1 Reyes 4:13 - Qheshwa Biblia DC

¹³ Ben-Geberpa wawan Ramot Galaadpi, paypa kamachiynillampitaj karqa Galaadpi Manasespa wawan Jairpa llajtasnimpis, Basanmanta Argob cheqapis paypa kamachiynillampitaj karqa, chaypi karqanku sojta chunka jatuchej llajtas sumaj muyuykusqa perqasniyoj, punkusnimpis broncemanta chapasniyoj karqa.

DIOSPA QHELQACHISQAN DEUTEROCANONICAL

¹³ Ben Gueberqa Galaadmanta Ramotpi churasqa karqa. Paypa kamachiynillanpitaj karqa Galaadpi Manasespa churin Yairpa llajtankunapis, Basanmanta Argob cheqapis. Chaynejpeqa sojta chunka jatuchaj llajtakuna karqanku, sumaj perqawan muyuykuchisqa, punkunkunapis broncemanta aldabayoj karqanku.

DIOSPA QHELQACHISQ

¹³ Ben Gueberqa Galaadmanta Ramotpi churasqa karqa. Paypa kamachiynillanpitaj karqa Galaadpi Manasespa churin Yairpa llajtankunapis, Basanmanta Argob cheqapis. Chaynejpeqa sojta chunka jatuchaj llajtakuna karqanku, sumaj perqawan muyuykuchisqa, punkunkunapis broncemanta aldabayoj karqanku.

1 Reyes 4:13 Referans Kwoze

Deuteronomio 3:4

Jinamanta tukuy llajtasninkuman yaykorqanchej, chaypacha ni uj llajtata qhepacherqanchejchu. Tukuynimpi karqanku sojta chunka llajtas. Chaykuna karqa tukuynin Argob jallp'aspi, Basanmanta rey Ogpa kamachinan llajtas.

Números 32:41

Manasespa wawan Jairpis wakin ranchosta amorreosmanta qhechullarqataj, suticharqataj chay cheqasta, Havot-jairta.

1 Reyes 22:3

Israelmanta reytaj kamachisninta nerqa: Manachu yachankichej Galaadmanta Ramotqa noqanchejpata kasqanta, noqanchejtajrí mana imatapis ruwashanchejchu siriospa makinmanta qhechukapunanchejpaj?

Salmos 68:15

Basán orqoqa Diospa orqonmin. Puntasnenqa ancha altos.

Salmos 22:12

Contrariosniy ashkha phiña toros jina muyuykuwanku, Basán nisqamanta phiña toros jina.

2 Reyes 9:14

Nimsej allchhin Josafatpa wawan Jehoqa, Jorampa contrampi oqharikorqa. Joramtaj tukuynin israelitaswan Galaadpi Ramot llajtata waqaychasharqanku, Siriamanta rey Hazael paypa contrampi maqanakoj llojsimusqanrayku.

2 Reyes 9:1

Profetasmanta ujnin kajta, Eliseoqa wajyaspa nerqa: P'achasniykita wakichikuy, kay aceite yuru aparisqa Ramot Galaadman riy, nispa.

Josué 20:8

Jordán mayu chimpapi, Jericó llajtaj inti llojsimuynimpi ch'innejpi kaj Beser llajtata ajllarqanku, Rubén aylloj jallp'an ukhupi. Galaadpi Ramot llajtata ajllarqanku, Gadpa ayllumpa jallp'ampi. Basán jallp'api ajllarqanku Golanta, Manasés ayllu ukhupi.

Deuteronomio 4:43

Chay llajtasqa kaykuna karqanku: Beser llajta, ch'in pampapi Rubén ayllupaj; Ramot llajta Galaadpi Gad ayllupaj; Golán llajta Basampi Manasespa ayllumpaj.

Deuteronomio 3:8

Ajinata chay p'unchaykunapi iskaynin rey amorreospa jallp'asninkuta jap'ikaporqanchej. Paykunaqa Jordán mayoj inti llojsimuynimpi tiyakorqanku, Arnón mayumantapacha Hermón orqokama.

Deuteronomio 3:10

Tukuy chay pampa llajtasta, tukuynin Galaadta, Basantawan jap'ikaporqanchej Salcakama, chanta Edreikama ima. Chay llajtasqa Basanmanta rey Ogpa kamachinasnin karqanku.

1 Crónicas 2:23

Gesurwan, Aramwanqa, Jairpa, jinataj Kenatpa llajtasninkuta, chay qaylla ranchostawan jap'ikaporqanku; tukuynimpi sojta chunka llajtasta. Tukuy kaykunaqa Galaadpa tatan Maquirpa mirayninmanta karqanku.