1 Samuel 2:28 - Qheshwa Biblia DC

²⁸ Israelpa tukuynin ayllusnin ukhumanta paykunata ajllarqani sacerdotesniy kanankupaj, rikuchikusta ruphachinankupaj altarniy patapi, jinataj inciensota ruphachinankupaj, chantá efod p'achata ñaupaqeypi churakunankupaj ima. Chay jawa ñaupa tatasniykichejman qorqani israelitas Señorpaj rikuchikusta mikhunankupaj.

DIOSPA QHELQACHISQAN DEUTEROCANONICAL

²⁸ Chantá Israelpa tukuynin ayllun ukhumanta sacerdoteykuna kanankupaj paykunata ajllakorqani, uywa ñak'asqa jaywanata altarniy patapi q'olachinankupaj, jinataj inciensota q'oshñichinankupaj, chantá unkuta ñawpaqeypi churakunankupaj ima. Chay jawa ñawpa tataykichejkunaman qollarqanitaj, imakunatachus israelitakuna Tata Diospaj apamunku, chaymanta mikhunankupaj.

DIOSPA QHELQACHISQ

²⁸ Chantá Israelpa tukuynin ayllun ukhumanta sacerdoteykuna kanankupaj paykunata ajllakorqani, uywa ñak'asqa jaywanata altarniy patapi q'olachinankupaj, jinataj inciensota q'oshñichinankupaj, chantá unkuta ñawpaqeypi churakunankupaj ima. Chay jawa ñawpa tataykichejkunaman qollarqanitaj, imakunatachus israelitakuna Tata Diospaj apamunku, chaymanta mikhunankupaj.

1 Samuel 2:28 Referans Kwoze

Éxodo 28:1

Wauqeyki Aaronta wajyachispa kamachiy, wawasnintawan, Nadabta, Abiuta, Eleazarta, Itamartawan, paykuna israelitas ukhupi sacerdotesniy kanankupaj.

Números 18:19

Israelitaspa tukuy sumaj ofrendasta Señorman apamusqankoqa, qampaj, qanwan tiyakushankuraj chay qhari wawasniykipaj, warmi wawasniykipajwan kanqa. Kay leyqa unaypaj churasqa kanqa. Kay tratotaqa ni pi p'akiyta atinchu. Unaypaj kanqa, chaytaqa noqa qanwan ruwani, jinallataj mirayniykiwampis.

Levítico 6:16

Chay rikuchikusmanta puchojtataj Aaronwan wawasninwan mikhonqanku mana levadurayojta uj sumaj t'aqasqa cheqapi, Dioswan tinkukuna toldoj ñaupaqempi kaj patiopi.

Levítico 2:10

Chay rikuchikumanta puchojqa sacerdotepaj kanqa. Chay rikuchikumanta puchojqa Señorpaj sumaj llimphuchasqa tukuy ruphachisqa rikuchikusmanta astawan. Chayqa Aarompaj miraynimpajwan kanqa.

Levítico 2:3

Chay rikuchikumanta puchoj jak'utaj Aarompaj wawasnimpajwan kanqa. Chay jak'oqa Señorpaj sumaj llimphuchasqa kanqa tukuy ruphachisqa rikuchikusmanta astawan.

Éxodo 28:4

P'achastaqa kaykunata ruwanqanku: kunkanman warkhunata efodta, capata, k'acha ruwasqa puka p'achata, linomanta mana ningriyoj ch'uluta, uj pallayniyoj chumpitawan. Ajinata sumaj p'achasta ruwapunkichej wauqeyki Aarompaj, wawasnimpajwan paykuna sacerdotesniy kanankupaj.

2 Samuel 12:7

Chaypacha Natanqa Davidman nerqa: Qan chay runaqa kanki! Ajinata Señor, Israelpa Diosnin nisunki: Noqa ajllarqayki Israelpa reynin kanaykipaj, Saulpa atiyninmantapis waqaycharqayki; Señorniykej palacio wasintapis warmisnintawan qorqayki, jinataj Israelpa reynin, Judajpa reynin kanaykitapis qollarqaykitaj. Chaychus pisi kanman karqa chayqa aswan ashkha imastawanraj yapaykiman karqa. Imaraykutaj qhesacharqanki palabrayta, mana munasqayta ruwaspari? Qan wañuchinki chay hitita Uriasta, amonitaswan wañuchichispa, warmintataj qampaj jap'ikaporqanki.

Números 16:5

Chaymantataj Coreman, pischus paywan kasharqanku chaykunamanwan nerqa: Q'aya tutamanta Señorqa willawasun, pischus paypata kasqanta, pischus llimphupaj qhawasqa kasqanta, pischus rikuchikusta payman jaywanqa chay kajllata Señorqa ajllanqa.

Levítico 7:32

Chay allinyakuy uywa jaywasqa paña aychaqa piernan sacerdotemampuni qosqa kanqa.

Éxodo 30:7

Chay altarpa patampi Aaronqa inciensota sumaj q'apashajta ruphachenqa. Chaytaqa sapa paqarin ruwanqa k'anchanasta jap'ichishaspa.

Éxodo 30:8

Jinallataj ch'isiyaykuytapis k'anchachinasta jap'ichiytawan inciensota ruphachillanqataj. Kaytaqa Señorpa ñaupaqempi ruwanqankupuni, jinallataj qhepaman wiñaypaj mirayniykichej kajkunapis.

Levítico 7:36

Chayta Señorqa Israelitasta kamacherqa, sacerdotespaj t'aqasqas kasqankumantapacha chay imasta qonankupaj. Kayqa kamachisqa karqa junt'anankupaj tukuy miraykuna wiñaypaj.

1 Samuel 2:18

Chaykamataj Samuelqa linomanta ruwasqa efod nisqa p'achawan, Señorta sirvispallapuni kasharqa.

1 Samuel 14:3

Efod p'achata apaykachajqa Ahías karqa. Payqa Ahitobpa wawan karqa, Icabodpa wauqentaj. Ahitobqa Fineespa wawan karqa, chanta Eléj allchhintaj. Elirí Silopi Señorpa sacerdoten karqa. Chaypi runasqa mana yacharqankuchu Jonatán ripusqanta.

2 Samuel 6:14

Davidqa, linomanta efod p'achawan p'achallisqa risharqa tukuy kallpanwan tusurispa Señorpa ñaupaqempi.