1 Samuel 26:19 - Qheshwa Biblia DC

¹⁹ Noqa mañayki qan reyniyta noqa kamachiykita uyarinawaykita. Señorchus noqaj contraypi kanaykita nisorqa chayqa, jap'ichun rikuchikuta jaywasqayta. Runasllamantachus kanman chayri, Señor paykunata maldicichun. Paykunaqa Señorpa llajtanmanta wijch'uwanku, chaywantaj waj dioskunata yupaychanayta munaspa jinanku.

DIOSPA QHELQACHISQAN DEUTEROCANONICAL

¹⁹ Wiraqochi kamachejníy, ama jina kaspa, kunan parlarikusqayta uyaririway. Tata Dioschus noqaj contraypi kanaykita nisorqa chayqa, Tata Dios qhespichiwachun, uywata ñak'aspa q'olachisqaytataj jap'ikuwachun. Runallamantachus kanman chayrí, Tata Diosqa paykunata sinch'ita ñak'arichichun. Paykunaqa Tata Diospa jallp'anmanta wijch'uwaspa, waj dioskunata yupaychanaman tanqashawanku.

DIOSPA QHELQACHISQ

¹⁹ Wiraqochi kamachejníy, ama jina kaspa, kunan parlarikusqayta uyaririway. Tata Dioschus noqaj contraypi kanaykita nisorqa chayqa, Tata Dios qhespichiwachun, uywata ñak'aspa q'olachisqaytataj jap'ikuwachun. Runallamantachus kanman chayrí, Tata Diosqa paykunata sinch'ita ñak'arichichun. Paykunaqa Tata Diospa jallp'anmanta wijch'uwaspa, waj dioskunata yupaychanaman tanqashawanku.

1 Samuel 26:19 Referans Kwoze

2 Samuel 20:19

Llajtaykoqa tukuymanta aswan k'acha tiyakoj llajta, mana jayk'aj t'aqakoj Israelpa tukuy imasninmanta. Tukuymanta aswan uyarisqa kajtaj! Jinapis qanqa phiriyta munashanki. Imaraykutaj chinkachiyta munanki Señorpa llajtantarí?

2 Samuel 16:11

Chaymantataj Abisaiman jinataj chay yanapajkunasninman kuticherqa kay jinata nispa: Wawallaytaj wañuchiyta munashawajtinri, Benjamimpa ayllunmanta kajqa astawanraj atinman! Saqeychej jinata contraypi parlamojta, Señorchá jinata kamachin!

2 Samuel 14:16

Qan, reyníy, uyariwanki chayqa, jark'ayta atiwasqayku noqatawan wawaytawan pichus chinkachiyta munawasqayku Diospa jallp'anmanta, chaymantaqa.

Salmos 120:5

Ay noqa wajcha, Mesecpi tiyakojmanta, Cedarpa jallp'asnimpi qenchasta ruwakuni.

1 Crónicas 21:1

Supayqa israelitaspa contrampi oqharikorqa, Davidpa sonqonman churarqataj israelitasta yupachinampaj.

1 Samuel 18:10

Q'ayantintaj Diospa kachamusqan sajra espíritu Saulman yaykorqapacha. Paytaj palacio ukhupi locoyarqa. Davidtaj arpa tocana yachasqa kasqanman jina arpata tocasharqa. Saultaj uj lanzata makimpi jap'isharqa.

Génesis 8:21

Chay q'apaytaj Diospaj may sumajpuni karqa munasqanman jina, nerqataj sonqompi: Kunanqa manaña jallp'ata jasut'isajchu runaj juchanrayku. Imaraykuchus runaqa waynamantapacha mana allin kajllatachu yuyan. Nillataj kausajkunatapis tukuchisajchu kunampi jina.

2 Timoteo 4:14

Herrero Alejandro ashkha sajra imasta ruwawarqa; paymantaj Señorlla kutichipuchun ruwasqasninman jina.

Gálatas 5:12

Walej kanman, pikunachus circuncisionwan pantachisunkichej, chaykuna ujkama khuchukunanku.

Romanos 14:15

Sichus mikhusqaykirayku wauqeyki llakikun chayqa, manaña munakuyman jinachu purishanki. Ama pipis mikhusqaykirayku chinkachunchu, imaraykuchus chay runapaj Cristo wañorqa.

Isaías 60:5

Chaypacha qanqa paykunata qhawarispa sumajta k'ancharinki; sonqoykipitaj maytapuni kusikunki. Qanman mar qocha cantospi kajkuna, tukuy nacionespa qhapajyaynimpis qanman chayachimonqanku.

Proverbios 30:10

Ama kamachej contranta parlaychu patronnimpa ñaupaqempeqa, chay jinamanta ama maldicisqa kanaykipaj, manataj jasut'ichikunaykipaj.

1 Reyes 22:22

Chay espiritutaj nerqa: Noqaqa rispa reypa tukuynin profetasnimpa siminkupi llullata sut'inchasaj. Señortaj nerqa: Qanqa atinki pusayta, rispa ajinata ruwamuy.

2 Samuel 24:1

Señorqa sinch'ita phiñakullarqataj israelitaspa contrankupi, paykunaj contrankupitaj Davidta Señorqa yuyaycharqa, kamachispa Israel aylluta, Judá ayllutawan yupananta.

1 Samuel 25:24

Chaymantaqa Davidpa chakisninman wijch'uykukuspa nerqa: Juchaqa noqaman urmamuchun wiraqochíy! Chaywampis mañarikuyki parlarejta saqenawaykita nisqasniytataj uyarinawaykita.

Levítico 26:31

Llajtasniykichejta raqayasta saqesaj, chinkachisaj yupaychana wasisniykichejtapis. Sumaj q'apashaj jaywawasqaykichejtapis manaña jap'isqaykichejchu.

Génesis 44:18

Judaqa Joseman qayllaykuspa nerqa: Wiraqochíy, ujta mañarikuyki, saqeriway ari sapallaykipi qanwan parlarejta. Ama ari phiñakuwaychu, qanqa kanki kikin faraompis kawaj jina.

1 Samuel 24:9

Davidtaj Saulman nerqa: Reyníy, imaraykutaj creenki wañuchinasuypaj mask'asusqaytari?

1 Samuel 27:1

Chaywampis Davidqa sonqompi nerqa: Mayk'ajpis Saulqa atin wañuchiwayta. Chayrayku, noqapajqa aswan allin kawanman filisteospa jallp'anman ayqekunay. Jinamanta Saulqa saqewanqa, amaña tukuy Israel jallp'api mask'anawampaj, jinamanta Saulpa makinmanta llusp'isaj, nispa.

2 Samuel 21:3

Davidtaj paykunata tapurerqa: Imatataj qankunarayku ruwaymanrí? Imaynapitaj qankunata llakiyta ruwasusqaykichejta allinyachiymanri, jinamanta Señorpa ayllunta bendicinaykichejpaj?

Números 36:7

Jinamanta ima jallp'achus israelitasman chayarqa, chayqa mana waj Israel aylluman chayanqachu. Tukuy israelitas chaytaqa sumajta waqaychananku tiyan ayllunku ukhupipuni chayaqenku qhepakunampaj.

Números 36:9

Ni ima chayaqepis riyta atinchu waj ayllusman. Sapa uj Israel ayllu tatasninkumanta chayaqeta jap'isqasninkuta mana waj ayllusman kacharinankuchu tiyan.

Deuteronomio 13:3

Chay imas junt'akunman chaypis amapuni chay sut'inchajta, chayri willajtapis uyarinkichejchu. Chaykunataqa Señor Diosniykichej kachamusunkichej yachanampaj cheqamantachus manachus Payta munakushankichej tukuy sonqoykichejwan, tukuy almaykichejwampis, chayta.

2 Samuel 16:10

Reytaj kuticherqa: Kay ruwayqa mana qankunapajchu. Pay jinata nishan chayqa, Señor kamachisqanraykuchari. Jina kajtenqa pitaj parlarinman imaraykuchus chayta ruwasqanmantarí?

Salmos 20:4

Sonqoykej tukuy munasqanta junt'achun, tukuy yuyasqasniykitapis ruwachun.