawanakupichus, churanakupichus sonqoykichej kashan chayqa, ama jatunchakuychejchu, nitaj cheqa kajpa contranta llullakuychejchu.

2 Juan 1:1

Noqa kuraj runa escribimuni ajllasqa mamaman, wawasninman ima. Cheqamanta paykunata munakuni. Mana noqallachu munakuni, manachayqa, cheqa kajta tukuy rejsejkunapis munakullankutaj.