1 Reyes 8:11 - Qheshwa Biblia DC

¹¹ Sacerdotestaj manaña chaypi yupaychanankupaj qhepakuyta aterqankuchu phuyu kasqanrayku, imaraykuchus Señorpa k'anchaynin chay wasiman junt'aykusqa.

DIOSPA QHELQACHISQAN DEUTEROCANONICAL

¹¹ Sacerdotekunataj manaña chaypi yupaychanankupaj qhepakuyta aterqankuchu phuyu kasqanrayku, imaraykuchus Tata Diospa llimphu kayninpa lliphipiynin Temploman junt'aykorqa.

DIOSPA QHELQACHISQ

¹¹ Sacerdotekunataj manaña chaypi yupaychanankupaj qhepakuyta aterqankuchu phuyu kasqanrayku, imaraykuchus Tata Diospa llimphu kayninpa lliphipiynin Temploman junt'aykorqa.

1 Reyes 8:11 Referans Kwoze

2 Corintios 4:6

Diosqa nerqa: K'anchay laqhayajpi k'anchachun. Chay k'anchayllataj sonqoykupi k'anchachun, rikunanchejpaj Diospa lliphipiyninta Jesucristoj uyampi.

2 Corintios 3:18

Chayrayku tukuy noqanchej qhawashanchej uya qhatarasqa uj espejopi jina, Señorpa lliphipiyninta. Noqanchejpis k'anchaymanta k'anchayman, kikin rijch'ayninman tukunchej Señorpa Espiritunman jina.

Ezequiel 44:4

Chaymanta runaqa wichaynej punkuman Diosta yupaychana wasej ñaupajninta pusawarqa. Chaypi qhawarerqani, Señorpa k'anchaynin Señorpa wasimpi junt'aykusqata. Pampakamataj k'umuykorqani.

Levítico 9:23

Chaymantataj Moisesqa Aaronwan Dioswan tinkukuna toldoman yaykorqanku, llojsimuspataj israelitasta bendicerqanku. Chaymanta Señorqa jatun lliphipej k'anchaywan tukuyninkuman rikhurerqa.

Apocalipsis 21:23

Llajtaqa mana necesitanchu intita, nitaj killatapis chaypi k'anchanampaj. Diospa k'anchaynin llajtata k'anchaykun, k'anchanantaj Cordero.

San Juan 1:14

Chay Palabrataj aychallikorqa. Noqanchej ukhupitaj tiyakorqa. Jatun k'anchayninta rikorqanchej, Tata Diospa uj k'ata Churimpa k'anchayninta jina; payqa junt'a karqa munakuywan, cheqa kaywantaj.

Ezequiel 43:2

Rikorqani inti llojsimuy ladomanta Señorpa k'anchaynin jamushajta. Uj jatun sonay uyarikorqa jatun mayoj sonaynin jina, jallp'ataj lliphiperqa chay k'anchaywan.

Apocalipsis 21:11

Jerusalén llajtaqa Diospa k'anchayninwan lliphipisharqa. Lliphipiynintaj rijch'akoj uj sumaj k'achitu qhapaj rumiman, jaspe rumiman. Cristal jinataj ch'uwa karqa.

Hechos 7:55

Estebanqa Santo Espirituwan junt'a karqa, janaj pachata qhawarispataj Diospa jatun k'anchayninta rikorqa, Jesustapis rikullarqataj Diospa pañampi kashajta.

Levítico 9:6

Chaymantataj Moisesqa nerqa: Ajinata kamachin Señorqa, qankunataj chayta ruwaychej, Señortaj rikhurisonqachej jatun lliphipiywan.

Romanos 9:4

Paykuna kanku israelitas, pikunatachus Dios wawasnimpaj jina rejsikaporqa; paykunamantaj jatun kayta qorqa, tratotataj paykunawan ruwarqa; chantá qorqa leyta, templopi Diosta yupaychayta, qosqaykichej nerqa chaykunatawan.

Éxodo 40:34

Chaymantataj chay Dioswan tinkukuna toldota phuyuykamorqa, Señorpa jatun kaynintaj chay wasiman junt'aykorqa.

Éxodo 40:35

Jinamanta Moisesqa manaña chayman yaykuyta aterqachu, imaraykuchus tukuyninta phuyuykorqa, Señorpa jatun kaynintaj chay Dioswan tinkukuna toldoman junt'aykorqa.

1 Reyes 8:10

Sacerdotes Diospa tiyakunan llojsimojtinkukama Señorpa wasinman phuyu junt'aykorqa.

1 Reyes 8:12

Chanta Salomonqa nerqa: Qan Señor nerqanki laqhayaypi tiyakusqaykita.

2 Crónicas 5:14

Chay phuyuraykutaj sacerdotesqa mana qhepakuyta aterqankuchu Diosman yupaychaykunasta qonankupajqa, Señorpa k'anchaynin yupaychana wasiman junt'aykusqanrayku.

Salmos 90:16

Kamachisniykiman ruwasqaykita rikuchiy, atiyniykitataj wawasniykuman rikuchiy.

Hageo 2:7

Tukuy nacionesta kharkatichisaj, tukuy nacionestaj tiyapusqanta apamonqanku, temploytaj gloriawan junt'a kanqa. Tukuy Atiyniyoj Señorqa ajinata nin: Qolqepis, qoripis noqajta.

Éxodo 29:43

Chaypi tantakusaj israelitaswan. Chay cheqataj, chaypi kasqayrayku noqallapaj kanqa.

Isaías 6:1

Rey Uziaspa wañupusqan watapi, Señorta rikorqani uj sumaj alto trono patapi tiyashajta, p'achampa cantosnintaj yupaychana wasiman junt'aykorqa.

Ezequiel 10:4

Chantá Señorpa k'anchaynenqa querubinespa patanmanta, Diosta yupaychana wasiman yaykuna chaynejman purirerqa. Phuyutaj Diosta yupaychana wasiman junt'aykorqa. Señorpa k'anchaynintaj patio junt'ata k'anchaykorqa.