1 Timoteo 1:9 - Qheshwa Biblia DC

⁹ Kayta yachanchej, leyqa mana cheqan runaspajchu churasqa karqa. Manachayqa churasqa karqa leyta p'akejkunapaj, mana kasukojkunapaj, Diosta mana manchachikojkunapaj, juchasapaspaj, pikunachus tatanta, chayrí, mamanta wañuchejkunapaj, runa wañuchejkunapaj ima.

DIOSPA QHELQACHISQAN DEUTEROCANONICAL

⁹ Yachallanchejtaj Diospa kamachisqan mana cheqanta ruwajkunapajchu churasqa kasqanta. Manachayqa kay jinata ruwajkunapaj churasqa karqa: Kamachisqata mana uyarikuyta munajkunapaj, mana kasukojkunapaj, Dioswan churanakojkunapaj, juchasapakunapaj, pikunachus tatankuta, chayrí mamankuta wañuchejkunapaj, runa wañuchejkunapaj ima.

DIOSPA QHELQACHISQ

⁹ Yachallanchejtaj Diospa kamachisqan mana cheqanta ruwajkunapajchu churasqa kasqanta. Manachayqa kay jinata ruwajkunapaj churasqa karqa: Kamachisqata mana uyarikuyta munajkunapaj, mana kasukojkunapaj, Dioswan churanakojkunapaj, juchasapakunapaj, pikunachus tatankuta, chayrí mamankuta wañuchejkunapaj, runa wañuchejkunapaj ima.

Quechua South Bolivia: Dios Parlapawanchej

⁹ Manataj chekan ruwajcunapajchu koska, manachayrí sajra ruwajcunapaj. Caycunapaj: Camachiskasta mana jap'ejcunapaj mana casucojcunapajwan, Diospa contranpi cajcunapaj juchasapaspajwan, sajra runaspaj c'acha imaspa contranpi cajcunapajwan, tatancuta wañuchejcunapaj mamancuta wañuchejcunapajwan, runata wañuchejcunapaj,

1 Timoteo 1:9 Referans Kwoze

Gálatas 3:19

Chantá, leyqa imapajtaj churasqa karqari? Leyqa churasqa karqa runakunaj juchasninkurayku Cristo jamunankama; pimanchus Dios nerqa qonanta. Leyqa angelesnejta qosqa karqa allinyachejpa Moisespa makinman.

1 Pedro 4:18

Allinta kausakoj runachus ñak'ayllata salvakun chayqa, Diosta mana yupaychaj runa, juchasapaspis, imapitaj rikhurenqankuri?

Romanos 5:20

Leyqa churasqa karqa, astawan jucha yapakunampaj. Juchastawan yapakojtinrí, Diospa khuyakuynimpis astawanraj yapakorqa.

Tito 3:3

Noqanchejpis ñaupajtaqa mana yuyayniyoj karqanchej, Diosta mana kasuspa, chinkasqas aychaj munaynimpi, imaymana sajra munaykunaman qokuspa, mana allin yuyaypi, qhawanakuspa, chejnisiris, chejninakuspataj ujkuna ujkunawan.

Romanos 6:14

Chayrayku juchaqa manaña kamachisonqachejchu, imaraykuchus manaña leypa kamachimpichu kankichej, astawanqa Diospa khuyakuynimpi kankichej.

Romanos 1:30

Kankutaj thutojkuna, tumpajkuna, Diosta chejnejkuna, qhasimanta k'amejkuna, jatunchakojkuna, sajra kajkunata rikhurichejkuna, tatasninkuta mana kasukojkuna, mana yuyayniyojkuna, parlasqankuta mana junt'ajkuna, mana munakuyniyojkuna, mana allinyakuyta munajkuna, mana khuyakuyniyojkunataj.

Apocalipsis 22:15

Jawapitaj qhepakonqanku alqos, layqas, qhenchas, runa wañuchis, lantista yupaychajkuna, jinallatataj llullakuyta munakojpis, llullata ruwaj ima.

Apocalipsis 21:8

Manchachikojkunarí, mana creejkuna, millay kajkuna, runa wañuchis, qhenchachakojkuna, layqakuna, lanti yupaychajkuna, tukuy llullakojkunapis, chayaqepaj jap'enqanku, ninawan azufrewan larwashan chay qochata. Chaymá iskay kaj wañoyqa.

Tito 1:16

Yuyanku Diosta rejsisqankuta, ruwasqasninkuwantaj payta qhesachanku. Millaykuna mana kasojkuna kanku, nitaj allin kajtapis ruwayta atinkuchu.

1 Pedro 3:20

Chaykunataj ñaupa p'unchaykunapi, mana kasukoj karqanku. Noéj p'unchaynimpi, Diosqa jatun pacienciawan paykunata suyarqa arca ruwakushajtin. Chaypachataj pisi runas yakumanta salvasqas karqanku, tukuyninkutaj pusajlla karqanku.

Hebreos 11:31

Creesqanrayku Rahab, khuchi purej warmi, mana wañorqachu Diosta mana kasojkunawan khuska, wateqajkunata tukuy sonqo wasinman wajyaykusqanrayku.

2 Tesalonicenses 2:8

Chaypachataj chay sajra runa rikhurimonqa. Paytataj Señorqa simimpa samayninwan wañuchenqa, jamuynimpa k'anchayninwantaj phirenqa.

Romanos 4:13

Diosqa mana leyraykuchu Abrahamman nerqa, mirayninmampis kay mundota chayaqepaj qonanta; astawanqa Diospi Abrahampa feninrayku.

San Mateo 10:21

Wauqeqa wauqenta wañuchichenqa; tatapis wawanta; wawaspis oqharikullanqankutaj tatasninkuta wañuchichinankupaj.

Ezequiel 21:25

Qampajrí, Israelpa reynin, runa wañuchi sajra rey, jasut'isqa kanayki p'unchayqa qayllamunña, sajra imasta ruwanayki tukukunampaj.

Jeremías 23:11

Señorqa nin: Tukuy profetasnintin, sacerdotesnintin puraj uyas juchasapas kanku. Paykunata kikin yupaychana wasiypi juchasta ruwashajta taripani.

Proverbios 30:17

Tatanta qhesachajqa: Jinallataj paya mamanmanta asirikojqa, qharqañaswan ñawisninta orqhochikuchun, ankaj uñasninkuwantaj mikhuchikuchun.

Proverbios 30:11

Wakenqa tatankuta maldicinku, mamankutapis mana bendicinkuchu.

Proverbios 28:24

Pichus tatanmanta chayri mamanmantapis suwaspa, ninman mana juchayojchu kasqanta, runa wañuchi runaj kausaqenman tukun.

Proverbios 28:17

Runata wañuchejqa, sepulturakama ayqenqa; nitaj pipis chaymanta sayachiyta atenqachu.

Proverbios 20:20

Pichus tatanta mamantapis maldicejqa, manchay musphay laqhapi wañonqa.

2 Crónicas 32:21

Chaypacha Señorqa kachamorqa uj angelta, paytaj wañuracherqa wapu soldadosninta, kamachejkunasninta, kurajkunasnintawan rey Asiriaj jarampi. Paytaj may p'enqasqa llajtanman kutiporqa. Diosnimpa yupaychana wasinman yaykojtintaj paypa wawasnillantaj chay kikimpi espadawan wañurparicherqanku.

2 Reyes 19:37

Chanta uj p'unchay payqa diosnin Nisrocpa wasinman yaykuspa chaypi qonqorikushajtin, wawasnin Adramelecwan, Sarezerwantaj, cuchillowan wañucherqanku. Chaymantataj Ararat jallp'aman ayqekorqanku. Paypa cuentampitaj wawan Esarhadon kamacherqa.

2 Samuel 16:11

Chaymantataj Abisaiman jinataj chay yanapajkunasninman kuticherqa kay jinata nispa: Wawallaytaj wañuchiyta munashawajtinri, Benjamimpa ayllunmanta kajqa astawanraj atinman! Saqeychej jinata contraypi parlamojta, Señorchá jinata kamachin!

Deuteronomio 27:16

Tatanta, mamanta qhesachajqa maldicisqa kachun. Tukuy israelitastaj nenqanku: Ajina kachun, nispa.

Levítico 20:9

Pillapis tatanta chayri mamanta maldicejqa, wañunampaj juchachasqa kanqa. Pichus tatanta, chayri mamanta maldicejqa, pay cuentayoj kanqa chay wañuyninmanta.

Éxodo 21:14

Sichus pi phiñakuspa runa masinta jinata ruwan, wañuchintaj qhasimanta chayqa, altarniymanta wijch'unki, qharqonkitaj wañunampaj.

Éxodo 20:13

Ama wañuchinkichu.

1 Pedro 2:7

Chaymin qankuna creejkunapaj k'acha; mana creejkunaj chay wasichajkunaj qhesachasqanku rumeqa, sumaj esquina rumiman tukupun, misk'achej rumiman, urmachej qaqamanta. Mana kasukojkunaqa Diospa palabrampi misk'anku, imaraykuchus chaypaj churasqas karqanku.

Hebreos 12:16

Ama pipis sajrata purichunchu, Diosta mana kasoj Esaú jina, pichus uj mikhunaraykulla kuraj kayninta chhalarqa.

Gálatas 5:18

Sichus Espíritu pusaykachasunkichej chayqa, manaña leypa kamachimpichu kankichej.

1 Timoteo 4:7

Qhasi mana kaj palabrasta, paya warmispa cuentosninkutapis qhesachay. Astawanqa kallpachakuy Diosta yupaychaypi.

1 Timoteo 6:20

Ya, Timoteo, allinta waqaychay imatachus nerqayki chayta. Ama kasuychu qhasi mana kaj palabraswan thautiykunata. Amataj kasuychu llulla yachachiytapis, sumaj yachay nisqa chayta.

2 Timoteo 2:16

Qhasi mana kaj palabrasta saqey, imaraykuchus chaykunaqa astawan astawan Diosta qhesachachinku.

2 Timoteo 3:2

Runakuna kanqanku paykuna kikinkuta munakojkuna, qolqeta astawan munajkuna, alabakojkuna, jatunchakojkuna, Diospa contranta rimajkuna, tatasninkuta mana kasojkuna, mana yuyarejkuna, Diosta mana yupaychajkuna, mana khuyakojkuna, mana allinyakuyta munajkuna, qhasimanta tumpajkuna, sajra munaykunata mana atipayta atejkuna, rumi sonqos, allin kajta chejnejkuna, wasanchajkuna, mana kajmanta phiñakojkuna, runaykachajkuna, kay pacha kusikuykunata munakojkuna, Diosta munakunankumanta nisqaqa.

Tito 1:6

Kurajqa mana imamanta k'amina kanan tiyan, uj warmiyojlla. Wawasnintaj creejkuna kananku tiyan, manataj sajra kausaymanta ch'atanas, nitaj mana kasukojkuna.

Tito 1:10

Ashkha tiyan mana kasukojkuna, mana kajta parlajkuna, ch'aukiyajkuna. Kaykunamanta astawanqa kanku circuncisionmanta kajkuna.