1 Timoteo 1:5 - Qheshwa Biblia DC

⁵ Kay kamachiypa yachachiynenqa munakuymin; chaytaj llimphu sonqomanta llojsimun, allin concienciamanta, cheqa creeymantataj.

DIOSPA QHELQACHISQAN DEUTEROCANONICAL

⁵ Kayta kamachiyki munaspa Diosta tukuy qhatikojkunapura tukuy sonqowan munakunaykichejpaj, llimphu sonqowan, chantá Diospi tukuy sonqo atinikuspa ima.

DIOSPA QHELQACHISQ

⁵ Kayta kamachiyki munaspa Diosta tukuy qhatikojkunapura tukuy sonqowan munakunaykichejpaj, llimphu sonqowan, chantá Diospi tukuy sonqo atinikuspa ima.

Quechua South Bolivia: Dios Parlapawanchej

⁵ Cristorí camachiwanchej munacuypi causananchejta. Cay munacuyka llimphu sonkomanta, c'acha sonko-yuyaymanta, Diospi cheka jap'icuymantawan.

1 Timoteo 1:5 Referans Kwoze

Gálatas 5:22

Espíritoj ruwasqasninrí kaykuna: Munakuy, kusiy, sonqo tiyasqa kay, pacienciayoj kay, khuyakuy, k'acha kay, fe, llamp'u sonqo kay, maychus kajta kausakuy ima. Kaykunaj contrampeqa mana ima leypis kanchu.

2 Timoteo 2:22

Ajinallatataj, waynaspa sajra munapayayninkumantapis ayqey. Cheqa kajtapuni ruway fewan, munakuywan, sonqo tiyakuywan, pikunachus llimphu sonqowan Señorpa sutinta wajyakunku chaykunawan.

2 Timoteo 1:5

Yuyarikuni tukuy sonqo creesqaykimanta. Ñaupajtaqa abuelayki Loidapis, mamayki Eunicepis creerqanku. Noqa allinta yachani creesqallaykitataj.

2 Timoteo 1:3

Diosman graciasta qoni, pitachus kasuni ñaupa tatasniymantapacha, ch'uwa concienciawan; maypachachus mana sayk'uspa tuta p'unchay, Diosmanta mañakusqaypi qanmanta yuyarikunipuni.

1 Pedro 3:21

Chay yakutaj bautismowan ninakun. Bautismotaj aychaj millayninta mana llimphuchanchu; astawanqa llimphu concienciaj munayninwan Diosninchejman pusawanchej, Jesucristo kausarimusqanrayku.

1 Pedro 3:16

Allin sonqoyoj kaychej. Pikunachá qankunapaj thutunku sajratapis ruwawajchej jina chayqa, paykunallataj p'enqachisqas kanqanku, Cristopi allin kausayniykichejta qhasimanta tumpajkuna.

1 Pedro 1:22

Kunantaj qankuna Santo Espiritunejta cheqa kajta kasuspa, almasniykichejta llimphucharqankichej, hermanosniykichejta cheqamanta munakunaykichejpaj mana llullakuspa. Kunanqa munananakuychej purajmanta llimphu sonqowan.

Romanos 10:4

Leypa tukukuynenqa Cristomin, tukuy paypi creejkuna Diospaj cheqan runas kanankupaj.

Tito 1:15

Llimphuspajqa tukuy ima llimphu; juchasapaspajqa, Diospi mana creejkunapaj, mana imapis llimphuchu, imaraykuchus yuyayninku, sonqonkupis juchawan ch'ichichasqas kanku.

1 Timoteo 3:9

Creeypa pakasqa yachachiyninta llimphu concienciawan waqaychachunku.

2 Corintios 1:12

Noqaykoj kusikuyniykoqa kay jina kashan: Sonqoyku niwayku allinta, llamp'u sonqos, maychus kajta purisqaykuta. Manataj runaj yachayninman jinachu, astawanqa Diospa khuyakuyninman jina allinta kausakorqayku kay pacha runaswan, astawanqa qankunawan.

Salmos 51:10

Diosníy, llimphu sonqota qoway. Ukhuypi cheqan espirituta mosojyachiy.

1 Pedro 4:8

Ñaupajtaqa qankuna ukhupi munakuy kachun, imaraykuchus munakoyqa ashkha juchata pampachan.

Santiago 4:8

Diosman qayllakuychej. Paypis qayllamusonqachej. Juchasapas, makisniykichejta llimphuchakuychej. Qankuna iskay yuyayniyojkunaqa, sonqosniykichejta llimphuchaychej.

Hechos 23:1

Pablotaj jatun juntapi kajkunata qhawarispa, nerqa: Wauqekuna, kunankama Diospa ñaupaqempi llimphu sonqoyoj kausakuni.

Salmos 24:4

Llimphu makisniyoj kaj, llimphu sonqoyoj kaj, pichus qhasi dioskunata mana yupaychaj kaj, nitaj qhasi manakajta parlaj kaj.

1 Juan 3:3

Pillapis Jesucristopi suyayninta churajqa, pay kikin llimphuchakun, imaynatachus Jesucristopis llimphu kashan, ajinata.

1 Corintios 13:1

Sichus noqa parlayman runakunaj parlaynimpi, angelespa parlaynimpiwan, manataj munakuyniy kapuwanmanchu chayqa, jatun campanaj waqayninman rijch'akuyman; chayrí, juch'uy campanaj waqayninman rijch'akuyman.

Romanos 14:15

Sichus mikhusqaykirayku wauqeyki llakikun chayqa, manaña munakuyman jinachu purishanki. Ama pipis mikhusqaykirayku chinkachunchu, imaraykuchus chay runapaj Cristo wañorqa.

Romanos 9:1

Cheqata Cristo Jesuspi niykichej mana llullakuspa. Concienciaypis willashan Santo Espiritupi cheqatapuni nisqayta.

Hechos 24:16

Chayrayku atisqayta ruwani, tukuy kausayniypi llimphu sonqo kanaypaj Diospa ñaupaqempi, runaspa ñaupaqenkupipis.

Hechos 15:9

Diosqa gentilesta munakun, noqanchejta jinallataj. Paykunaj sonqosninkutapis juchamanta llimphuchan creesqankurayku.

San Mateo 12:35

Allin runaqa, allin waqaychanamanta allin imasta orqhomun. Sajra runatajrí, sajra imasta orqhomun sajra waqaychananmanta.

San Mateo 5:8

Kusikuyniyoj kanku llimphu sonqoyojkunaqa, imaraykuchus paykunaqa Diosta rikonqanku.

1 Juan 3:23

Kaymin Diospa kamachiynenqa: Jesucristo Churimpa sutimpi creespa, ujkuna ujkunawan munanakunanchej, kamachiwasqanchejman jina.

Hebreos 13:18

Diosmanta mañapuwayku ari, yachayku allin sonqoyoj kasqaykuta, tukuy imapi allinta puriyta munaspa.

Gálatas 5:6

Cristo Jesuspeqa ni mayqen allinchu ni circuncidasqapis kay, nitaj mana circuncidasqapis. Manachayqa creeylla, maykenchus tukuy imata munakuynejta ruwan.

Jeremías 4:14

Jerusalén, sonqoykimanta sajra imasta llimphuchakuy, jinamanta salvasqa kanaykipaj. Mayk'ajkamataj umaykita muyuchikunki chay sajra yuyaykunawanri?

Deuteronomio 10:12

Kunanqa israelitas, imatataj mañakusunkichej Señor Diosniykichejri? Payqa munan Payta manchachikunaykichejta, Paypa ñannintataj purinaykichejta. Munallantaj payta yupaychanaykichejta tukuy sonqoykichejwan, tukuy almaykichejwan ima.

Sofonías 3:7

Yuyarqani ajinamanta Jerusalén llajta manchachikunawanta. K'amisqaytataj jap'ikunanta, chay jinamanta noqa jasut'ejtiy ama aylluntin wañunampaj. Aswampis paykunaqa usqhaychakorqanku tukuy laya sajra ruwanasman.

Romanos 12:9

Munakuspaqa, ama munakojllamanchu rijch'akuychej. Sajra kajta chejniychej, allin kajtataj ruwaychej.

1 Timoteo 1:18

Timoteo wawáy, kayta kamachiyki ruwanaykita, imaynatachus ñaupajtaña hermanos, Espirituman jina yuyaychasqas qanmanta nerqanku, chaykunaman jina maqanakupi, allinta tinkunaykita, feniykita, allin concienciaykitawan jallch'aspa; imaraykuchus wakenqa concienciankuta mana kasuspa, feninkuta chinkacherqanku.

1 Juan 3:10

Kay jinapi yachakun Diospa wawasninchus chayrí supaypatachus kasqankoqa. Mana cheqan kajta ruwajqa, nitaj wauqentapis munakojqa, mana Diospa wawanchu.