1 Reyes 8:44 - Qheshwa Biblia DC

^44-45 Maypachachus llajtayki maqanakuman llojsinman enemigosnimpa contrampi, ima ñantachus qan niwaj rinankuta chaynejta, mañakunkumantaj Señormanta, qhawarimuspa kay llajta ajllakusqaykita, sutiykipi kay wasi ruwapususqaymampis chayqa, qan janaj pachamantapacha uyarimunki mañakuyninkuta, rogakusqankutapis, paykunamantaj justiciata ruwanki.

DIOSPA QHELQACHISQAN DEUTEROCANONICAL

⁴⁴ Ichapis aylluyki maqanakuman llojsinkuman awqankunaj contranpi, mayllamanpis kachawaj, chaypi. Sichus qanmanta mañakusunkuman kay ajllakusqayki llajta qhawarisqa, jinataj ruwapususqay Templo qhawarisqa chayqa,

DIOSPA QHELQACHISQ

⁴⁴ Ichapis aylluyki maqanakuman llojsinkuman awqankunaj contranpi, mayllamanpis kachawaj, chaypi. Sichus qanmanta mañakusunkuman kay ajllakusqayki llajta qhawarisqa, jinataj ruwapususqay Templo qhawarisqa chayqa,

1 Reyes 8:44 Referans Kwoze

2 Crónicas 32:20

Chaypacha rey Ezequiasqa, jinataj Amospa wawan profeta Isaiaspis mañakorqa janaj pachamanta yanapata mañakuspa.

2 Crónicas 18:31

Carrestasmanta kamachejkunaqa yuyarqanku Josafatta rikuspa Israelpa reynin kasqanta, muyuykorqankutaj maqanakunankupaj. Chaypacha Josafatqa qhaparikorqa. Señortaj payta yanaparqa. Diosqa paykunata Josafatmanta t'aqarqa.

2 Crónicas 6:34

Aylluykej enemigosninwan maqanakoj llojsejtenqa, mayllamampis qan kashajtiykeqa, kay ajllasqayki llajtanejman kay yupaychana wasita oqharipuyki chaynejman qhawarispa qanmanta mañakusojtinkoqa, janaj pachamantapacha qan uyariy, mañakususqankuta, majakususqankutapis, paykunamantaj cheqanta ruway.

1 Reyes 8:16

Israel llajtayta Egiptomanta orqhomorqani chay p'unchaymantapacha, manataj ajllakorqanichu ni mayqen llajtata tukuynin Israel ayllusmanta, wasita ruwapunawankupaj noqaj sutiy chaypi kanampaj. Chaywampis Davidta ajllakorqani Israel llajtayta pay kamachinampaj.

2 Samuel 5:23

Watejmanta Davidqa Señorta tapullarqataj, chaypitaj Señor kuticherqa: Maqanakuspaqa, ama ñaupajmanta yaykunkichu, manachayqa chay bálsamo sach'asnejman chayaspañaqa, muyuykuspa chay qhepapi kay soldadosninkunejta yaykunki.

2 Samuel 5:19

Chayraykutaj Davidqa Señorta tapurerqa kay jinata: Filisteoswan maqanakoj riymanchu? Paykunawan maqanakojtiyrí, atipachiwankimanchu?, nispa. Señortaj payman kuticherqa: Arí, rillay maqanakoj, noqa atipachisqayki paykunata, nispa.

1 Samuel 30:8

Davidtaj Señorta taporqa: Chay suwa runasta qhatiykuymanchu? Taripayta atiymanchu?, nispa. Señortaj kuticherqa: Qhatiykullay taripankiraj, chay presostapis qhechukapunkiraj, nispa.

1 Samuel 15:18

Señorqa kamachisuspa kachamusorqa, chay juchasapa amalicitasta tukuchinaykipaj mana ujniyojta. Imaraykutaj Señorpa kamachisusqantaqa mana kasorqankichuri, chay enemigosmanta qhechusqaykita jap'ikapuspari? Jinamanta qanqa Señorpa ñaupaqempi mana allintachu ruwarqanki, nispa.

1 Samuel 15:3

Chayrayku paykunawan maqanakoj riy; tukuy paykunata jinataj tukuy kapuyninkutapis chinkachimunaykipuni tiyan, ama ni uj chhikanta paykunamanta khuyarikuspa. Wañurachiy qharista warmista, wawasta, chay ñuñoj wawastapis, ajinallatataj wakasninkuta, ovejasninkuta, camellosninkuta, burrosninkuta ima.

Jueces 6:14

Señorqa payta qhawarispa nerqa: Chay kallpayki kajwan, riy israelitasta kacharichimuy madianitaspa kamachiyninmanta. Noqamin kachashayki.

Jueces 4:6

Uj p'unchaytaj Deboraqa wajyacherqa Abinoampa wawan Baracta, payqa Neftalí ayllumanta karqa, Cedespitaj tiyakoj. Paymantaj nerqa: Israelpa Señor Diosnin kamachisunki kay jinata: Riy Tabor orqoman, chaypitaj tantamuy chunka waranqa runasta, Neftalí jinataj Zabulón ayllusmanta kajkunata.

Daniel (hebreo) 6:10

Danieltaj chay papelpi rey Darío sutinta qelqaykusqanta uyarispa, wasinman riporqa. Puñunan wasimpa ventanasninta kicharerqa, chay ventanastaj Jerusalenta qhawariypi karqanku, chaypi qonqorikorqa Diosmanta mañakunampaj, payta yupaychanampajtaj. Chay jinata ruwarqa kinsa kutita sapa p'unchay, yachasqa kasqanman jina.

2 Crónicas 20:5

Josafattaj Jerusalempi Judamanta tantakorqanku chay tukuy runaspa chaupimpi sayaykorqa, Señorpa wasimpa mosoj patiompa ñaupaqempi.