1 Reyes 21:2 - Qheshwa Biblia DC

² Acabtaj Nabotman nerqa: Uvas huertaykita q'omerkunata tarpukunaypaj qoway, wasiy cantopi kasqanrayku. Noqataj wajnejpi kay huertaykimanta aswan sumaj huertata qopusqayki; munajtiykeqa huertaj valorninta qolqeta pagapusqayki.

DIOSPA QHELQACHISQAN DEUTEROCANONICAL

² Uj kuti Ajabqa Nabotta nerqa: Wasiy qayllapi kasqanrayku, uva huertaykita qopuway chaypi tarpukunaypaj. Noqataj wajnejpi kay huertaykimanta aswan sumaj huertata qopusqayki. Munajtiykeqa, huertaj valorninta qolqeta pagapusqayki, nispa.

DIOSPA QHELQACHISQ

² Uj kuti Ajabqa Nabotta nerqa: Wasiy qayllapi kasqanrayku, uva huertaykita qopuway chaypi tarpukunaypaj. Noqataj wajnejpi kay huertaykimanta aswan sumaj huertata qopusqayki. Munajtiykeqa, huertaj valorninta qolqeta pagapusqayki, nispa.

1 Reyes 21:2 Referans Kwoze

1 Samuel 8:14

Chay reyqa aswan allin kaj jallp'asniykichejta jap'ikaponqa, uvas huertasniykichejta, chanta olivo sach'asniykichejtapis; chaykunatataj payta yanapajkunaman qoponqa.

1 Timoteo 6:9

Qhapajyayta munajkunaqa, sajra munaywan atipachikuspa, tojllapi jina urmanku, tukuy qhasi munapayaykunaman. Chaykunaqa runasta wañuyman apanku, chinkaymantaj.

San Lucas 12:15

Chantá nillarqataj: Qhawakuychej, tukuy imasta munapayaymanta. Runaj kausaynenqa mana qhapaj kayllapichu kashan.

Jeremías 22:17

Qanrí, mana kajmanta qolqeta jap'iyllata munanki, mana juchayojkunata wañuchinki, runasniykita ñak'arichinki, waqachinkitaj.

TAKIYKUNA 4:15

Chanta rijch'akullankitaj huertapi yaku juturiman, ashkha yaku phullchimojman, Libanomanta uraykamoj yakuman ima.

Eclesiastés 2:5

Kanchasta, huertasta ruwakorqani, chaykunamantaj imaymana poqoj sach'asta churarqani.

2 Reyes 9:27

Judamanta reytaj paypis kay jinata rikuspa ayqekorqa huerta ñanta. Jehutaj qhatiykorqa, nispa: Paytapis wañuchiychej. Carretampi wañucherqanku Gurman llojsina chaynejpi Iblean qayllapi. Ocoziastaj Meguidoman ayqekorqa, chaypitaj wañuporqa.

1 Samuel 29:6

Chaypacha Aquisqa Davidta wajyarqa, nerqataj: Cheqamanta Señorpa sutimpi jurayki, qanqa uj cheqan sonqoyoj runa kanki! Sinch'ita kusichiwarqa jarapi imaynatachus noqawan kausasqaykeqa. Noqawan tiyakusqaykimantapachaqa, mana ima sajratapis qampi tarerqanichu. Filisteosmanqa mana allimpajchu rijch'anki.

1 Samuel 8:6

Samuelmantaj uj reyta paykunata kamachinampaj mañasqankoqa mana allinchu rijch'arqa, chaytataj Señorman willarqa.

Deuteronomio 11:10

Jap'ikunkichej chay jallp'asqa, mana maymantachus llojsimorqankichej chay Egipto jallp'a jinachu. Chaypeqa mujusta tarpuytawan, qankunallataj qarpanaykichej karqa, huertaspi ruwanku ajinata.

Deuteronomio 5:21

Ama runa masiykej warminta munapayankichu. Nillataj munapayankichu wasinta, ni jallp'anta, ni qhari kamachinta, ni warmi kamachinta, ni wakasninta, ni burronta, nitaj imasninchus kajtapis.

Éxodo 20:17

Ama munapayankichu runa masiykej wasinta; ama munapayankichu runa masiykej warminta, ni qhari kamachinta, ni warmi kamachinta, ni wakanta, ni burronta, nitaj ni iman kajta.

Génesis 16:6

Abramtaj Saraiman nerqa: Qan chaytaqa imanaypis, atinki munasqaykita ruwayta kamachiyki Agarwan. Saraitaj jinata nejtin Agarta maqayta qallarerqa atisqanta, Agartaj ayqekorqa.

Génesis 3:6

Warmitaj sach'ata qhawarerqa mikhunapaj jina moq'eyta. Jinallataj chayta mikhuykuspa imatapis yachanapaj jina. Ujnin poqoyninta p'itispataj mikhuykorqa; qosanmampis jaywarqa, paypis mikhuykullarqataj.

1 Reyes 21:3

Nabottaj Acabman kutichispa, nerqa: Señor librawachun, tatasniypa qowasqan chayaqe huertata qanman qopusunaymantaqa.

1 Reyes 21:6

Acabtaj kuticherqa: Jezreelmanta Nabotwan parlarqani, nerqanitaj huertanta qopunawanta qolqepipis, chayri munajtenqa wajnejpi uj sumaj huertata qonayta; payta kutichiwarqa: Mana atiymanchu huertayta qopusuytaqa, nispa.