1 Reyes 6:1 - Qheshwa Biblia DC

¹ Israelitas, Egipto jallp'amanta llojsimpusqankumanta tawa pachaj pusaj chunkayoj watasña kashajtin, Salomontaj Israel jallp'api tawa watataña kamachishajtintaj, Zif nisqa iskay kaj killapi, chaypacha Salomonqa qallarerqa Señorpa wasinta ruwaytaqa.

DIOSPA QHELQACHISQAN DEUTEROCANONICAL

¹ Israelitakuna Egipto suyumanta llojsimpusqankumanta 480 wataña kashajtin, Salomontaj Israel suyupi tawa watataña kamachishajtin, Zif nisqa iskay kaj killapi Salomonqa Tata Diospa Templonta ruwachiyta qallarerqa.

DIOSPA QHELQACHISQ

¹ Israelitakuna Egipto suyumanta llojsimpusqankumanta 480 wataña kashajtin, Salomontaj Israel suyupi tawa watataña kamachishajtin, Zif nisqa iskay kaj killapi Salomonqa Tata Diospa Templonta ruwachiyta qallarerqa.

1 Reyes 6:1 Referans Kwoze

Hechos 7:47

Salomontaj Diospaj wasita sayaricherqa.

1 Pedro 2:5

Qankunapis kausaj rumis jina, Espiritupi uj templo jina ruwasqas kankichej, ajllasqa sacerdotes kanaykichejpaj; Jesucristonejta Diosman Espiritupi allin kaj jaywanasta jaywanaykichejpaj.

1 Crónicas 29:19

Waway Salomonmampis qollaytaj cheqa sonqoyoj kayta, kamachisqasniykita, nisqasniykita, leykunasniykitapis junt'ayta atinampaj. Tukuy chaykunata ruwaspa Diosta yupaychana wasita sayarichinampaj, chaypajqa noqa wakichiniña.

1 Reyes 6:37

Tawa watataña Salomón kamachishajtin, Zif nisqa chay killapi, wasej ñaupaj kaj cimientosninta churakuyta qallarikorqa.

Hebreos 11:10

Sinch'i sayaj llajtata suyasharqa, mayqentachus kikin Dios wakicherqa, sayacherqataj.

Hebreos 9:11

Chantá, Cristo jamojtinña, aswan allin imas jamojkunamanta sacerdote kaspa, aswan kuraj, aswan sumaj santuarionejta, mana makiswan wakichisqanejtachu. Kay niyta munan, mana kay pachapi ruwasqa santuarionejtachu.

Colosenses 2:7

Paypi saphinchasqas, allinchasqastaj kaspa, fepi wiñaychej, yachachisqas kasqaykichejman jina, Diosman ashkha graciasta qospa.

2 Corintios 6:16

Chantá ima allintaj kanman, Diospa templompi lantikuna kanankuri? Qankunaqa kausashaj Diospa templon kankichej, imaynatachus Dios nerqa: Kausajtaj, purisajtaj paykuna ukhupi. Paykunaj Diosninku kasaj. Paykunataj aylluy kanqanku.

1 Corintios 6:19

Manachu yachankichej cuerpoykichejqa Santo Espíritoj templon kasqanta? Payqa qankunapi kashan. Payta Dios qosunkichej, manataj qankunajtachu kankichej.

Zacarías 6:15

Karumanta runas jamonqanku, Señorpa yupaychana wasinta ruwaypi yanapanankupaj; jinamanta yachankichej qankunaman Tukuy Atiyniyoj Señor kachamuwasqanta. Kay tukuy imas kanqanku maypachachus qankuna Señorpa nisqanta uyarinkichej, kasunkichejtaj chaypacha.

Jueces 11:26

Kinsa pachaj watasña kanqa Hesbompi ranchosnintimpi noqaykoj tiyakusqaykoqa, chantá Aroerpi jinataj chay qaylla ranchosnimpi, ajinallatataj chay Arnón mayoj qaylla llajtaspipis. Imaraykutaj mana aswan ñaupajmanta chay jallp'asmanta mana parlarerqankichejchuri?

Números 1:1

Israelitas Egiptomanta llojsimusqankumanta iskay kaj watapi, iskay kaj killapi ñaupaj kaj p'unchaypi, Sinaí ch'in pampapi parlarqa, Dioswan tinkukuna toldo ukhupi Moisés kashajtin Señorqa paywan kay jinata parlarqa: Tukuynin qharista israelitasmanta yupaychej ayllusninkuman jina, familiasninkuman jinataj, ajinamanta mashkhachus kasqankuta yachanapaj.

Hechos 13:19

Canaán jallp'apitaj, qanchis laya ayllusta tukuchispa, chay jallp'asta israelitasman qoporqa, tawa pachaj phishqa chunkayoj watasta jina. Kamachejkunatataj Dios churarqa, profeta Samuelpa p'unchayninkama.

1 Reyes 6:2

Chay wasita Salomonqa Señorpaj ruwacherqa, chaytaj kay jina karqa: Sayt'unman iskay chunka qanchisniyoj metros, anchontaj isq'on metros, patamantaj chunka kinsayoj metros khuskanniyoj.

1 Crónicas 6:10

Johanantaj Azariaspa tatan karqa. Payqa Jerusalempi Salomompa Diosta yupaychana wasita ruwasqampi sacerdote karqa.

Esdras 5:11

Paykunataj niwarqayku: Noqaykoqa yupaychayku, janaj pachapi jinallataj kay pachapipis kashan chay Diosta. Chantapis nillawaykutaj: Mosojmanta ruwashayku chay temploqa, unay ñaupa tiempospi uj kuti ruwasqaña kasqanta, tukuychasqañataj, Israelmanta uj jatun reynejta.

Salmos 78:69

Diosta yupaychana wasita sayacherqa cielota jina, jallp'ata jinataj wiñaypaj sayachin.

Hageo 1:8

Lomasman riychej k'aspista oqharimuychej, watejmantataj templota ruwaychej. Noqataj chaypi kusisqa kasaj. Gloriaytataj rikuchisaj.

Éxodo 12:41

Mayk'ajchus tawa pachaj kinsa chunkayoj watas junt'akorqa, chay kikin p'unchayllataj Señorpa soldadosnin Egiptomanta llojsiporqanku.

Éxodo 12:51

Chay kikin diallataj Señorqa orqhorqa Egiptomanta israelitaspa soldadosninta.

2 Crónicas 3:3

Salomonqa Diospa yupaychana wasinman cimientosta churacherqa chayqa kay jina miderqa: Sayt'unman iskay chunka qanchisniyoj metros, anchonmantaj isq'on metros.

Ezequiel 41:1

Chantá runaqa Diosta yupaychana wasi ukhuman pusaykuwarqa, sayantasninta miderqa. Iskaynin lado kinsa metrosniyoj karqa. Chay jina ancho karqa tabernáculo nisqa chayqa.