1 Reyes 9:9 - Qheshwa Biblia DC

⁹ Nenqankutaj: Paykunaqa ñaupa tatasninkuta Egiptomanta orqhomorqa chay Señor Diosninkuta saqerparisqankurayku, waj dioskunaman makisninkuta oqharispa, qonqorikuspa yupaychaspataj, chaymantamá Señorqa paykunaman kay tukuy sajra imasta apachimun.

DIOSPA QHELQACHISQAN DEUTEROCANONICAL

⁹ Chantá kutichenqanku: Paykunaqa, pichus ñawpa tatankukunata Egiptomanta orqhomorqa, chay Tata Diosninkuta saqerparerqanku. Waj dioskunaman makinkuta oqharerqanku, qonqorikuspataj, paykunata yupaycharqanku. Chaymantamá Tata Diosqa paykunaman kay tukuy sajra imakunata apachimun, nispa.

DIOSPA QHELQACHISQ

⁹ Chantá kutichenqanku: Paykunaqa, pichus ñawpa tatankukunata Egiptomanta orqhomorqa, chay Tata Diosninkuta saqerparerqanku. Waj dioskunaman makinkuta oqharerqanku, qonqorikuspataj, paykunata yupaycharqanku. Chaymantamá Tata Diosqa paykunaman kay tukuy sajra imakunata apachimun, nispa.

1 Reyes 9:9 Referans Kwoze

Jeremías 2:19

Kikin juchallaykitaj jasut'isonqa; chay mana kasukoj kasqallaykitaj ch'ataykusonqa. Allinta umacharikuy, imayna sajrachus, k'allkutajchus kasqanta noqata saqerpariwasqayki, noqa Señor Diosniykita mana kasuwasqayki ima. Noqa, Tukuy Atiyniyoj Señor chayta nini.

Jeremías 5:19

Maypachachus tapusonqachej: Imaraykutaj kay tukuyta Señor Diosninchej ruwawarqanchejri?, nispa chayqa kay jinata kutichiychej: Imaynatachus Señorta saqerparispa, kikin jallp'aykichejpi yupaychaj kankichej, chay mana rejsisqa dioskunata, ajinallatataj sirvinaykichej kanqa waj llajtayoj mana rejsisqa runata.

2 Crónicas 7:22

Kutichenqankutaj ñaupa tatasninkuta, Egiptomanta orqhomorqa chay Señor Diosninkuta saqerparisqankurayku. Sinch'i kallpawantaj waj dioskunata jatunchanqanku, yupaychanqankutaj. Chayraykumá paykunaman chay jina jatun llakiyta apachimorqa.

Jeremías 50:7

Paykunata chejnikojkunarí taripaspa oqoykoj kanku, nejtaj kanku: Mana noqaykoj juchaykuchu. Paykunaqa Señorpa contrampi juchallikusqankurayku. Paymin cheqamanta michejninkoqa, ñaupa tatasninkoj suyaynintaj.

1 Reyes 18:18

Paytaj kuticherqa: Mana noqachu Israeltaqa musphachini, aswampis qanwan tataykej ayllunwan ima musphachishankichej Señorpa kamachisqasninta saqerpayaspa, baalestataj yupaychaspa.

Jeremías 22:8

Chay qhepanta waj llajtasniyoj runas, kay llajta qayllanta pasanqanku: Imaraykutaj Señorqa kay jinata jatun llajtawanqa ruwarqari?, nispa.

Jeremías 44:23

Kay sajra ñak'areyqa waj dioskunaman inciensota q'osñichisqaykichejrayku jamushasunkichej, jinamanta Señorpa contrampi juchallispa mana paypa yachachiykunasninta, leykunasnintapis kasusqaykichejrayku, nitaj nisqasninta junt'asqaykichejrayku ima.

Deuteronomio 29:23

Tukuy kay jallp'apeqa rikonqanku azufrellata, kachillata, ruphasqa jallp'ata imalla. Chaypi mana imatapis tarponqankuchu, nitaj imapis poqoyta atenqachu, manapuni ima qhorallapis wiñayta atenqachu, imaynachus karqa Sodoma, Gomorra, Adma, Zaboim llajtaspi. Chaykunataqa sinch'i phiñakuyninwan chinkacherqa.

2 Reyes 22:17

Paykunaqa noqaqa saqerpariwanku, waj dioskunamantaj inciensosta q'osñichinku, chay tukuy imaymanasta makisninkuwan ruwaspa noqaqa phiñachiwanku. Phiñakuyneyqa kaypi tiyakojkunaj contrampimin, manataj thasnusqachu kanqa.

2 Crónicas 29:8

Chayrayku Señorqa phiñakorqa, Judapaj Jerusalempajwan, may llakiyta saqerparin, tukuy chayta rikuspa t'ukunankupaj, asipayachikunankupajtaj, imaynatachus kikin ñawisniykichejwan rikushankichej jina.

Lamentaciones 2:15

Ñanta tukuy rejkunaqa qanmanta asiykukuspa, makisninkuta t'ajllarakamunku. Silbamuspa, umasninkuta khiwirispataj Jerusalén llajtamanta ninku: Kaymin chay chhika sumaj mentasqanku llajtaqa, tukuyta kay pachapi kusichejqa, nispa.