1 Samuel 18:10 - Qheshwa Biblia DC

¹⁰ Q'ayantintaj Diospa kachamusqan sajra espíritu Saulman yaykorqapacha. Paytaj palacio ukhupi locoyarqa. Davidtaj arpa tocana yachasqa kasqanman jina arpata tocasharqa. Saultaj uj lanzata makimpi jap'isharqa.

DIOSPA QHELQACHISQAN DEUTEROCANONICAL

¹⁰ Q'ayantin Diospa kachamusqan millay espiritoqa Saulman yaykorqa, paytaj kamachinan wasi ukhupi pawisqa jina purerqa. David ñawpaj kutipi jina arpata tocasharqa, Saultaj uj lanzata makinpi jap'isharqa.

DIOSPA QHELQACHISQ

¹⁰ Q'ayantin Diospa kachamusqan millay espiritoqa Saulman yaykorqa, paytaj kamachinan wasi ukhupi pawisqa jina purerqa. David ñawpaj kutipi jina arpata tocasharqa, Saultaj uj lanzata makinpi jap'isharqa.

1 Samuel 18:10 Referans Kwoze

2 Tesalonicenses 2:11

Chayrayku, Diosqa paykunaman pantachej atiyta apachimun, llulla kajta creenankupaj.

1 Reyes 18:29

Khuskan p'unchaypis pasarqaña, paykunatajri phinkiykachaspa aswan jatunmanta qhaparishallarqankupuni, jaywana rato chayamunankama, manataj ima parlayllapis uyarikorqachu, nitaj pipis kutichej nitaj uyarejpis karqachu.

1 Samuel 19:9

Saulman watejmanta jamorqa uj sajra espíritu Señormanta. Saulqa wasimpi tiyasqa kasharqa, makimpi uj lanza jap'irisqa, Davidtaj arpata tocapusharqa.

Hechos 16:16

Uj p'unchaytaj Diosmanta mañakoj rishajtiyku, uj kamachi sipas taripamuwarqayku. Payqa sajra layqa espirituyoj kaspa adivinaj. Ashkha qolqeta qoj patronesninman, runaspa suertenta qhawaspa.

1 Samuel 16:23

Ajinaqa maypachachus Diospa apachimusqan sajra espíritu jamojtinkama Davidqa arpanta oqharispa tokapoj. Chaymantataj Saulqa yuyayninman kutirej, walejyajtaj. Chay sajra espiritutajri paymanta t'aqakapoj.

Jeremías 28:11

Chayta phaskaraytawantaj, tukuy runaspa ñaupaqempi kayta nerqa: Señor nin: Kay jinallatataj iskay watamantawan tukuy nacionespa kunkanmanta, Babiloniamanta rey Nabucodonosorpa yugonta phaskarasaj, chantá p'akirparisajtaj, nispa. Jeremiastaj riporqa.

1 Reyes 22:12

Tukuynin profetastaj ajinallatapuni sut'inchasharqanku, nispa: Galaadmanta Ramotman riy, allintaj risonqa, imaraykuchus Señorqa reypa makinman jaywanqa.

1 Samuel 26:19

Noqa mañayki qan reyniyta noqa kamachiykita uyarinawaykita. Señorchus noqaj contraypi kanaykita nisorqa chayqa, jap'ichun rikuchikuta jaywasqayta. Runasllamantachus kanman chayri, Señor paykunata maldicichun. Paykunaqa Señorpa llajtanmanta wijch'uwanku, chaywantaj waj dioskunata yupaychanayta munaspa jinanku.

1 Samuel 18:9

Chaymantapacha Saulqa Davidta leqhospa qhawarqa.

1 Samuel 19:7

Chaypacha Jonatanqa Davidta wajyaspa willarqa chay tukuy parlasqankuta. Chaymantaqa Saulman payta pusarqa. Ajinamanta ñaupajpi jina Davidqa Saulpa kamachillampipuni qhepakorqa.

Jueces 16:20

Chaymantataj qhaparerqa: Sansón! Filisteos jap'ej jamushasunku! nispa. Sansontaj rijch'arerqa, yuyaspa ñaupaj kutispi jina kacharichikuspa ayqerikapunanta, jinapis mana yacharqachu Señorqa payta saqerparisqanta.

1 Samuel 19:10

Saultaj Davidta lanzawan perqapi choqayta munarqa, Davidtaj uj ladoman ithirikorqa, jinamanta Saulpa lanzanqa perqallaman sat'ikorqa. Chay kikin ch'isi pachataj Davidqa llojsispa ayqerqa.