1 Samuel 16:1 - Qheshwa Biblia DC

¹ Señorqa Samuelman nerqa: Mayk'ajkamataj llakikunki Saulmantari?, nispa. Noqaqa manaña munanichu Israel ukhupi pay reyllapuni kanantaqa. Wajraykita aceitewan junt'achiy, riytaj Isaejpa wasinman Belén llajtaman, paypa ujnin kaj wawanta rey kanampaj ajllaniña.

DIOSPA QHELQACHISQAN DEUTEROCANONICAL

¹ Uj kuti Tata Dios Samuelta nerqa: Mayk'ajkamataj Saulmanta llakikunkiri? Noqaqa Israel suyupi kuraj kamachej kananmanta wijch'upuniña. Ajinaqa aceite apaykachanayki wajraman aceiteta churaspa, Belén llajtapi Yeséj wasinman riy, imaraykuchus ujnin kaj churinta kuraj kamachej kananpaj ajllaniña, nispa.

DIOSPA QHELQACHISQ

¹ Uj kuti Tata Dios Samuelta nerqa: Mayk'ajkamataj Saulmanta llakikunkiri? Noqaqa Israel suyupi kuraj kamachej kananmanta wijch'upuniña. Ajinaqa aceite apaykachanayki wajraman aceiteta churaspa, Belén llajtapi Yeséj wasinman riy, imaraykuchus ujnin kaj churinta kuraj kamachej kananpaj ajllaniña, nispa.

1 Samuel 16:1 Referans Kwoze

2 Reyes 9:1

Profetasmanta ujnin kajta, Eliseoqa wajyaspa nerqa: P'achasniykita wakichikuy, kay aceite yuru aparisqa Ramot Galaadman riy, nispa.

1 Samuel 15:23

Señorpa contrampi oqharikoyqa layqa juchawan ninakun, Señorta mana kasuytaj lanti yupaychana juchawan ninakullantaj. Imaynatachus qan qhesacherqanki chay kamachisqasninta ajinallatataj paypis qanta qhesachasunki manaña rey kanaykipaj.

1 Samuel 15:35

Samueltaj chaymantaqa manaña jayk'ajpis Saultaqa ujtawan rikorqañachu. Mayta llakikuspa Saulmanta waqarqa. Señortaj mayta pesachikorqa Israelpa reynin kanampaj Saulta churasqanmanta.

Romanos 15:12

Isaías ujtawan nillantaj: Isaejpa saphin qhepakonqa. Chaymantataj jatarenqa gentilesta kamachinampaj. Ajinata gentilesqa paypi suyanqanku.

1 Samuel 16:15

Saulpa kamachisnintaj nerqanku: Qhaway wiraqochíy, Diospa kachamusqan sajra espíritu qanta ñak'arichishasunki.

1 Samuel 10:1

Chaypacha Samuelqa aceite botellata jap'ispa Saulpa uman pataman jich'aykorqa, much'aykuspataj nerqa: Kunanmanta Señorqa t'aqasunki, Israel ayllumpa reynin kanaykipaj. Qan kamachinki atipachinkitaj chay muyuynimpi kaj enemigosninmanta. Kay uj señal kanqa qanta Señorqa ayllumpa reynin kanaykipaj t'aqasusqanmanta: Kunanqa kaymanta ripushaspa iskay runaswan tinkukunki Raquel maypichus p'ampasqa kashan, Selsa llajta qayllapi. Chayqa kashan Benjamimpa jallp'asnin chaypi. Paykunataj nisonqanku mask'asharqanki chay chinkaj burrosta tarisqankutaña, chanta nisonqanku tataykeqa manaña burrosmantachu llakisqa kashasqanta, manachayqa qankunamanta llakikushan, tapurakushantaj: Imanasajtaj wawaymantari?, nispa.

1 Samuel 15:26

Samueltaj kuticherqa: Mana qanwanqa kutisajchu, qan Señorpa kamachisqanta qhesachasqaykirayku. Kunanqa pay qhesachasunkiña, manaña Israelpa reynin kanaykipaj.

1 Samuel 9:16

Q'aya kay horasta Benjamimpa ayllunmanta uj runata kachamusqayki, paytataj aceitewan jawinki, Israel aylluypa kamachejnin kanampaj. Pay Israel aylluyta filisteospa atiyninmanta kacharichenqa, aylluy willakamuwan chayrayku, imaraykuchus noqa paykunamanta khuyakuni, llakiyta willakuwasqankurayku, nispa.

Jeremías 6:30

Sutichanachá kanqa wijch'usqa qolqe nispa, imaraykuchus qan, Señor, paykunata qhesacharqanki.

2 Reyes 9:6

Jehutaj sayarispa wasiman yaykorqa. Profetataj Jehoj umanman aceitewan jawiykorqa, nerqataj: Israelpa Señor Diosnenqa kay jinata nin: Kunanqa noqa jawiykuyki Israel llajtapi kamachej kanaykipaj.

1 Samuel 16:23

Ajinaqa maypachachus Diospa apachimusqan sajra espíritu jamojtinkama Davidqa arpanta oqharispa tokapoj. Chaymantataj Saulqa yuyayninman kutirej, walejyajtaj. Chay sajra espiritutajri paymanta t'aqakapoj.

Jeremías 7:16

Qan, Jeremías, ama kay aylluyraykoqa mañakuwaychu, ama majakuwaychu, nitaj mañakuwaychu paykunarayku. Ama astawan k'iskimanta mañakuwaychu, imaraykuchus manapuni uyarisqaykichu.

Isaías 55:4

Noqa paytaqa nacionesman willajta churarqani; chantá kamachejta, yachachejta ima.

Isaías 11:10

Chaypacha Isaejpa saphinmanta ch'illchejqa, tukuy nacionespaj uj señal kanqa. Chay runastaj payta mask'anqanku; tiyakunantaj lliphipirenqa.

2 Reyes 9:3

Chay yurupi aceitewantaj, paypa umanman jich'aykunki, ninkitaj: Señorqa ajinata nisunki, Israelpi kamachej kanaykipaj noqa churayki. Wasi punkuta kichariytawantaj chay rato ayqekamunki mana sayarispa.

1 Juan 5:16

Pillapis wauqenta rikunman mana wañuyman apaj juchawan juchallejta chayqa, Diosmanta paypaj mañapuchun. Diostaj payman kausayta qonqa. Kayta nini mana wañuyman apaj juchawan juchallejkunapaj. Tiyallantaj wañuyman apaj juchapis. Mana ninichu Diosmanta mañanata chay juchawan kajpaj.

Jeremías 15:1

Señorqa niwarqa: Moiseswan, Samuelwampis kay ñaupaqeyman rikhurimunkuman, chaywampis manapuni kay ayllumantaqa khuyakuymanchu. Niy paykunaman, kay ñaupaqeymanta llojsinankuta, maymampis ripuchunku.

Jeremías 11:14

Ajinaqa qan Jeremías, ama chay aylloj khuyayninta mañaychu, ama mañawaychu, nitaj paykunarayku majakuwaychu, imaraykuchus ñak'ariypi rikukuspa mañakuwajtinkupis mana uyarisajchu.

Isaías 11:1

Uj k'ullumanta ch'illchimonqa, chay k'ulloqa Isaí; saphisninmantataj ch'illchimoj wiñallanqataj.

Hebreos 11:32

Imatawanraj nisajri? Mana atinichu pisi tiempopi willayta Gedeonmanta, Barajmanta, Sansonmanta, Jeptemanta, Davidmanta, Samuelmanta, profetasmanta ima.

1 Reyes 8:16

Israel llajtayta Egiptomanta orqhomorqani chay p'unchaymantapacha, manataj ajllakorqanichu ni mayqen llajtata tukuynin Israel ayllusmanta, wasita ruwapunawankupaj noqaj sutiy chaypi kanampaj. Chaywampis Davidta ajllakorqani Israel llajtayta pay kamachinampaj.

1 Crónicas 11:3

Chay jinamanta Israelpa tukuy kurajkunasnenqa Hebronman Davidwan parlaj rerqanku, Davidtaj paykunawan Señorpa ñaupaqempi uj tratota ruwarqanku. Chaypacha paykunaqa Davidta ajllakorqanku aceitewan jawispa, Israel ukhupi reyninku kanampaj, imaynatachus Samuelnejta Señor nisqanman jina.

1 Crónicas 28:4

Chaywampis, Israelpa Señor Diosnenqa, tukuy aylluy ukhumanta ajllawarqa Israelpaj wiñaypaj reynin kanaypaj. Pay ajllarqa Judá aylluta kamachej ayllu kanampaj. Judá ayllumantataj noqaj wasi aylluyta ajllarqa, wauqesniy ukhumantataj noqata, tukuy Israel jallp'amanta rey kanaypaj ajllawarqa.

Zacarías 4:14

Paytaj kutichiwarqa: Kaykunaqa kanku llimphuchasqas kajkuna tukuy kaypachaj Señornimpa serviciompaj, nispa.

1 Samuel 17:12

Chaypacha Judamanta Belempi tiyakorqa uj runa Isaí sutiyoj. Payqa Saul kausashajtin ashkha watasniyojña karqa. Kay runajtataj pusaj qhari wawasnin tiyaporqa, ujnin kaj wawanqa David sutiyoj karqa.