1 Samuel 2:29 - Qheshwa Biblia DC

²⁹ Imaraykutaj qhesachankichej chay rikuchikusta noqa kamacherqaykichej jaywanaykichejta chaykunatari? Jinataj ofrentastapisri? Imaraykutaj wawasniykimanraj noqamanta aswan ñaupajta qonki, tukuy Israel aylluypa aswan sumaj ofrendasniywan paykunata wirayachispari?

DIOSPA QHELQACHISQAN DEUTEROCANONICAL

²⁹ Noqa israelitakunata kamacherqani uywa ñak'asqata jaywanawankuta, jinataj ofrenda apamunawankuta. Imaraykutaj chaykunata manakajpaj qhawarqankichejri? Imaraykutaj churiykikunata noqamanta nisqa aswan jatunpaj qhawarqanki, tukuy Israel aylluypa aswan sumaj ofrenda apamuwasqankuwan paykunata wirayachispari?

DIOSPA QHELQACHISQ

²⁹ Noqa israelitakunata kamacherqani uywa ñak'asqata jaywanawankuta, jinataj ofrenda apamunawankuta. Imaraykutaj chaykunata manakajpaj qhawarqankichejri? Imaraykutaj churiykikunata noqamanta nisqa aswan jatunpaj qhawarqanki, tukuy Israel aylluypa aswan sumaj ofrenda apamuwasqankuwan paykunata wirayachispari?

1 Samuel 2:29 Referans Kwoze

San Mateo 10:37

Pichus tatanta, chayrí mamanta, noqamanta astawan munakojqa, mana noqapaj jinachu. Ajinallatataj, pichus churinta, chayrí ususinta, noqamanta astawan munakun chayqa, nillataj noqapaj jinachu.

Deuteronomio 32:15

Israelitasqa manchayta qhapajyarqanku, kayman jaqaymantaj jayt'arakorqanku, Diospa contrantataj oqharikorqanku. Jinamanta wirayarqanku llusk'apacha kanankukama. Ruwajninku Diostataj qonqaporqanku, qhesacharqankutaj jark'akoj Salvadorninkuta.

Santiago 3:17

Diosmanta jamoj yachayqa llimphu, sonqo tiyakuyniyoj, munakuyniyoj, khuyakuywan junt'asqa, sumaj poqoyniyoj, sut'inta ruwajtaj, manataj puraj uyachu.

San Mateo 22:16

Paykunataj kacharqanku partenkumanta kajkunata, herodianostawan; Jesusman nimunankupaj: Maestro, yachayku qan cheqan sonqo kasqaykita, Diospa ñanninta cheqanta yachachisqaykita; mana runaj parlasqanta kasuspa. Qanqa mana runaj rijch'aynillantachu qhawanki.

Miqueas 3:5

Israel aylloyqa pantay ñankunasta rishan chay profetaswan ch'aukiyasqankurayku. Paykuna ninku: Sonqo tiyasqalla tiyakusunchej, nispa; mikhunankupaj qonku chaykunaman. Chaywampis maqaj sayaykunku piskunachus mana imatapis mikhunankupaj qonkuchu chaykunaman. Señor nin chay profetasman:

Oseas 4:8

Aylluypa juchallanwan kausanku, chayrayku munanku runasniy astawan juchallikunankuta.

Josué 18:1

Tukuy israelitas Silo nisqapi tantakorqanku, tukuy jallp'asta jap'isqankumantaña, chaypi Dioswan tinkukuna toldota oqharinankupaj.

Deuteronomio 33:9

Paykunaqa tatasninkuta nerqanku: Mana jayk'ajpis rikorqaykuchu. Jinallataj wauqesninkuman nerqanku: Qankunata mana rejsiykuchu. Jinallataj wawasninkutapis nillanqankutaj: Mana yachaykuchu pikunachus kankichej, nispa. Paykuna nisqasniykita junt'anku. Israel aylluwan trato ruwasqaykita sumajta waqaychanku.

Levítico 19:15

Sichus qan juez kanki chayqa, cheqanta ruwanki, ama wajchaman sayakuspa, nitaj qhapajman sayakuspa. Cheqan juiciota qanqa ruwanki.

2 Corintios 5:16

Kunanmanta ñaupajmanqa manaña pitapis rejsiykuchu aychaman jina. Arí, Cristotapis aychaman jina rejserqayku, kunanrí manaña ajinatachu rejsiyku.

Romanos 16:18

Chay jina runakunaqa, Señorninchej Jesucristota mana kasunkuchu. Paykunaqa kikin wijsasnillankuta kasunku, pisi yuyayniyojkunatataj ch'aukiyanku k'acha palabraswan, misk'i simiwan ima.

Ezequiel 13:19

Qankunaqa, aylluy ukhupi p'enqaypi rikhurichiwankichej, uj jich'i cebadarayku, uj juch'uy t'antaraykutaj kausanampaj karqa chay runata wañuchispa, wañunan karqa chay runatataj kausachispa. Ajinata aylluyta ch'aukiyankichej llullata kasusqanrayku.

1 Samuel 3:13

Willaniña tukuy ayllunmanta kajkunata jasut'inayta wiñaypaj, pay yachanña imaschus kasqanta chay juchasninmanta. Wawasnenqa maldiciwanku, paytaj mana k'aminchu.

Salmos 26:8

Señor, wasiykita noqa munakuni, maypichus atiyniykiwan tiyakunki chaytawan.

2 Reyes 12:6

Sacerdotestaj iskay chunka kinsayoj watata kamachinankama, manarajpuni Diospa wasinta jallch'achisqankuchu.