1 Samuel 9:13 - Qheshwa Biblia DC

¹³ Jaqayman chayaytawankama, payta mask'aychej, amaraj chay loma pataman mikhoj rishajtin. Runasqa paytaraj mikhunankupaj suyanqanku, imaraykuchus paypuni chay rikuchikutaqa bendicenqa, chaymantaraj chay wajyarisqa kajkunapis mikhunanku tiyan. Chayrayku kunampacha riychej, kunitanqa chaypi taripankichej, nispa.

DIOSPA QHELQACHISQAN DEUTEROCANONICAL

¹³ Jaqayman chayaytawankama, payta mask'aychej, amaraj orqo pataman mikhoj rishajtin. Runakuna mikhunankupaj paytaraj suyanqanku, imaraykuchus jaywanataqa paypuni saminchanqa. Chaymantaraj wajyasqa kajkuna mikhonqanku. Chayrayku usqhayllata riychej, chaypi payta taripankichej, nispa.

DIOSPA QHELQACHISQ

¹³ Jaqayman chayaytawankama, payta mask'aychej, amaraj orqo pataman mikhoj rishajtin. Runakuna mikhunankupaj paytaraj suyanqanku, imaraykuchus jaywanataqa paypuni saminchanqa. Chaymantaraj wajyasqa kajkuna mikhonqanku. Chayrayku usqhayllata riychej, chaypi payta taripankichej, nispa.

1 Samuel 9:13 Referans Kwoze

San Juan 6:11

Jesustaj chay t'antasta jap'ispa, Diosman graciasta qorqa. Chantá, yachachisqasninman t'antasta jaywarqa. Paykunataj runasman rak'irarqanku, jinallatataj challwastapis munasqankuman jina.

1 Timoteo 4:4

Diospa tukuy ruwasqanqa walejmin. Mana qhesachanapajchu, sichus graciasta qospa mikhusun chayqa.

1 Corintios 10:30

Diosman graciasta qospachus mikhorqani chayqa, imaraykutaj sajrapaj qhawawanku graciasta qosqaymantari?

San Juan 6:23

Chaykamaqa, Tiberias llajtamanta waj botes chayamorqanku, maypichus Señor graciasta qorqa t'antamanta, runastaj mikhorqanku chaynejman.

San Lucas 24:30

Ajinataj karqa, Jesusqa paykunawan mesapi kashaspa t'antata oqharispa, graciasta qospataj, partiytawan paykunaman jaywarqa.

Marcos 6:41

Jesustaj, chay phishqa t'antata, iskay challwastawan makimpi jap'ispa, janaj pachata qhawarispataj graciasta qorqa. T'antata partispataj yachachisqasninman jaywarqa runasman qomunankupaj. Iskay challwastapis jaywallarqataj rak'iranankupaj tukuyninkuman.

San Mateo 26:26

Mikhushajtinkutaj, Jesús, t'antata oqharispa graciasta qorqa, partispataj yachachisqasninman jaywarqa, nispa: Mikhuychej, kaymin cuerpoyqa.

San Mateo 14:19

Runastataj kamacherqa ch'iki pasto pataman tiyarakunankuta. Chaymantataj phishqa t'antasta, iskay challwastawan oqharispa, janaj pachata qhawarispataj graciasta qorqa. T'antasta partispataj yachachisqasninman jaywarqa, paykunataj runasman jaywarqanku.

San Lucas 9:16

Jesustaj chay phishqa t'antasta, iskay challwasta ima makimpi jap'ispa, patata qhawarispa Diosman graciasta qorqa. Partispataj jaywarqa yachachisqasninman runasman rak'inankupaj.

1 Samuel 2:35

Chaymantataj noqaqa ajllakusaj uj cheqa sacerdoteta, munasqayman jina ruwanampaj. Paymanqa qollasajpuni astawan mirayta, jinataj ajllasqay reypa kamachillampipuni kanampaj.

1 Samuel 9:14

Paykunataj chay llajtaman rej ñantaqa wicharishallarqankupuni. Llajtaman chayashajtinkuñataj Samuelqa llojsimusharqa, paykuna cheqanta loma patapi Diosta yupaychanaman rinampaj.

2 Samuel 15:11

Chay jawari Jerusalenmanta iskay pachaj runasta pusakorqa. Paykunaqa allin yuyaywan rerqanku mana yachaspa imachus kashasqanta.