1 Samuel 2:25 - Qheshwa Biblia DC

²⁵ Uj runa wajpaj contrampi juchallin chayqa, Señorpa payman kutikuyta atin. Señorpa contrampi juchallejtintaj, pitaj paymanta jark'akonqari? Chaywampis paykunaqa mana kasorqankuchu tatankoj nisqasnintaqa, imaraykuchus Señorqa nisqaña wañunankuta.

DIOSPA QHELQACHISQAN DEUTEROCANONICAL

²⁵ Sichus uj runa wajpa contranpi juchallin chayqa, Tata Diosqa payrayku parlayta atin. Tata Diospa contranpi juchallejtinrí, pitaj kutikuspa paypaj mañaponqari? nispa. Chaywanpis paykunaqa tatankoj nisqanta mana kasorqankuchu, imaraykuchus Tata Diosqa wañuchisqa kanankuta nisqaña.

DIOSPA QHELQACHISQ

²⁵ Sichus uj runa wajpa contranpi juchallin chayqa, Tata Diosqa payrayku parlayta atin. Tata Diospa contranpi juchallejtinrí, pitaj kutikuspa paypaj mañaponqari? nispa. Chaywanpis paykunaqa tatankoj nisqanta mana kasorqankuchu, imaraykuchus Tata Diosqa wañuchisqa kanankuta nisqaña.

1 Samuel 2:25 Referans Kwoze

Hebreos 10:26

Cheqa kajta rejsispañachus munayninchejmanta ujtawan juchapi purisun chayqa, manaña kanchu juchasrayku imatapis jaywanaqa.

1 Samuel 3:14

Chayrayku juraniña Eléj ayllumpa contrampi, juchasnenqa mana jayk'ajpis pichasqachu kanqanku, ni rikuchikuswan, nitaj ofrendaswampis.

Josué 11:20

Imaraykuchus Señorpuni chay llaytayoj runaspa sonqosninta rumiyacherqa, israelitasman sumajta ch'ajwapi sayaykunankupaj, jinamanta atipaspa chinkachinankupaj mana khuyakuspa, imaynatachus Señorqa Moisesman kamachisqanman jina.

Números 15:30

Sichus uj runa juchachakun jucha kasqanta yachashaspa, israelitapis kachun, chayri karu llajtayojpis kachun chayqa, noqata qhesachawan. Chayrayku chay jina runaqa ayllusnin ukhumanta chinkachisqa kanqa.

Proverbios 15:10

Pichus cheqan ñanta chejnejtaqa, aswan sinch'itaña k'amina; pichus chay k'amisqata qhesachajqa, wañonqa.

1 Timoteo 2:5

Uj k'ata Dios tiyan, jinallataj Dioswan runakunata allinyachejpis uj k'atalla, chaytaj Jesucristo runa.

Hebreos 7:25

Chayrayku payqa atin wiñaypaj salvayta, paynejta Diosman qayllakojkunata. Payqa kausallanqapuni paykunapaj Diosmanta mañapuspa.

Salmos 51:4

Contraykipi juchallikorqani, ñaupaqeykita mana allin kajta ruwaspa. Chayrayku nisqaykeqa cheqan. Cheqanchaspaqa mana pantankichu.

2 Crónicas 25:16

Profeta kayta nishajtintaj reyqa nerqa: Reyta umachanaykipajchu qantaqa ajllakorqayku? Ch'inlla kakuy. Chayri munankichu wañuchinasunkuta? Profetaqa mana astawan imatapis parlarqañachu, chaywampis nerqa: Yachani Diosqa nisqantaña, qanta wañuchinasunta chay ruwasqaykirayku, nisqaytapis mana jap'ikusqaykirayku.

Deuteronomio 1:17

Justiciata ruwaspaqa ama wakillanman kutikunkichejchu; juch'uymampis jatunmampis uj rejta ruwaychej. Ama pitapis manchachikuychejchu. Uj rejta cheqanchaj juezqa Dioslla. Sichus wakin imasta mana ruwayta atinkichejchu chayqa, noqaman kachamuwaychej. Noqa chaytaqa cheqanchasaj.

Salmos 51:16

Mana qanqa uywa ñak'asqasta jaywanata munankichu, nitaj uywata q'olachipusunaytapis.

Deuteronomio 2:30

Hesbonmanta rey Sehonqa mana pasachiyta munawarqanchejchu chay jallp'annejta. Chay jina kanampajqa Señorpuni paypa sonqonta rumiyacherqa, ajinamanta makiykichejman payta churarqa. Kunampis jinarajpuni kashan.

Hebreos 10:27

Uj jinamantaqa, mancharina juicio suyayllaña, ninaj k'ajaynintaj enemigosta q'olaykonqa.

Job 9:33

Allin kanman ari noqayku chaupipi uj cheqanchaj kananqa, iskayniykuta cheqanchanawaykupaj uj rejta.

Proverbios 29:1

Pichus k'amejtinku sonqonta rumiyachejqa, ujllata chinkayman renqa mana ujtawan kutirimuyniyojta, jinamanta paypajqa manaña jampi kanqachu.

Génesis 38:7

Erqa sajra runa karqa Señorpa ñaupaqempi, chayrayku paypa kausayninta Dios qhechorqa.

Génesis 38:10

Chay jinata Onampa ruwasqampis manallataj walejchu karqa Señorpaj, chayrayku paypa kausaynintapis Señorqa qhechullarqataj.

1 Reyes 8:31

Pillapis runa masimpa contrampi juchallikojtin, juramentotataj kay wasipi altarpa ñaupaqempi ruwachinkuman chayqa, qantaj janaj pachamantapacha uyarimunki ruwankitaj, kamachisniykita justiciata ruwanki. Juchayoj kajtaqa juchasninman jina jasut'inki, paypa patanman chay juchan urmamuchun, mana juchayojmantaj ruwasqanman jina qopunki.

2 Crónicas 10:15

Reyqa mana kasorqachu aylloj nisqantaqa, Señor jinatapuni kananta munasqanrayku, Señorpa nisqan, Nabatpa wawan Jeroboamman chay junt'akunampaj, chayta Señorqa nerqa Silopi profeta Ahiasnejta.

Proverbios 13:1

Yachayniyoj waynaqa tatampa yuyaychasqanta jap'ikun; machu machu kajrí chaykunataqa mana uyarinchu.

Eclesiastés 3:3

Uj tiempoqa wañuchinapaj, uj tiempotaj jampinapaj. Uj tiempoqa thuñinapaj, uj tiempotaj wasichanapaj.