1 Reyes 3:11 - Qheshwa Biblia DC

¹¹ Señortaj nerqa: Qanqa mana mañakuwankichu unayta kausayta, nitaj qhapaj kaytachu, nitaj enemigosniykej contrantachu, manachayrí allin yuyayllata mañakuwanki, kay llajtayta sumajta kamachinaykipaj.

DIOSPA QHELQACHISQAN DEUTEROCANONICAL

¹¹ Tata Diostaj nerqa: Qanqa mana mañakuwankichu unayta kawsayta, nitaj qhapaj kaytachu, nillataj awqaykikuna wañuchisqa kanankutachu. Manachayrí sumaj yachayniyoj kayta mañakuwanki, kay aylluyta sumajta kamachinaykipaj.

DIOSPA QHELQACHISQ

¹¹ Tata Diostaj nerqa: Qanqa mana mañakuwankichu unayta kawsayta, nitaj qhapaj kaytachu, nillataj awqaykikuna wañuchisqa kanankutachu. Manachayrí sumaj yachayniyoj kayta mañakuwanki, kay aylluyta sumajta kamachinaykipaj.

1 Reyes 3:11 Referans Kwoze

Romanos 8:26

Ajinallatataj Espiritupis yanapawanchej pisi kallpa kayninchejpi. Noqanchejqa imatachus maychus kasqanman jina mañakunanchejtaqa mana yachanchejchu. Kikin Espiritupis noqanchejpaj mana niy atina palabraswan ayqhospa mañapuwanchej.

1 Reyes 3:9

Kay kamachiykimanqa allin sonqota qoway llajtaykita allinta kamachinaypaj jina, sajra kajta allin kajtapis reparanaypaj, mana jina kajtenqa, pitaj kay chhikan llajtaykita kamachiyta atenqari?

Proverbios 16:31

Machuyaspa yuraj uma kayqa sumaj pillu; chayqa tarikun cheqan ñanta purisqapi.

Salmos 4:6

Ashkhas kay jinata ninku: Pitaj kusikuyta rikuchiwasunri? Rikuchiwayku Señor uyaykej k'anchayninta.

1 Reyes 3:10

Salomompa mañakusqanqa Señorman may allimpuni rijch'arqa.

1 Reyes 3:28

Israelmanta tukuynin runastaj astawan manchachikorqanku, rey chay jina k'achatapuni justiciata ruwasqanta uyarispa, imaraykuchus paykuna rikorqanku Diospa yachaynin paypi kasqanta justiciata ruwanampaj.

2 Crónicas 1:11

Diosqa Salomonwan kuticherqa: Kay jina sonqoykej munaynin kajtenqa; manataj qhapaj kaytachu mañawanki, nitaj ashkha imastachu, nitaj may uyarisqa kaytachu, nitaj enemigosniykej wañunantachu, nitaj ashkha watasta kausaytachu, manachayqa sumaj yachayta, allin yuyaytataj mañawanki aylluta kamachinaykipaj, mayqenmanchus reyta jina churarqayki, chaypi.

Jeremías 45:5

Qampajqa may jatun k'acha imastachu mañakunki? Ama mañaychu. Noqa tukuy runaspa patanman ñak'ariykunasta apachimusaj, kausayniyoj qhepakunaykita saqesqayki maymampis risqaykipi. Noqa Señor chayta nini.