1 Samuel 1:21 - Qheshwa Biblia DC

²¹ Chaymantataj Elcanaqa tukuy ayllusninwan Siloman rerqa, chaypi Señorman jaywamunampaj sapa wata rikuchikuta qojpuni chayta. Chanta Señorman qosqayki nisqantawan junt'apoj.

DIOSPA QHELQACHISQAN DEUTEROCANONICAL

²¹ Chaymanta Elcanaqa tukuy wasi ayllunwan Siloman rerqa, chaypi Diosman qosaj nisqanta junt'ananpaj, jinataj Tata Diosman sapa wata jaywanata jaywamunanpaj.

DIOSPA QHELQACHISQ

²¹ Chaymanta Elcanaqa tukuy wasi ayllunwan Siloman rerqa, chaypi Diosman qosaj nisqanta junt'ananpaj, jinataj Tata Diosman sapa wata jaywanata jaywamunanpaj.

1 Samuel 1:21 Referans Kwoze

1 Samuel 1:3

Sapa wata Elcanaqa llajtanmanta Siloman rejpuni, chaypi Tukuy Atiyniyoj Señorta yupaychamoj, rikuchikustawan jaywamoj. Silopeqa kasharqanku Elí sacerdotej iskay wawasnin, sutisninkutaj ujnimpataqa Ofni, ujnimpatataj Finees karqa. Paykunapis Señorpa sacerdotesnillantaj karqanku.

Deuteronomio 12:11

May cheqapichus Señorqa sutin yupaychasqa kanampaj ajllakonqa chaypi, qankunaqa kamachisusqaykichejman jina kay tukuy imasta Señorman jaywankichej: Ruphasqa kanampaj uywasta, ruphachinapaj kajta, sapa chunkamanta uj kaj ofrendata, rama ofrendasta, imastachus ajllaspa Señorman qosaj nerqankichej chay ofrendasta ima.

Josué 24:15

Sichus Señorpa nisqanta mana ruwayta munankichejchu chayqa, kunampacha ajllakuychej pitachus yupaychanaykichejta; ñaupa tatasniykichej mayu chimpapi kashaspa yupaycharqanku chay dioskunatachu, chayri tiyakushankichej chaypi tiyarqanku chay amorreospa dioskunasninkutachu. Noqarí, tukuy aylluywampis Señortapuni yupaychasqayku.

Salmos 101:2

Cheqanta kausayta munani. Mayk'ajtaj noqaman jamunkiri? Kausayniy mana ima nina kanqa, jatun palaciopi kajtiypis.

Génesis 18:19

Noqa payta ajllani, wawasninta, miraynintapis kamachinampaj noqaj ñankunasniypi purinankupaj cheqan kajta, allin kajtataj ruwaspa, noqa junt'anaypaj payman tukuy ima nisqasniyta.

1 Samuel 2:19

Sapa watataj mamanqa tatanwan khuska rillajpuni waka rikuchikuta jaywamunankupaj apaspa, apapullajtaj ruwapusqan juch'uy qhatakunata.

Deuteronomio 12:6

Qankuna chaypi uywasta ruphachinkichej, rikuchikustapis jaywankichej. Apankichejtaj chunkamanta ujta ofrendata, rama ofrendata, qosaj nisqaykichej ofrendata, munasqaykichejman jina ofrendata, waka uñasta, kuraj oveja uñasta ima.