1 Reyes 4:21 - Qheshwa Biblia DC

²¹ Salomontaj chay tukuynin waj nacionesta kamacherqa, Eufrates mayumantapacha Filisteospa jallp'ankukama, mojonesnimpis Egipto chaykamataj karqa; paymantaj apamoj kanku tukuy allin imasta, rey Salomón kausanankama atiynin urapi karqanku.

DIOSPA QHELQACHISQAN DEUTEROCANONICAL

²¹ 21 (5.1)Salomontaj tukuynin waj suyukunatapis kamachillarqataj Éufrates mayumantapacha filisteokunaj suyunkukama. Mojonninkunapis Egipto chaykama karqa. Payman impuestota pagarqanku, kuraj kamachej Salomón kawsanankama kamachinpi karqanku.

DIOSPA QHELQACHISQ

²¹ 21 (5.1)Salomontaj tukuynin waj suyukunatapis kamachillarqataj Éufrates mayumantapacha filisteokunaj suyunkukama. Mojonninkunapis Egipto chaykama karqa. Payman impuestota pagarqanku, kuraj kamachej Salomón kawsanankama kamachinpi karqanku.

1 Reyes 4:21 Referans Kwoze

Génesis 15:18

Chay kikimpacha Señorqa uj tratota Abramwan ruwarqa, nispa: Mirayniykiman qosaj kay jallp'ata. Chaytaj kanqa Egipto mayumanta, Eufrates jatun mayukama.

Josué 1:4

Chay jallp'astaj kanqa ch'innejmantapacha Líbano orqokama, Eufrates jatun mayumantapacha Mediterráneo mar qochakama. Chantá tukuynin heteospa jallp'asnintin qankunajta kanqa.

Salmos 68:29

Jerusalempi kaj santo wasiykimantapacha, tukuy reyes t'inkata apamusunku.

1 Reyes 4:24

Imaraykuchus Salomonqa chay tukuynin llajtasta kamacherqa, Eufratesmanta inti yaykuy ladopi, Tifsamanta Gaza chaynejkama, chay tukuy llajtaspa muyuynimpitaj allin tiyakuylla karqa.

Éxodo 23:31

Mojonesniykita ruwapusqayki Puka Mar qochamantapacha filisteospa marninkama, ch'in pampamanta Eufrates mayukama. Chay jallp'aspi tiyakojkunataqa makisniykiman jaywasqayki, qantaj paykunata wijch'unki.

Salmos 76:11

Qankunataj, allinta ruwasaj, niychej Señor Diosniykichejman, junt'aychejtaj ruwasaj nisqaykichejta. Qankuna, muyuynimpi kajkuna, manchachikuna Diosman jaywana kajta jaywaychej.

Esdras 4:20

Jerusalempi atiyniyoj reykuna kasqanku. Chaykunataj Eufrates mayoj inti yaykuynejpi kaj llajtasta kamachisqanku. Paykunamantaj pagaj kasqanku impuestosta, tasasta, ñan pichaypaj ima.

2 Crónicas 32:23

Chaypacha ashkhas aparqanku Jerusalenman Señorman jaywanasninkuta, Judáj reynin Ezequiaspajtaj valorniyoj t'inkasta aparqanku. Chaymantapachataj Ezequiasqa waj nacionespaj aswan jatunchasqa karqa.

2 Crónicas 17:5

Chayrayku Señorqa makimpi sinch'ita reinota sayacherqa. Judamanta kajkuna tukuyninku payman t'inkasta aparqanku, chayrayku may qhapaj rikhurerqa, may jatunchasqataj.

Deuteronomio 11:24

May jallp'amanchá chakisniykichej saruykonqa chay jallp'as qankunajta kanqa. Lindesniykichejqa kanqa ch'in pampamantapacha Libanokama. Eufrates mayumantaj mar qocha Mediterraneokama.

2 Reyes 17:3

Asiriospa reynin Salmanasartaj Oseaspa contrampi llojsimorqa; Oseastaj kamachinman tukorqa, tasatataj chay reyman pagaj.

1 Samuel 10:27

Wakin sajra runas parlarerqanku: Kaychu noqanchejta salvayta atiwasunman?, nispa. Qhesacharqankutaj mana ni ima t'inkata qospa. Chaywampis Saulqa paykunata mana rikojman tukorqa.

2 Samuel 8:2

Ajinallataj moabitasta atipallarqataj, paykunataqa kamacherqa pampapi sirinankuta, chantá uj q'aytuwan miderqa: Pischus q'aytuwan iskay midisqas ukhupi kajkunaqa wañuchisqas kananku karqa, chay q'aytuwan uj midisqa ukhupi kajkunataj kausanankupaj karqa. Ajinamanta moabitasqa Davidpa kamachiynimpi karqanku, paymantaj tasata pagananku karqa.

2 Samuel 8:6

Chaymantataj Davidqa soldadosninta churarqa Damasco jallp'a Siriapi, jinamanta siriospis paypa kamachisnin karqanku, tasatataj pagaj kanku. Ajinata ari, Señorqa, Davidtaqa atipachillarqapuni maymampis rejtenqa.

1 Reyes 3:13

Chaywampis mana mañasqaykitapis qollaykitaj, qhapajyayta atiytawan, qan jawataj mana uj reypis qan jinaqa kanqañachu tukuy kausayniykipi.

1 Reyes 4:22

Salomompa mikhunampaj sapa p'unchay churamoj kanku kinsa chunka cargasta ñut'u jak'uta, sojta chunka cargas jak'utawan.

1 Reyes 12:4

Tataykeqa ancha sinch'ita llank'achiwarqayku, kunanqa qan pisiyachiy ari chay sinch'i llank'ayta, chay chhika llasa yugota jina pataykuman churawasqaykumanta, noqaykutaj qanta sirvisqayku.

Lamentaciones 1:1

Jerusalén llajtaqa chay chhika runayoj kashaspa ch'impacha qhepakun! Tukuy llajtasmanta chay chhika jatun llajta kashaspa viudaman jina tukun! Chay llajtaj muyuynimpi kaj suyusta kamachej llajtaqa impuestota paganan tiyan!

Ezequiel 16:13

Ajina, qolqewan, qoriwantaj k'achanchasqa karqanki. P'achasniykeqa linomanta, sedamanta ima karqa, may sumaj coloreswan sirasqastaj. Mikhorqanki trigomanta jak'usqa yuraj jak'uta, misk'iyojta, olivomanta kaj aceiteyojtaj. Manchay k'achanchasqa karqanki, uj reina jinataj llojserqanki.

Eclesiastés 2:25

Mana pay jina ruwajtenqa pitaj mikhunman, pitaj kusikunmanri?