1 Samuel 13:5 - Qheshwa Biblia DC

⁵ Ajinallatataj filisteospis israelitaswan maqanakunankupaj tantaykukorqanku. Paykunajtaqa kinsa chunka waranqa maqanaku carretasninku karqa, sojta waranqa soldadostaj caballospi maqanakojkuna; chakillapi rej soldadostaj mar qochaj t'iyusnin jina may chhikapuni karqanku. Chay qhepatataj kachaykukorqanku Micmas llajtaman, chaypitaj jarakorqanku Bet-avenmanta inti llojsimuyejpi.

DIOSPA QHELQACHISQAN DEUTEROCANONICAL

⁵ Jinallataj filisteokunapis israelitakunawan maqanakunankupaj tantaykukorqanku. Filisteokunajpata 30.000 carretakuna karqa, 6.000 caballopi maqanakojkuna. Soldadokunataj mama qochaj t'iyun jina may chhikapuni karqanku. Chantá Micmas llajtaman kachaykukorqanku, chaypitaj Bet Avenmanta inti llojsimuynejpi jarakorqanku.

DIOSPA QHELQACHISQ

⁵ Jinallataj filisteokunapis israelitakunawan maqanakunankupaj tantaykukorqanku. Filisteokunajpata 30.000 carretakuna karqa, 6.000 caballopi maqanakojkuna. Soldadokunataj mama qochaj t'iyun jina may chhikapuni karqanku. Chantá Micmas llajtaman kachaykukorqanku, chaypitaj Bet Avenmanta inti llojsimuynejpi jarakorqanku.

1 Samuel 13:5 Referans Kwoze

1 Samuel 14:23

Chay maqanakoqa Bet-aven llajtakama chayarqa. Kay kutipeqa ajinata Señorqa israelitasta librarqa.

Josué 11:4

Tukuy kay reykunataj llojsiykamorqanku mar qocha t'iyu jina, may chhika soldadosninkuwan, may chhika caballosninkuwan, caballospa qhatatinan carrosninkuwan ima.

Josué 18:12

Chay jallp'aj mojonnenqa patanejman Jordán mayumantapacha karqa, chaymanta wicharerqa Jericój janajninman; chaytaj wicharillarqapuni orqosnejta inti yaykuynejman, chaymantá rerqa Bet-aven ch'in pampanejman.

Oseas 10:5

Samariamanta runakunaqa kharkatitinku; waqanku chay Bet-avempi waka uñata chinkachisqankumanta. Chaymantamá tukuy llajta, sacerdotesnintin jik'un jik'unta waqashanku, chay alabasqa kashan chinkasqanrayku.

Oseas 5:8

Gabaapi tocaychej maqanakuyman wajyana putututa! Ramapitaj tocaychej trompetata! Bet-avempitaj mancharichiychej! Benjaminmanta kajkunata kharkatichiychej!

Oseas 4:15

Israel, sichus qan qhenchachakunki chayqa, jinapis Judaqa ama juchayojchu rikhurichun. Ama Gilgalman qankuna riychejchu, amataj Bet-avenmampis wichariychejchu, amallataj Señorpa kausayninraykupis juraychejchu!

Jeremías 15:8

Paykuna ukhupi saqerqani viudasta, mar qochaj t'iyusninta jina ashkhata. Kikin chaupi p'unchaypi chinkachejta apachimorqani, wayna wawasniyoj mamaspa patanman, kaymanta jinalla paykunaj patankuman ñak'ariyta, mancharikuytawan.

Isaías 48:19

Mirayniykipis t'iyu jina mana yupay atina kanman karqa. Qanmanta llojsejkunaqa t'iyu jinapuni kanman karqa. Noqaqa mana jayk'ajpis chinkachiykichejmanchu, manataj ñaupaqeymantapis wijch'uymanchu karqa.

2 Crónicas 1:9

Kunanqa Señor Diosníy, junt'ay ari imastachus tatayman nisqaykita. Qanllataj churawanki kay ñut'u jallp'a jina kay chhika aylluta kamachinaypaj.

Jueces 7:12

Madianitaswan, amalecitaswan, chantá inti llojsimuynejmanta chay runaspis ch'eqerasqas langostas jina chay pampa junt'a kasharqanku. Camellosninkupis may chhika karqa mar qocha cantopi t'iya jinapuni.

Josué 7:2

Josueqa Jericomantapacha runasta kacharqa Hai llajtata qhawamunankupaj; Chay llajtataj kashan Betelpa inti llojsimuynimpi, Bet-aven qayllapi. Paykunaman nerqa imaynatachus chay jallp'asta qhawaramunankuta. Paykunataj rispa sumajta Haita qhawaramorqanku.

Génesis 22:17

Kunanqa bendicisqayki, mirayniykitapis ashkhata mirachisaj mana yupay atinata cielopi qoyllurkunata jina, mar qocha cantopi t'iyuta jina. Chantapis tukuy enemigosninkuta atipanqanku.

Romanos 9:27

Israelitasmanta Isaías nerqa: Israelitaspa mirayninchus mar qochaj t'iyun jina kanman chaypis, chaykunamanta pisi puchojkunalla salvasqas kanqanku.

1 Samuel 7:13

Filisteosqa atipachikorqanku, manañataj ujtawan israelitaspa jallp'ankuman jamorqankuchu, Samuel kausanankama, Señorqa filisteospa contrampipuni karqa.

1 Samuel 13:11

Chaypacha Samuelqa nerqa: Imaraykutaj kayta ruwarqankiri?, nispa. Saultaj kuticherqa: Runas ripurashasqankuta rikorqani, qampis chay señalasqa p'unchaypaj mana chayamusqaykita. Chaykamataj filisteosqa tantasqasña kasharqanku Micmaspi.

1 Samuel 17:1

Filisteosqa soldadosninkuta tantaykorqanku ch'ajwapi maqanakamunankupaj. Tantakorqankutaj Soco llajta chaynejpi. Judá jallp'api jarankuta sayacherqanku, Efes-damim llajtapi, chayqa kashan Socowan, Azecawan tinkuypi.

2 Samuel 17:11

Kunanqa yuyaychaykiman tukuynin israelitas qanwan tantakunankuta Danmantapacha Beerseba llajtakama, chay chhika kanku mar qochaj cantompi t'iyu jinapuni, qan kikiykitaj maqanakupi kamachiwaj.

1 Reyes 20:27

Israelitaspis soldadosninkuta waturillarqankutaj, chanta wakichikusqankuta oqharikuspataj rerqanku sirioswan maqanakoj. Israelitasqa paykunaj ñaupaqenkupi jarakorqanku iskay cabra tropas jinalla, siriostaj tukuynin pampata junt'aykorqanku.

Isaías 10:28

Chay jinata ñak'arichej runaqa Rimonnejta Ajatkama jamuspa Migronman chayan, soldadosnintataj Micmaspi saqen.

1 Samuel 14:52

Saulpa tukuy kausaynimpeqa, filisteoswan maqanakorqa aswan sinch'i karqa. Saulqa pichus sumachaj kallpasapa maqanakojkunata rikuspa soldadon kanampaj ajllarqa.