1 Reyes 21:8 - Qheshwa Biblia DC

⁸ Chantataj Jezabelqa Acabpa sutimpi cartasta qelqarqa, Acabpa anillonwan sellaykuspataj, tukuynin kurajkunasman kamachejkunasninmanwan Nabotpa llajtanman apaykucherqa.

DIOSPA QHELQACHISQAN DEUTEROCANONICAL

⁸ Chantá Jezabelqa Ajabpa sutinpi cartakunata qhelqarqa, Ajabpa anillonwan sellaykuspataj, apacherqa, Nabotpa llajtanpi tiyajkunaj tukuynin kurajkunaman, kamachejkunamanwan ima.

DIOSPA QHELQACHISQ

⁸ Chantá Jezabelqa Ajabpa sutinpi cartakunata qhelqarqa, Ajabpa anillonwan sellaykuspataj, apacherqa, Nabotpa llajtanpi tiyajkunaj tukuynin kurajkunaman, kamachejkunamanwan ima.

1 Reyes 21:8 Referans Kwoze

Nehemías 6:5

Chaypacha Sanbalatqa, phishqa kaj kutitaña ujnin uywasqannejta chay willayta apachimullawarqataj uj kicharisqa cartapi.

Esdras 4:11

Chay qelqamusqanku cartaqa, kay jinata nerqa: Artajerjes reyniyku, Eufrates mayoj inti yaykuynimpi tiyakoj kamachisniyki napaykamusunku:

2 Crónicas 32:17

Senaqueribqa cartasta qelqarqa Israelpa Señor Diosnimpa contrampi, kay jinata rimaspa: Imaynatachus waj nacionespa dioskunasninku mana aterqankuchu llajtankuta atiyniymanta kacharichiyta, ajinallatataj Ezequiaspa Diosnimpis manallataj llajtanta kacharichiyta atenqachu atiyninmantaqa.

2 Reyes 10:11

Jehutaj Jezreelpi Acabpa ayllunmanta qhepakojkunata tukuyninta wañuracherqa, chanta kurajkunasninta, kausaqesninta, sacerdotesnintawan ima mana ujniyojta.

1 Reyes 21:1

Kay tukuy imasmanta qhepatataj, Jezreelmanta Nabotpata Samariaj reynin Acabpa wasin qayllapi uvas huertan tiyaporqa.

1 Reyes 20:7

Chanta Israelmanta reyqa, nacionmanta tukuynin kurajkunasta wajyacherqa, nerqataj: Tanteaychej qankuna, reparaychejtaj imaynatachus kayqa noqanchejpa sajrallanchejtapuni mask'an; payqa noqaj warmisniyta, wawasniyta, qolqeyta, qoriytawan mañachimuwan, noqatajrí mana, mana nispaqa ninichu.

Números 11:16

Señortaj payman kuticherqa: Qan tantapuway qanchis chunka kurajkuna israelitasta, mayqenkunachus israelitasta kamachishanku chaykunata. Paykunata pusamuway Dioswan tinkukuna toldo punkuman, chaypi qanwan khuska suyawaychej.

San Mateo 27:66

Paykunataj rispa sepulturata allinta jallch'aykamorqanku, rumita sellaykuspataj, soldadosta qhawajta saqerqanku.

Rut 4:2

Chaypachallataj Boozqa wajyarqa chay llajtamanta chunka kuraj runasta, paykunatawan khuskatataj tiyaykucherqa. Ña tiyaykojtinkukama, Booz nerqa chay ayllunta: Noemí, Moab jallp'amanta kutimporqa chay jallp'ata vendesaj nishan. Chay jallp'aqa wañoj ayllunchej Elimelecpata karqa.

1 Reyes 21:9

Chay qelqasqapitaj kay jinata nerqa: Ayunoman wajyaychej Nabotta tukuy runaspa ñaupaqenman churaspa, iskay sajra runasta mask'aychej paypa contrampi llullakuspa sut'inchanankupaj, nispa: Qanqa Diospa contrampi sajrata parlanki reypa contrampi ima. Chanta jawaman orqhospataj, rumiwan ch'anqaspataj wañuchiychej.

Rut 4:11

Tukuy chaypi kajkuna kurajkuna ima kuticherqanku: Arí, rikojkuna kayku, nispa. Señor munachun, wasiykiman yaykonqa chay warmeqa, Raquel chayri Lea jina kananta, pismantachus tukuy Israel ayllumanta kajkuna uraykamorqanchej! Qantaj uj sumaj rejsisqa runa jina kay Efrata llajtapi, jinataj allimpaj qhawasqa runa jina Belén llajtapipis.