1 Samuel 30:6 - Qheshwa Biblia DC

⁶ Davidqa sinch'i llakisqa kasharqa, chay runasnin payta rumiswan ch'anqaykuyta munasqankurayku. Tukuyninku wawasninkumanta llakisqas kasqankurayku. Chaywampis Davidqa Señor Diosnimpi atienikorqa.

DIOSPA QHELQACHISQAN DEUTEROCANONICAL

⁶ Davidqa sinch'i phutisqa kasharqa, imaraykuchus soldadonkunaqa payta rumiwan ch'anqaykuyta munarqanku. Tukuyninku wawankukunamanta manchay llakisqa kasharqanku. Chaywanpis Davidqa Tata Diosninmanta jap'ikuspa, kallpachakorqa.

DIOSPA QHELQACHISQ

⁶ Davidqa sinch'i phutisqa kasharqa, imaraykuchus soldadonkunaqa payta rumiwan ch'anqaykuyta munarqanku. Tukuyninku wawankukunamanta manchay llakisqa kasharqanku. Chaywanpis Davidqa Tata Diosninmanta jap'ikuspa, kallpachakorqa.

1 Samuel 30:6 Referans Kwoze

Salmos 56:11

Diospi atienekuni, mana manchachikunichu. Imatataj runaqa ruwawanman kasqari?

Salmos 62:5

Diosllapi sonqo tiyasqa kayta tarini. Suyayneyqa paymanta jamuwan.

Salmos 18:6

Jina llakiypi kashaspataj Señorta wajyakuni. Mañakorqanitaj Diosniy yanapanawanta. Paytaj wasinmantapacha uyarimuwan, qhaparisqaytaj ningrisninkama chayan.

Salmos 25:17

Sonqoyman llakiykuna yapakamuwan, phutiykunas ukhumanta orqhoway.

Hebreos 13:6

Chayrayku tukuy sonqo niyta atinchej: Señorqa yanapawajniy, mana manchachikusajchu, imanawanqataj runari?

Romanos 4:18

Abrahamtaj mana suyanata jina suyaspa creerqa. Ajinapi ashkha runaj tatan kanampaj, payman nisqa kasqanman jina: Ajina kanqa mirayniykeqa.

Salmos 116:10

May jina llakisqa kashaspapis, Diospi creesqayta parlarqani.

Romanos 8:31

Ima nisuntaj kaymantari? Sichus Dios noqanchejwan kashan chayqa, pitaj contranchejpi kanmanri?

Éxodo 17:4

Jina kajtintaj Moisesqa Señormanta mañakorqa, nispa: Señor, imanasajtaj kay runaswanri? Pisimantawanqa rumiwan ch'anqaspachá wañuchiwanqanku ari.

Salmos 42:11

Imaraykutaj q'enaqakuymanri? Imaraykutaj t'uruspalla kaymanri? Suyayniyta Diospi churani. Diosta yupaychasajraj. Paymin Salvawajniy Diosneyqa.

Salmos 27:14

Señorpi atienekuy, kallpachakuy, ama llauchhuyaychu ari, Señorpipuni atienekuy.

2 Corintios 4:8

Imaymana uma nanayniyoj kayku, manataj llakisqaschu. Chay tukuywampis phutiywan mana atipachikuykuchu.

1 Samuel 1:10

Anataj waqaspa, sonqon ukhupi may llakisqataj Señormanta mañakoj churakorqa.

San Juan 8:59

Chaypacha judíos, rumista oqharikorqanku Jesusta ch'anqanankupaj. Jesustaj paykunaj ñawisninkumanta pakakorqa; templomantataj llojsiporqa.

Números 14:10

Chayta uyarispataj runasqa paykunata rumiwan ch'anqaykuyta munarqanku. Jina kajtintaj Dioswan tinkukuna toldopi Señorpa k'anchaynin rikhurerqa, tukuy israelitaspa rikunankuta.

2 Corintios 7:5

Macedoniaman chayamusqaykumantapacha, mana imaynata samarikorqaykuchu, astawanqa imaymana llakiykuna jamuwarqayku; jawamanta ch'ajwas, ukhumantataj manchachikuykuna.

Proverbios 18:10

Señorpa sutenqa uj sumaj torre jina, chayman cheqan runasqa pakakunankupaj qayllanku.

Jeremías 16:19

Señorníy, qanmin kallpayqa, waqaychawajniytaj kanki, ñak'ariy ratospi qanllamin pakawajniy kanki. Qanman tukuy naciones jamonqanku. Kay pachaj cantosninmantapacha nisonqanku: chay qhasi dioskunallatamin mana atiyniyojkunata, chay mana imapaj allinchu kajkunata ñaupa tatasniyku chayaqenkupaj jina jap'erqanku.

Job 13:15

Dios wañuchinawan kashajtimpis Payllamampuni k'askasaj, noqataj sut'inta paywan parlasaj imaynachus kasqayta.

2 Corintios 1:6

Noqaykuchus ñak'ariyku chayqa, qankuna sonqochasqas, salvasqastaj kanaykichejpaj. Sonqochasqaschus kayku chayrí, qankuna sonqochasqasllataj, salvasqastaj kanaykichejpaj. Chaykunaqa ruwakun kikin llakiykunata aguantasqapi, noqaykupis aguantayku chay llakiykunata.

Romanos 4:20

Manallataj iskayrayarqachu mana feniyojpis kanman jina, creerqapuni Dios qosqayki nisqampi. Astawantaj fepi kallpachakorqa diosta yupaychaspa tukuy sonqo.

San Mateo 27:22

Paytaj nerqa: Imanasajtaj Cristo nisqa Jesuswanri? Tukuyninkutaj qhaparerqanku, chakatasqa kachun, nispa.

San Mateo 21:9

Ñaupaqenta qhepanta ima rejkunataj qhaparisharqanku, nispa: Yupaychasqa kachun Davidpa Churenqa! Señorpa sutimpi jamojqa, jatunchasqa kachun! Janaj pachakunapipis yupaychasqallataj kachun!

Isaías 25:4

Qanqa wajchaj pakakunan kanki, llakisqa pisichikojpaj jark'ajnin, para wayramanta jark'aj, ruphaymanta llanthojtaj. Sajra runaspa samayninkoqa, chiri tiempopi llojlla para perqaman seq'on ajina.

Salmos 62:1

Diosllapi sonqo tiyasqa kayta tarini. Salvacionneyqa paymanta jamun.

Salmos 42:7

Ukhu wayq'ospi yakoj phajchasqan sinch'ita uyarikun, kay chimpaman, jaqay chimpaman. Yaku apachimusqaykita patayta phullchimun.

Jueces 18:25

Danmanta kajkunataj kuticherqanku: Ama qhapariykamuwaykuchu, pajtataj wakin runasniyku paciencianku tukukojtin maqaj jamusunkuman, wañuchisunkumantaj qantawan aylluykitawan.

Génesis 32:7

Paytaj chayta uyariytawan mayta mancharikorqa, maytataj unanchakorqa imatachus ruwayta atinampaj. Chay ratopacha iskay t'aqararqa pischus paywan kasharqanku chaykunata. Jinallataj wakasta, ovejasta, camellosta, ima, yuyaspa: Sichus chay Esaú ñaupaj kaj t'aqawan maqanakonqa chayqa, qhepan kaj t'aqaqa ayqekonqa, nispa.

Salmos 42:5

Imaraykutaj q'enaqakuymanri? Imaraykutaj t'ukuspalla kaymanri? Suyayniyta churani Diospi. Diosta yupaychasajraj. Paymin Salvawajniy Diosneyqa.

2 Samuel 17:8

Qan sumajta yachanki tataykiwan chay runasninwan imaqa sinch'i wapus kanku, kunantaj imaynatachus monte china osamanta uñasninta qhechojtinku phiñakun, jinatachari phiñakushanku. Chay jawaqa tataykeqa maqanakuyman yachasqa, runasninwan khuskataj mana uj ch'isitapis puñonqachu.

2 Reyes 4:27

Warmitaj maypichus Diospa runan kasharqa chayman chayaytawan, paypa chakisninmanta jap'iykukorqa. Giezitaj kacharichiyta munaspa chimparqa. Diospa runantaj nerqa: Saqellay imaraykuchus paypa alman ancha phutiypi tarikun, Señortaj manaraj sut'inchawanchu, imamantachus llakisqa kasqanta.

1 Samuel 23:16

Uj kutipi Saulpa wawan Jonatanqa Horesman rerqa Davidta watukoj, astawan kallpachanampaj Diospi astawan atienikunampaj.

Salmos 18:2

Qan pakakunay chhanka kanki, jark'akuwajniytaj, librawajniy Diosniytaj kanki. Qan kanki pakakunay chhanka, pakakunay escudo, salvawajniy, kallpay, altopi sumaj pakakunaytaj.

Salmos 31:24

Kallpachakuychej, sonqoykichejpitaj kusikuychej, qankuna Señorpi suyajkuna.

Salmos 71:4

Diosníy, sajra runaj makinmanta salvaway, runa wañuchej makinmanta, wapu wapu runamantapis salvaway.

Salmos 71:5

Wayna kasqaymantapacha Señor, qan suyakunay, atienekunaytaj kanki.

Jueces 20:22

Chayrayku israelitasqa Betelman rerqanku Señorpa ñaupaqempi jik'un jik'unta waqarikoj inti yaykunankama. Tapullarqankutaj Benjaminmanta kajkuna ayllu masisninkuwan watejmanta maqanakunankuchus kanqa manachus chayta. Señortaj kamacherqa rinallankutataj, q'ayantintaj paykunaqa kallpachakullarqankutaj Benjaminmanta kajkunawan maqanakoj kutinankupaj, rerqankutaj maypichus chay ñaupaj p'unchaypi maqanakamorqanku chayman.

1 Samuel 28:15

Chaypitaj nerqa Samuelqa: Imapajtaj qhasita jamuchiwankiri?, nispa. Saultaj kuticherqa: Sinch'i llakisqa kashani, filisteos junt'aykamushawanku, noqatarí Dios qonqarpariwan. Manaña kutichiwanchu, ni profetasnejta, nitaj mosqoynejtapis. Chayrayku wajyacherqayki imatachus ruwanayta ninawaykipaj.

Salmos 138:3

Wajyakushajteyqa uyariwarqanki, kallpaykiwantaj kallpachawarqanki.