1 Reyes 5:7 - Qheshwa Biblia DC

⁷ Hiramtaj chay jinata Salomón nichimusqanta uyarispa, may jatuntapuni kusikorqa, nerqataj: Kunantaj, Señorqa bendicisqa kachun, sumaj yachayniyoj wawata Davidman qosqanmanta, chay chhika jatun nacionta kamachinampaj.

DIOSPA QHELQACHISQAN DEUTEROCANONICAL

⁷ 7 (21) Jirantaj chay jinata Salomón willachisqanta uyarispa, maytapuni kusikorqa, nerqataj: Tata Diosqa yupaychasqa kachun, imaraykuchus payqa sumaj yachayniyoj churita Davidman qorqa chay chhika jatun suyuta kamachinanpaj, nispa.

DIOSPA QHELQACHISQ

⁷ 7 (21) Jirantaj chay jinata Salomón willachisqanta uyarispa, maytapuni kusikorqa, nerqataj: Tata Diosqa yupaychasqa kachun, imaraykuchus payqa sumaj yachayniyoj churita Davidman qorqa chay chhika jatun suyuta kamachinanpaj, nispa.

1 Reyes 5:7 Referans Kwoze

Isaías 9:6

Uj wawa nacepuwanchejña, Dios uj wawata qowanchej. Chayman qosqa kashan jatun atiy kamachinampaj. Sutisnintaj kaykuna kanqa: Mayta T'ukuna Yuyaychaj, Atiyniyoj Dios, Wiñaypaj Tata, Sonqo tiyachej Rey ima.

Proverbios 23:24

Yuyayniyoj k'acha runaj tatanqa, mayta kusikun jatunchakuntaj.

Isaías 8:18

Noqa, Señor qowasqan wawasniywan, israelitaspaj uj señal jina kayku, Tukuy Atiyniyoj Señorpa churasqasnin; Payqa Sión orqopi tiyakun.

Proverbios 15:20

Yachayniyoj runaqa tatasninta kusichin; wampu wawarí, tatasninta qhesachan.

Proverbios 13:1

Yachayniyoj waynaqa tatampa yuyaychasqanta jap'ikun; machu machu kajrí chaykunataqa mana uyarinchu.

Proverbios 10:1

Salomompa nisqasnin: Yachayniyoj wawaqa tatanta kusichin, mana yuyayniyoj wawataj mamanta llakichin.

Salmos 137:6

Ukhu simiyman qalluy k'askaykuchun qanmanta mana yuyarikuyman chayqa; mana qanmanta kusikuyman chayqa tukuy imamanta astawan.

1 Reyes 10:9

Señor Diosniyki yupaychasqa kachun, qanta ajllakususqanmanta, Israelpa trononman churasunampaj; imaraykuchus Señorqa Israelta munakumpuni wiñaypaj, kamachej kanaykipajtaj churasunki, cheqanta cheqa kajtataj ruwanaykipaj.

1 Reyes 3:9

Kay kamachiykimanqa allin sonqota qoway llajtaykita allinta kamachinaypaj jina, sajra kajta allin kajtapis reparanaypaj, mana jina kajtenqa, pitaj kay chhikan llajtaykita kamachiyta atenqari?

1 Reyes 1:48

Chantá reyqa nerqa: Israelpa Señor Diosnin bendicisqa kachun, aylluymanta ujnin kajta tronoypi tiyasqata rikunayta munasqanrayku.

Génesis 33:5

Chaymanta Esauqa warmista wawastawan qhawarispa, wauqenta taporqa: Kaykuna pistaj kankurí?, nispa. Jacobtaj nerqa: Kaykunaqa kanku kamachiykej wawasnin, mayqenkunatachus Dios qowarqa.

1 Reyes 5:6

Kunanqa kamachiy ari Libanomanta cedro sach'asta k'utupunawankuta. Noqaj kamachisneyqa qampa kamachisniykita yanapanqanku, noqataj pagasqayki kamachisniykimanta mashkhatachus niwasqaykita. Imaraykuchus qanqa yachanki, noqaykoqa sach'asta k'utuyta mana yachasqaykuta sidonios jinaqa.

1 Reyes 5:8

Hiramtaj Salomonman nicherqa: Uyariykiña imatachus nichimuwasqaykita, chay tukuy nisqaykiman jina ruwachisaj, k'aspista cedromanta pinomantawan.

1 Reyes 4:7

Chunka iskayniyoj kamachejkunasnin karqa Salomompata tukuynin Israel jallp'api, chaykunataj tukuy ima mikhunasta reypaj familiampajwan churachimoj kanku. Sapa ujtaj sapa watapi uj killata churamoj kanku.