1 Samuel 16:7 - Qheshwa Biblia DC

⁷ Señortaj nerqa: Ama allin rijch'ayninta qhawaychu, nitaj jatun kaynintapis, paytaqa noqa qhesachani. Runaqa k'acha kaynillanta qhawan, noqaqa mana runa jinachu qhawani, manachayqa sonqonta qhawani, nispa.

DIOSPA QHELQACHISQAN DEUTEROCANONICAL

⁷ Tata Diostajrí nerqa: Ama allin rijch'ayninta qhawaychu, nitaj sayaynintapis. Mana noqaqa payta ajllakunichu. Noqaqa mana runa jinachu qhawani. Runaqa ñawinpa rikusqallanta qhawan, noqarí sonqota qhawani, nispa.

DIOSPA QHELQACHISQ

⁷ Tata Diostajrí nerqa: Ama allin rijch'ayninta qhawaychu, nitaj sayaynintapis. Mana noqaqa payta ajllakunichu. Noqaqa mana runa jinachu qhawani. Runaqa ñawinpa rikusqallanta qhawan, noqarí sonqota qhawani, nispa.

1 Samuel 16:7 Referans Kwoze

San Juan 7:24

Ama rijch'ayninman jinallachu juzgaychej. Cheqan kajman jina juzgaychej.

Jeremías 17:10

Noqa Señor allinta yachani, imatachus yuyasqasninkutapis rejsini, sapa ujmantaj imatachus ruwasqankuman jina qopuni.

San Lucas 16:15

Chaynejta paykunaman nerqa: Qankunaqa sumaj runaman rijch'akunkichej, llimphu runaspis kawajchej jina; astawanqa Dios yachashan sonqoykichejta; runas sumajpaj qhawasqankoqa, Diospa ñaupaqempi ancha millay.

Proverbios 16:2

Runamanqa tukuy ima ruwasqasnin allinman rijch'an; chaywampis Señorlla qhawan ima laya yuyaywanchus qhawasqanta.

Proverbios 31:30

Warmej k'acha rijch'aynenqa ch'aukiyaylla, k'achitas kasqankupis qhasi mana kajlla. Señorta manchachikoj warmipuni, allimpaj qhawasqaqa.

1 Crónicas 28:9

Qanrí, wawáy Salomón, tataykej Diosninta allinta kasuy usqhayta kasukuspataj, Señorqa tukuypa sonqonta rejsin, jinallataj ima yuyasqantapis Payqa rejsin. Ajinata payta mask'anki chayqa, tarinki. Paymanta t'aqakuywaj chayri, wiñaypaj qhesachasonqa.

Hechos 1:24

Kay jinatataj Diosmanta mañakorqanku: Señor, tukuypa sonqonta rejsej, rikuchiwayku ari mayqentachus kay iskay qharismanta ajllasqaykita, apostolniyki kanampaj, kamachisqaykitataj ruwanampaj Judaspa cuentanmanta, pichus juchanrayku saqerparerqa ruwananta, maypachachus juchallikusqanrayku rinan karqa chayman rinampaj.

2 Crónicas 16:9

Señorqa sumajta qhawamushan tukuy kay pachata, kallpachanampaj tukuy sonqowan paypi atienikunku chaykunata. Kaykunataqa uj wampu runa jina ruwanki. Chayrayku kunanmanta ñaupajmanqa maqanakus qhatirillasonqapuni.

Hebreos 4:13

Tukuy ruwasqa kajqa, paypa ñaupaqempi, mana pakasqa kayta atinchu; astawanqa, tukuy imapis sut'i, rikusqastaj kanku paypa ñawisnimpaj, paymantaj kausayninchejmanta willakunanchej tiyan.

Jeremías 20:12

Tukuy Atiyniyoj Señor, qanlla cheqan ñawiwan qhawawanki, qanmin rikunki runaj tukuy sonqonta, noqamampis rikuchiway imaynatachus chay runasta jasut'isqaykita; chayrayku makillaykiman kausayniyta churani.

Salmos 139:2

Tukuy ruwasqasniyta qan yachanki. Yuyasqaytaqa karumantapacha qan yachanki.

Apocalipsis 2:23

Wawasnintataj mana khuyakuspa wañurachisaj; ajinamanta tukuynin iglesias yachanqanku noqa rejsisqayta runaj yuyayninta, sonqontawan. Qankunamantaj, sapa ujman, ruwasqaykichejman jina qopusqaykichej.

2 Corintios 10:10

Cartasniymanta pichá nin sinch'i phiñas kasqankuta; ñaupaqenkupi kashajtiytaj pisi kallpayoj kasqayta nin, parlasqaypis qhesachasqa.

1 Pedro 2:4

Señorman qayllaykuychej, kausaj rumiman jina. Paytaqa runas qhesachanku, Diospajtaj ajllasqa sumaj k'acha rumi kashan.

Job 10:4

Qampataqa aycha ñawisniyki tiyanchu, runas jina imatapis rikunaykipaj?

2 Samuel 14:25

Tukuynin Israel ayllu ukhupi, mana tarikorqachu ujpis Absalon jina k'achitoqa, sumaj uyarisqa runataj. Chaki puntanmanta uma puntankama mana imampis mana allenqa karqachu.

1 Samuel 9:2

Paypatataj karqa uj qhari wawan, waynaña, may alajitutaj, sutintaj Saul karqa. Waj runaqa israelitas ukhupi manapuni pipis Saul jina alajitoqa karqachu. Payqa jatun karay runa karqa, sayayninmanqa mana pipis hombronmanta patamanqa pasarqachu.

Jeremías 11:20

Qanrí Tukuy Atiyniyoj Señor, uj cheqan juez kanki; qan rejsinki tukuy runaj sonqonta imaynachus kasqanta. Rikuchiway imaynatachus chay runasta jasut'inki chayta, makisniykiman churamuni noqamanta kaj ruwana imasta.

Proverbios 15:11

Wañuywan, aya p'ampanawanqa Señorpa ñaupaqellampi kashanku; runaj sonqontarí, astawanraj rikuyta atin.

Salmos 7:9

Cheqan Dios, qan yachanki runaj sonqonta, yachallankitaj runaj yuyayninta. Chinkachiy sajra runaspa mana allin kayninkuta, astawanqa sinch'ita sayachiy cheqan sonqoyoj runata.

2 Corintios 10:7

Qankunaqa imatapis qhawashankichej allin rijch'aynillanta. Kayta pipis allinta yachachun. Imaynatachus pipis Cristojta kasqanta nin chayqa, ajinallatataj noqaykupis Cristojta kayku.

San Juan 8:15

Qankunaqa, aychaj munasqanman jinalla juchachankichej. Noqataj mana pitapis juchachanichu.

Génesis 4:5

Caintari mana jinatachu qhawarerqa, nillataj jaywanantapis. Chaymanta Caenqa maytapuni phiñarikorqa, uyampis uj jinayarqa.

1 Samuel 2:3

Ama ni pi runaykachaspa parlachunchu, amataj pipis chhikata alabakuchunchu, imaraykuchus Señorllamin tukuy imata yachaj Diosqa. Paymin juicioman churan tukuy runaspa ruwasqasninkutaqa.

2 Samuel 7:20

Imastawantaj niykiman Señor? Qanqa kay kamachiykitaqa rejsinkiña Señor Diosníy.

Proverbios 24:12

Sichus qan niwaj mana yachasqaykita chayqa, pichus sonqoykita rikojqa yachanqapuni, chay qhawasojniykeqa allinta yachanqa. Chay qhawajqa sapa ujman ruwasqanman jina qoponqa.

1 Crónicas 17:18

Imatawantaj astawan niykiman Señor kay kamachiykita allin runapaj qhawachisqaykimantari? Qanqa rejsinki kay kamachiykitaqa.

Job 35:5

Qhawariy janaj pachata; phuyusqa qanmanta aswan patapi kashanku.