1 Samuel 3:19 - Qheshwa Biblia DC

¹⁹ Samuelqa wiñarqa, Señortaj paytaqa yanaparqa, tukuy nisqasnintataj ruwarqa.

DIOSPA QHELQACHISQAN DEUTEROCANONICAL

¹⁹ Samuelqa wiñarqa, Tata Diostaj payta yanaparqa, tukuy nisqanta junt'aspa.

DIOSPA QHELQACHISQ

¹⁹ Samuelqa wiñarqa, Tata Diostaj payta yanaparqa, tukuy nisqanta junt'aspa.

1 Samuel 3:19 Referans Kwoze

Génesis 39:2

Señorqa Josewampuni kasharqa. Chayrayku egipcio patronnimpapi kashajtin tukuy imapi allin rerqa.

1 Samuel 9:6

Chay kamachitaj kuticherqa: Kay llajtapi tiyan Diospa runan, paytaqa tukuy allimpaj qhawanku, imatapis nisqanqa junt'akojpuni kasqa. Jaku chayman rina, ichapis pay willawasunman mayqen ñantapis mask'aj rinanchejta.

San Lucas 2:52

Jesustaj wiñasharqa yachaypi, cuerpompipis; Diospaj allin qhawasqa, chantá tukuy runaspajpis.

2 Timoteo 4:22

Señortaj qanwan kachun. Jinallataj Diospa khuyakuynimpis qankunawan kachun.

1 Samuel 2:21

Señortaj Anata bendicerqa, paytaj wijsallikorqa. Jinamanta Anaqa kinsa qhari wawasta, iskay warmi wawastawan nacechikorqa. Samueltaj Señorpa ñaupaqempi wiñashallarqapuni.

2 Corintios 13:11

Kunanqa hermanos, kusikuychej, sumajta kausaychej, sonqo tiyakuypi uj yuyaylla kaychej, sonqo tiyakuypi kausakuychej, munakoj sonqo tiyachej Diostaj qankunawan kachun.

San Lucas 2:40

Wawataj wiñasharqa, kallpachakusharqataj, yachaywan junt'asqa. Diospa khuyakuynintaj paywan karqa.

2 Corintios 13:14

Señor Jesucristoj khuyakuynin, Diospa munakuynin, Santo Espíritoj ujchakuyninwan, tukuy qankunawan kachun. Amén.

San Lucas 1:80

Wawaqa wiñasharqa, kallpachakusharqataj espiritupi. Payqa ch'innejpi tiyakorqa Israel aylluman rikuchikunankama.

Isaías 43:2

Yaku mayusta chimpashajtiykeqa noqa qanwan kasaj. Mana yakoqa apasonqachu. Nina chaupita rishaspapis mana ruphachikunkichu. mana larwaynillampis q'aspasonqachu.

1 Samuel 18:14

Davidta Señor yanapasqanrayku tukuy ruwasqasnimpi allillampuni rerqa.

San Mateo 1:23

Uj sipas, manaraj qharita rejsej, wijsallikonqa, nacichikonqataj uj qhari wawata. Paytataj Emanuel sutiwan sutichanki. Kay sutitaj niyta munan: Dios noqanchejwan kashan.

Isaías 44:26

Kamachisniypa palabrasninta sut'iman orqhoni. Chay kachasqasniypa yuyasqankuta sut'iman orqhoni. Chaymantaqa noqa nini Jerusalenqa runa junt'ayoj kananta. Jinallataj Judá jallp'aj llajtasnimpis, watejmanta ruwasqas kanqanku, urmasqa raqaykunasninkutapis watejmanta sayarichisaj.

Génesis 21:22

Chay tiempollapitaj Abimelecqa soldadosninta kamachejnin Ficolwan rerqanku Abrahamwan parlaj. Chayaspataj nerqanku: Rikuyku qanta Dios tukuy ima ruwasqasniykipi yanapasusqanta.

San Lucas 1:28

Maypichus María kasharqa chayman yaykuspataj, angelqa payta napaykorqa: Qampi Diospa khuyakuynin! Señor qanwan kashan. [Tukuy warmismanta aswan bendicisqa kanki.]

Jueces 13:24

Chay warmeqa uj wawata nacechikorqa, sutintataj churarqa Sansonta. Wawataj wiñarqa, Señortaj bendicerqa.

Génesis 28:15

Noqa qanwan kashani, noqa waqaychasqayki maymampis rejtiyki, kutichimusqaykitaj kay jallp'allamantaj. Mana saqerparisqaykichu, imatachus qosunay kajta qosunaykama.

1 Samuel 12:2

Chayqa chay rey, qankunata pusasonqachej chayqa. Noqari ashkha watasniyojña kani, chujchasniypis yurajllaña, wawasniytaj qankunawan kashanku. Noqaqa wayna kasqaymantapacha kunankama qankunataqa pusaykacharqaykichej.

1 Samuel 16:18

Chaypacha paykunamanta ujnin kamachin, nerqa: Noqa rikuni Belén llajtapi, Isaejpa ujnin wawan sumajta tocayta yachasqanta. Payqa maqanakunapajpis wapu, maychus kajta parlaj, allin rijch'ayniyoj, Señortaj paywan kashan.

Génesis 39:3

Patronnenqa repararqa Señor paywampuni kasqanta, chayrayku tukuy imapi allin risqanta.

Deuteronomio 18:22

Sichus chay sut'inchaj Señorpa sutimpi parlasonqachej, nisqanta manataj junt'anchu chayqa, ajinamanta yachankichej chay palabrataqa mana Señorchu nisqanta. Manachayqa chay sut'inchaj jinata parlan wapuykachaspalla. Chay sut'inchajmanta ama manchachikuychejchu.

Josué 21:45

Señorpa palabrasnenqa ni ujpis qhepakorqachu mana junt'akuspaqa, israelitasman Señorpa nisqasninmantaqa.

1 Samuel 2:26

Chaykamataj Samuelqa wiñashallarqapuni, ruwasqasnintaj Señorpaj, runaspajpis allin karqa.

1 Samuel 10:7

Kay imas qhatirisojtenqa, imachus allin rijch'asonqa chayta ruway, Diostaj yanapasonqa.

1 Samuel 18:5

Davidqa Saul maymanchá kachaj chayman rej, tukuy imatataj allintapuni ruwaj. Chayrayku Saulqa Davidta soldadosta kamachinampaj churarqa. Davidqa allimpaj qhawasqa karqa tukuy runaspa ñaupaqempi, jinallataj Saulpa soldadosnimpa kamachejkunasnimpajpis.

1 Samuel 18:12

Saulqa Davidmanta manchachikorqa, Davidwan Señor kashasqanrayku, Saulta saqerparispa.

2 Reyes 10:10

Yachanaykichejpaj, Señor imaynatachus Acabpa mirayninmanta parlasqanqa, mana imapis mana junt'akuspaqa kanqachu, kamachin Eliasnejta parlasqanta Señorqa junt'ampuni.

2 Reyes 15:12

Kaytaj Señorpa parlasqanman jina junt'akorqa, mayqentachus kamachin Jehunejta parlarqa: Israelpa tronompi wawasniykeqa tawa mirayniykikama tiyakonqanku. Chanta jinataj karqa.

2 Reyes 22:16

Ajinata Señorqa nin: Kunanqa tukuy imastachus chay libropi qelqasqata Judamanta rey leerqa chay tukuynin sajrata, kay llajtaman, tiyakojkunamanwan apachimusaj.

Isaías 55:11

Ajinallataj kanqa noqaj simiymanta llojsej palabraqa. Mana noqaman jinallachu kutimonqa, manachayqa imatachus noqa munasqayta ruwanqa, imatachus noqa nerqani chayta junt'anqa.