1 Reyes 21:3 - Qheshwa Biblia DC

³ Nabottaj Acabman kutichispa, nerqa: Señor librawachun, tatasniypa qowasqan chayaqe huertata qanman qopusunaymantaqa.

DIOSPA QHELQACHISQAN DEUTEROCANONICAL

³ Nabottajrí Ajabman kuticherqa: Amapuni Tata Dios munachunchu tataypa qowasqan chayaqe huertata qanman qopusunaytaqa, nispa.

DIOSPA QHELQACHISQ

³ Nabottajrí Ajabman kuticherqa: Amapuni Tata Dios munachunchu tataypa qowasqan chayaqe huertata qanman qopusunaytaqa, nispa.

1 Reyes 21:3 Referans Kwoze

Números 36:7

Jinamanta ima jallp'achus israelitasman chayarqa, chayqa mana waj Israel aylluman chayanqachu. Tukuy israelitas chaytaqa sumajta waqaychananku tiyan ayllunku ukhupipuni chayaqenku qhepakunampaj.

Levítico 25:23

Chay jallp'astaqa ama wiñaypaj vendenkichejchu, imaraykuchus noqajtamin jallp'aqa. Qankunaqa karu llajtayoj, noqaj wajyarisqay jinalla kankichej.

Ezequiel 46:18

Kamachejqa ayllu runasmanta mana atiyniyojchu jallp'ankuta qhechuranampaj, nitaj pimantapis. Paypata kajllamanta wawasninman chayaqestas qonqa. Ajinamanta mana pipis ayllunmantaqa mana jallp'ayojqa kanqachu, nitaj ch'eqerakonqankuchu.

Romanos 6:15

Chantaqa, juchallikusunchu mana leypa kamachiynimpi kaspa, Diospa khuyakuynimpi kasqanchejrayku? Chayqa mana jinachu.

Gálatas 6:14

Noqaqa Señorninchej Jesucristoj cruznillampi kusikuni. Paynejta noqapajqa mundo chakatasqa karqa, noqataj mundopaj.

1 Corintios 6:15

Manachu yachankichej qankunaj cuerpoykichejqa Cristoj cuerponmanta kasqanta? Chaykunata Cristoj cuerponmanta qhechuspachu qhencha warmej cuerponman chajruyman? Manapuni.

Romanos 7:13

Chantá, chay allin kaj leychu churasqa karqa noqa wañunaypaj? Chayqa mana jinachu; manachayqa jucha kasqanta rikuchinawampaj noqata wañuchiwarqa allin kajnejta. Jinamanta juchaqa leynejta manchay sajra juchallikojpuni kasqanta rikuchikorqa.

Romanos 7:7

Chantá, ima nisuntajri? Leyqa juchachu? Chayqa mana juchachu. Noqaqa mana imaynamantapis juchata rejsiymanchu karqa mana ley kajtenqa; manallataj rejsiymanchu karqa imachus munapayay kasqantapis, manachus ley ninman karqa, ama munapayankichu, nispa chayqa.

Romanos 6:2

Chayqa mana jinachu. Juchapajqa wañorqanchejña. Imaynatataj juchallapipuni kausasunri?

Romanos 3:31

Chantá, feraykuchu leyta qhesachanchej? Mana imaynamantapis qhesachanchejchu, astawanqa leyta sinch'ita sayachinchej.

Romanos 3:6

Chayqa mana jinachu; ajina kanman chayqa, Dios imaynatataj mundota juzganman?

Romanos 3:4

Chayqa mana jinachu; astawampis Diosqa cheqamin, tukuy imata ruwan cheqa kajman jina, tukuy runataj llulla, escribisqa kasqanman jina: Palabrasniynejta cheqan runapaj qhawasqa kanaykipaj; juzgasojtinkutaj atipanaykipaj.

Job 27:5

Noqa kausanaykamaqa nillasajpuni mana ima juchayoj kasqayta; mana saqesqaykichejchu qankuna qhasimanta juchachanawaykichejta.

1 Crónicas 11:19

Chantá nerqataj: Dios jark'awachun kay yakuta ujyanamantaqa. Chayta ujyayman chayqa, chay runaspa yawarnintachari ujyaspa jinayman, paykunaqa wañuyta mana manchachikuspa yakuta apamporqanku. Davidqa mana ujyarqachu. Kaytaqa chay kinsa wapu soldados ruwarqanku.

1 Samuel 24:6

Chay runasninmantaj nerqa: Señor amapuni munachunchu reyniypa contrampi oqharikunayta. Payqa rey kashan Señor payta ajllasqanrayku.

1 Samuel 12:23

Noqataqa Señor waqaychawachun, paypa contrampi juchallikunaymanta qankunapaj mañayta saqerparispa. Manachayqa qankunata yachachisqaykichej sumajta cheqantataj kausanaykichejpaj.

Josué 24:16

Chanta israelitastaj kuticherqanku: Chay jinataqa amapuni jayk'ajpis Señorqa saqewachuykuchu ari waj dioskunata yupaychajtaqa!

Josué 22:29

Ama jayk'ajpis jinaqa kachunchu Señorpa contran kanaykoqa, chayri ama jayk'ajpis Señormantaqa t'aqakusqaykuchu, ajinata altarta ruwaspa chaypi q'apaj imasta ruphachinaykupaj, ofrendata apanaykupaj, chayri rikuchikuta chaypi ruphachinaykupaj. Chaypaj tiyanña Señor Diosniykoj altarnin Dioswan tinkukuna toldoj ñaupaqempi, nispa.

Génesis 44:17

Josetaj nerqa: Qankunaqa mana ima kashajtimpis kamachisniy kayta atinkichejchu? Mayqenniykichejpapichá copay rikhurin, chay kajlla kamachiy kanqa. Wakenqa kutipullaychej ama imamantapis llakikuspa tataykichejpa wasinman. Manataj pipis ima nisonqachejchu.

Génesis 44:7

Paykunataj kuticherqanku: Imaraykutaj qan chay imasta nishawaykuri? Noqaykoqa ni jayk'aj chay jinata ruwayta yachaykuchu.

Números 36:9

Ni ima chayaqepis riyta atinchu waj ayllusman. Sapa uj Israel ayllu tatasninkumanta chayaqeta jap'isqasninkuta mana waj ayllusman kacharinankuchu tiyan.