1 Samuel 18:30 - Qheshwa Biblia DC

³⁰ Chay jawari filisteos ukhumanta kurajkunasninku sapa kuti maqanakoj llojsejtinku, Davidpuni Saulpa tukuy waj kamachisninmanta nisqaqa astawan atipaj, chayraykutaj payqa tukuypaj allin qhawasqa karqa.

DIOSPA QHELQACHISQAN DEUTEROCANONICAL

³⁰ Filisteokunaj kurajninkukuna sapa kuti maqanakoj llojsimojtinku, Saulpa waj kamachinkunamanta nisqaqa Davidpuni astawan paykunata atipaj. Chayrayku Davidqa tukuypaj manchay respetowan qhawasqapuni karqa.

DIOSPA QHELQACHISQ

³⁰ Filisteokunaj kurajninkukuna sapa kuti maqanakoj llojsimojtinku, Saulpa waj kamachinkunamanta nisqaqa Davidpuni astawan paykunata atipaj. Chayrayku Davidqa tukuypaj manchay respetowan qhawasqapuni karqa.

1 Samuel 18:30 Referans Kwoze

2 Samuel 11:1

Chay qhepan kaj watapi, reykuna maqanakuman llojsinku chay tiempopi, Davidqa kacharqa Joabta, yanapajkunasninta, chantá tukuy israelita soldadostawan khuska, paykunaqa amonitasta maqanakupi atipaykorqanku, Rabá llajtatataj muyuykorqanku. Chaykamataj Davidqa Jerusalempi qhepakorqa.

1 Samuel 18:5

Davidqa Saul maymanchá kachaj chayman rej, tukuy imatataj allintapuni ruwaj. Chayrayku Saulqa Davidta soldadosta kamachinampaj churarqa. Davidqa allimpaj qhawasqa karqa tukuy runaspa ñaupaqempi, jinallataj Saulpa soldadosnimpa kamachejkunasnimpajpis.

1 Pedro 2:7

Chaymin qankuna creejkunapaj k'acha; mana creejkunaj chay wasichajkunaj qhesachasqanku rumeqa, sumaj esquina rumiman tukupun, misk'achej rumiman, urmachej qaqamanta. Mana kasukojkunaqa Diospa palabrampi misk'anku, imaraykuchus chaypaj churasqas karqanku.

1 Pedro 2:4

Señorman qayllaykuychej, kausaj rumiman jina. Paytaqa runas qhesachanku, Diospajtaj ajllasqa sumaj k'acha rumi kashan.

Efesios 5:15

Allinta qhawakuychej imaynatachus purisqaykichejta, amataj mana yuyayniyoj wampus jinaqa, manachayrí, yachayniyojkuna jina.

San Lucas 21:15

Noqa yachayta qosqaykichej parlanaykichejpaj; chay parlasqaykichejtataj enemigosniykichejqa, mana atipayta, nitaj kutichikuytapis atenqankuchu.

Daniel (hebreo) 1:20

Tukuy ima yachaymanta, rejsiymantawan rey paykunata tapojtin, chunka kutiwan jina yachayniyoj paykuna karqanku, reinompi kaj chay tukuynin yachaysapa, runasninmanta, yatirisninmantawan ima.

Salmos 119:99

Tukuy yachachejkunasniymanta astawan entiendeni, imaraykuchus kamachisqasniykipi anchata unanchani.

Salmos 116:15

Señorpajqa may llakiy payta munakojkuna wañupunankoqa.

2 Reyes 1:13

Kinsa kaj kutipi watejmanta waj phishqa chunka soldadosta, capitán nintawan kachallarqataj: Paytaj rispa Eliasman chimpakuytawan qonqoriykukuspa mañakorqa: Diospa runan mañakuyki, qampa ñaupaqeykipi noqaj kausayniy kay phishqa chunka soldadosniypatawan kausaynin allimpaj qhawasqa kachun.

1 Samuel 26:21

Saultaj kuticherqa: David wawáy! Noqa juchayoj kani! Uj wampu runa jina kasharqani, may jatunta pantaspa! Chaywampis kutimpuy. Manaña chay sajra ruwayta qampaj mask'asajchu, kunan qan rikuchiwanki kausayniyta munakuywan jatumpi qhawasqaykita.

1 Samuel 2:30

Chayrayku Señorqa Israelpa Diosnin nerqa: Qanwan aylluykiwan ima paypa nisqanta ruwanaykichejtapuni. Kunanqa nisunkichej: Mana ni jayk'aj chayta saqesajchu, manachayqa jatunchawajkunata jatunchallasajtaj; qhesachawajkuna tapis p'enqaypi rikhurichisaj. Noqa Señor chayta nini.

1 Samuel 26:24

Imaynatachus kunan noqa kausayniykita mana qhechorqaykichu, ajinallatataj munayman Señorqa waqaychanawanta, jinallataj tukuy llakiymantapis.

1 Samuel 19:8

Watejmanta maqanaku qallarikullarqataj, Davidtaj filisteospa contrampi llojserqa maqanakunampaj, paykunatataj atipaykorqa, filisteostaj mayta atipaykuchikuspa Davidpa ñaupaqenta ayqerqanku.

2 Samuel 7:9

Tukuy puriyniquykipi qanllawampuni karqani, enemigosniykita tukucherqani, sumaj uyarisqa runa kanaykitataj ruwani, kay pachapi may mentasqa runasta jina.

Proverbios 12:8

Uj runaqa yachayniyoj kasqanman jina munachikun; uj wampu runarí chejnichikuyllata tarin.