1 Samuel 9:16 - Qheshwa Biblia DC

¹⁶ Q'aya kay horasta Benjamimpa ayllunmanta uj runata kachamusqayki, paytataj aceitewan jawinki, Israel aylluypa kamachejnin kanampaj. Pay Israel aylluyta filisteospa atiyninmanta kacharichenqa, aylluy willakamuwan chayrayku, imaraykuchus noqa paykunamanta khuyakuni, llakiyta willakuwasqankurayku, nispa.

DIOSPA QHELQACHISQAN DEUTEROCANONICAL

¹⁶ Q'aya kunanta jina Benjamín jatun ayllumanta uj runata kachamusqayki, paytataj aceitewan jawinki, Israel aylluypa kuraj kamachejnin kananpaj. Payqa Israel aylluyta filisteokunaj makinkumanta kacharichenqa, imaraykuchus noqa aylluymanta khuyakuni, ñak'arisqankuta rikuspa, nispa.

DIOSPA QHELQACHISQ

¹⁶ Q'aya kunanta jina Benjamín jatun ayllumanta uj runata kachamusqayki, paytataj aceitewan jawinki, Israel aylluypa kuraj kamachejnin kananpaj. Payqa Israel aylluyta filisteokunaj makinkumanta kacharichenqa, imaraykuchus noqa aylluymanta khuyakuni, ñak'arisqankuta rikuspa, nispa.

1 Samuel 9:16 Referans Kwoze

1 Samuel 10:1

Chaypacha Samuelqa aceite botellata jap'ispa Saulpa uman pataman jich'aykorqa, much'aykuspataj nerqa: Kunanmanta Señorqa t'aqasunki, Israel ayllumpa reynin kanaykipaj. Qan kamachinki atipachinkitaj chay muyuynimpi kaj enemigosninmanta. Kay uj señal kanqa qanta Señorqa ayllumpa reynin kanaykipaj t'aqasusqanmanta: Kunanqa kaymanta ripushaspa iskay runaswan tinkukunki Raquel maypichus p'ampasqa kashan, Selsa llajta qayllapi. Chayqa kashan Benjamimpa jallp'asnin chaypi. Paykunataj nisonqanku mask'asharqanki chay chinkaj burrosta tarisqankutaña, chanta nisonqanku tataykeqa manaña burrosmantachu llakisqa kashasqanta, manachayqa qankunamanta llakikushan, tapurakushantaj: Imanasajtaj wawaymantari?, nispa.

Salmos 106:44

Chay tukuywampis, payqa llakiyninkuta rikuspa, waqasqankuta uyarerqa.

Salmos 25:18

Llakiykunas mayta ruwawasqankumantawan qhawariway, juchasniytataj pampachapuway.

1 Samuel 15:1

Uj p'unchay Samuelqa Saulman nerqa: Señor kachamuwarqa t'aqasunaypaj Israel aylloj reynin kanaykipaj. Chayrayku kunan uyariy Señor imatachus nisuyta munan chayta.

1 Samuel 16:3

Chaymantaqa Isaita wajyay chay rikuchiku jaywasqaykiman, noqataj nisqayki imatachus ruwanaykita. T'aqay pitachus noqa nisqayki chayta rey kanampaj aceitewan jawispa.

1 Samuel 16:1

Señorqa Samuelman nerqa: Mayk'ajkamataj llakikunki Saulmantari?, nispa. Noqaqa manaña munanichu Israel ukhupi pay reyllapuni kanantaqa. Wajraykita aceitewan junt'achiy, riytaj Isaejpa wasinman Belén llajtaman, paypa ujnin kaj wawanta rey kanampaj ajllaniña.

2 Samuel 3:18

Walej, kunanqa chayta ruwaychej, Señorqa nerqapuni Davidnejta librananta Israel nacionninta chay filisteospa makisninmanta, jinataj tukuy enemigosnimpa atiyninmantapis.

Salmos 102:1

Señor mañakusqasuyta uyariway. Señor, saqellay qanman qhaparikusqay chayamunanta.

Jeremías 32:8

Imaynatachus Señor niwasqanman jina chay wauqey Hanameel carcelpa pationman jamuwarqa. Niwarqataj Anatotpi chay jallp'anta rantinayta. Chayqa karqa Benjamimpa ayllumpa jallp'ampi. Chayrayku noqa chay jallp'ata rantinay atikorqa, chaywantaj qhepakapunaypaj aswan qaylla ayllun kasqanrayku. Chay tukuy imaswan yacharqani Señormantapuni uj kamachiy kasqanta.

1 Samuel 14:20

Chay ratopacha Saulqa chay soldadosninwan ima tantakorqanku, maqanakojtaj rerqanku. Chay filisteos ukhupeqa sinch'i pantaypuni karqa, paykunapuralla wañuchinakuspa tukuchinakusharqanku.

1 Samuel 14:23

Chay maqanakoqa Bet-aven llajtakama chayarqa. Kay kutipeqa ajinata Señorqa israelitasta librarqa.

Proverbios 16:9

Runaqa imata ruwanantapis yuyaynimpi wakichin, Señortaj chay wakichisqasninta cheqanchan.