1 Samuel 13:13 - Qheshwa Biblia DC

¹³ Samueltaj kuticherqa: Kaytaqa wampu jina ruwanki. Sichus Señorpa kamachisqanta ruwawaj karqa chayqa, payqa wiñaypaj kamachiyniykita sayachinman karqa.

DIOSPA QHELQACHISQAN DEUTEROCANONICAL

¹³ Chantá Samuel Saulman kuticherqa: Chaytaqa wampu jina ruwanki. Sichus Tata Diospa kamachisqanta kasuwaj karqa chayqa, payqa qanman, jinataj mirayniykiman ima Israel suyuta kamachinaykichejpaj wiñaypaj qosunkichejman karqa.

DIOSPA QHELQACHISQ

¹³ Chantá Samuel Saulman kuticherqa: Chaytaqa wampu jina ruwanki. Sichus Tata Diospa kamachisqanta kasuwaj karqa chayqa, payqa qanman, jinataj mirayniykiman ima Israel suyuta kamachinaykichejpaj wiñaypaj qosunkichejman karqa.

1 Samuel 13:13 Referans Kwoze

1 Samuel 15:22

Chaypitaj Samuelqa kuticherqa: Señortaqa kasuypuni, astawan allinta kusichin, chay rikuchikusta, jinataj ruphasqa rikuchikusta jaywanamanta nisqaqa. Astawan allinraj payta kasunaqa, nisqasninta kasunapis, chay rikuchikusmanta, jinataj chay corderoj wirasninta jaywanamanta nisqaqa.

2 Crónicas 16:9

Señorqa sumajta qhawamushan tukuy kay pachata, kallpachanampaj tukuy sonqowan paypi atienikunku chaykunata. Kaykunataqa uj wampu runa jina ruwanki. Chayrayku kunanmanta ñaupajmanqa maqanakus qhatirillasonqapuni.

1 Samuel 15:28

Chaypacha Samuelqa Saulman nerqa: Ajinallatataj Señorpis qanmanta Israelpa reinonta qhechusunki, uj llajta masiyki runaman qopunampaj, chay runataj qanmantaqa aswan allin.

1 Reyes 21:20

Eliasmantaj Acabqa nerqa: Qan, enemigoychu tariwanki? Eliastaj kuticherqa: Arí noqa tariyki, imaraykuchus qan kikillaykitaj sajrata ruwaspa enqhaykukunki Señorpa ñaupaqempi.

1 Reyes 18:18

Paytaj kuticherqa: Mana noqachu Israeltaqa musphachini, aswampis qanwan tataykej ayllunwan ima musphachishankichej Señorpa kamachisqasninta saqerpayaspa, baalestataj yupaychaspa.

Proverbios 19:3

Runaj wampu kaynenqa ñanninta chinkachin, chaymantaqa Señorpa contranta sonqompi phiñakun.

Job 34:18

Sichus reyeswan, sumachaj runaswan sajra runas kanku chayqa, Dios paykunata uyanchan juchachakusqankumanta.

2 Crónicas 19:2

Hananej wawan Profeta Jehutaj payta taripaj llojserqa, nerqataj: Imaraykutaj yanapanki chay sajra runata, munakunkitaj Señorpa chay enemigontarí? Chayraykumanri Señorqa qanwan phiñakun.

1 Samuel 1:22

Anataj mana rerqachu, qosanmantaj kay jinata nerqa: Mana riymanrajchu kay wawata januk'anaykama. Chaymantaraj risaj Señorman jaywamoj, chaypi wiñaypaj qhepakapunam paj.

1 Samuel 13:12

Noqataj yuyarqani paykuna Gilgalman maqaj jamunawankuta, Señormanta manaraj yanapayninta mañakushajtiy, chayrayku yuyarqani walej kasqanta, usqhayllata noqa kikiy Señorpaj chay rikuchikuta ruphachipusqayta.

1 Samuel 16:1

Señorqa Samuelman nerqa: Mayk'ajkamataj llakikunki Saulmantari?, nispa. Noqaqa manaña munanichu Israel ukhupi pay reyllapuni kanantaqa. Wajraykita aceitewan junt'achiy, riytaj Isaejpa wasinman Belén llajtaman, paypa ujnin kaj wawanta rey kanampaj ajllaniña.

2 Samuel 24:10

Davidtaj juchallisqanta reparakorqa ayllumpi runasta yupachisqanrayku, Señormantaj juchanta willakorqa: Sinch'ita juchallini kay imasta ruwaspaqa. Chayrayku Señor, mañarikuyki kay kamachiykej juchanta perdonanaykita, noqaqa uj wampu jina ñaupaqeykipi ruwarqani.

1 Crónicas 10:13

Ajinatamin Saulqa wañorqa juchasninrayku. Payqa juchallerqa Señorpa kamachisqasninta mana kasuspa, uj yatiri warmita tapukamusqanraykutaj.

Isaías 39:5

Chantá Isaiasqa Ezequiasman nerqa: Uyariy Tukuy Atiyniyoj Señorpa palabranta:

Jeremías 18:10

Sichus chay nación sajrata ruwan, kamachisqasniytataj mana kasunchu chaypachaqa, imastachus paypaj wakichiporqani chaytaqa manaña apachimusajchu.

Génesis 31:28

Mana saqewankichu wawasniyta, allchhisniyta much'aykurejllatapis. Loco jina kaytaqa ruwanki.

1 Samuel 26:21

Saultaj kuticherqa: David wawáy! Noqa juchayoj kani! Uj wampu runa jina kasharqani, may jatunta pantaspa! Chaywampis kutimpuy. Manaña chay sajra ruwayta qampaj mask'asajchu, kunan qan rikuchiwanki kausayniyta munakuywan jatumpi qhawasqaykita.

Proverbios 12:8

Uj runaqa yachayniyoj kasqanman jina munachikun; uj wampu runarí chejnichikuyllata tarin.