1 Samuel 1:19 - Qheshwa Biblia DC

¹⁹ Q'ayantin paqarintaj tutamanta, Señorta yupaychaytawankama kutiporqanku Ramapi wasinkuman. Chay qhepantataj Elcanaqa puñuykorqa warmin Anawan, Señortaj yuyarikorqa chay mañakusqanmanta.

DIOSPA QHELQACHISQAN DEUTEROCANONICAL

¹⁹ Q'ayantin paqarin tutamanta, Elcanawan, wasi ayllunwan ima Tata Diosta yupaychaytawankama, Ramapi wasinkuman kutiporqanku. Chay qhepatataj Elcanaqa warmin Anawan puñuykorqa, Tata Diostaj Anaj mañakusqanmanta yuyarikorqa.

DIOSPA QHELQACHISQ

¹⁹ Q'ayantin paqarin tutamanta, Elcanawan, wasi ayllunwan ima Tata Diosta yupaychaytawankama, Ramapi wasinkuman kutiporqanku. Chay qhepatataj Elcanaqa warmin Anawan puñuykorqa, Tata Diostaj Anaj mañakusqanmanta yuyarikorqa.

1 Samuel 1:19 Referans Kwoze

Génesis 21:1

Señorqa, Saraman imatachus qosqayki nisqanman jina, palabrasninta junt'arqa.

1 Samuel 1:11

Señorman kayta nerqa: Tukuy Atiyniyoj Señor: Sichus qan qhawariwaj kay kamachiykej llakiyninta chayqa, noqamanta yuyarikuspa uj wawata qowankiman chayqa, noqa qopusqayki tukuy kausaynimpi qampa kamachiyki kanampaj, manataj jayk'ajpis chujchasnin k'utusqaschu kanqanku.

Génesis 30:22

Diosqa Raquelmanta yuyarikorqa; uyarerqataj mañakusqanta, nerqataj wawasniyoj kananta.

Génesis 4:1

Evaqa wijsayoj rikhurerqa qosan Adampaj. Onqokorqataj Cainta, nerqataj: Tiyapuwan uj qhari wawa, kaytaqa Señor qowan.

San Lucas 23:42

Jesusmantaj nerqa: Yuyarikuwanki ari noqamanta, reinoykiman chayaspa.

Marcos 1:35

Jesusqa tutamanta jatarispa, allin chhajchuta wasimanta llojsispa, ch'innejman rerqa; chaypitaj Diosmanta mañakusharqa.

Salmos 119:147

Manaraj sut'iyamushajtin sayarispa, yanapayniykita mañakuyki.

Salmos 55:17

Willakusaj waqasajtaj, sut'iyayta, chaupi p'unchayta, ch'isiyayta ima. Payrí parlasqayta uyarenqa.

Salmos 25:7

Wayna kashaspa juchallikusqasniymanta ama yuyarikuychu, nitaj contraykipi oqharikusqasniymantapis. Señor, uj jatun munakuyniykiman jina, k'acha kayniykiman jinataj noqamanta yuyarikuy.

1 Samuel 9:26

Saultaj chaypi puñorqa, q'ayantintaj Saul patan kaj wasi patapi kashajtin Samuelqa payta wajyarqa, nerqataj: Sayarikuy ripunaykipaj, nispa. Saultaj sayarikorqa. Chay qhepantataj jawaman llojserqanku Samuelwan Saulwanqa.

Génesis 8:1

Dios yuyarikorqa Noemanta, paywan khuska tukuy animales arcapi kajkunamantawan. Chaymanta wayrachimorqa, chaytaj yakuta ch'akiykucherqa.

Salmos 136:23

ñak'arisqa kashajtinchej khuyarikojman, khuyakuynin wiñaypaj kasqanrayku;

Salmos 5:3

Señorníy, sut'iyaymanta mañakusqayta uyariwanki; chhapu chhaputa qanman willakuyki; chantá suyani imatachus ninawaykita.

1 Samuel 2:11

Chay qhepamantari Elcanaqa Ramapi wasinman kutiporqa, chay wawari qhepakorqa Señorpa nisqanta ruwaspa, sacerdote Elejpa kamachisqanman jina.

1 Samuel 1:1

Efraimpa orqosnimpi Ramá nisqa cheqapi, tiyakorqa uj runa Elcana sutiyoj, Payqa Zufpa familianmanta karqa. Jerohampa wawan karqa, Eliojpa allchhintaj. Eliojpa tatantaj Tohu karqa, paytaj Zufpa wawan karqa. Payqa Efraimpa ayllunmanta karqa.

1 Samuel 7:17

Chaymantaqa Ramá llajtaman kutimpoj, chaypi wasin kasqanrayku, chaymantapachataj israelitasta kamacherqa. Chaypitaj Señorpaj uj altarta sayaricherqa.

1 Samuel 8:4

Chaypacha Israelpa kurajkunasnin tantaykukuspa rerqanku Ramá llajtaman Samuelwan tinkoj.

1 Samuel 15:34

Chaymanta Samuelqa Ramá llajtaman riporqa. Saultaj kutiporqa chay Saulpa nisqa Gabaa llajtanman.

1 Samuel 16:13

Chay ratopacha Samuelqa chay ch'itita aceiteyoj carneroj wajranta jap'ispa jawiykorqa wauqesnimpa ñaupaqempi. Chay p'unchaymantapachataj Señorpa Espíritun Davidman jamorqa. Chaymanta Samuelqa Ramá llajtaman kutiporqa.

1 Samuel 19:18

Ajinamanta Davidqa ayqerqa. Rerqataj Ramá llajtaman Samuelta watukoj, willakorqataj imastachus Saul paywan ruwasqanta. Chay qhepantataj Davidwan Samuelwanqa Naiotman tiyakoj rerqanku.

1 Samuel 25:1

Samuelqa wañuporqa. Tukuy israelitastaj tantakorqanku wañusqanmanta waqanankupaj. Ramá llajtapi kikin wasillampitaj p'amparqanku. Chaymantataj Davidqa Parán nisqa ch'in pampaman riporqa.

2 Reyes 4:17

Chanta chay warmeqa onqoj rikhurerqa. Watampajtaj imaynatachus Eliseoj nisqanman jina, uj wawata nacechikorqa.