1 Reyes 2:4 - Qheshwa Biblia DC

⁴ Señor junt'anampaj chay tukuy ima niwasqanta: Sichus wawasniyki ñankunasniypi allinta purinkuman chayqa, ñaupaqeypitaj cheqa kajta ruwaspa, tukuy sonqonkuwan tukuy yuyayninkuwantaj chayqa, ni jayk'aj faltanqachu Israelpa tronompi qampa uj qhari wawayki.

DIOSPA QHELQACHISQAN DEUTEROCANONICAL

⁴ Ajinamanta Tata Diosqa tukuy ima niwasqanta junt'anqa. Pay niwarqa: Sichus churiykikuna allinta ruwaspa purenqanku, ñawpaqeypi cheqan kajta ruwaspa tukuy sonqonkuwan, tukuy yuyayninkuwantaj chayqa, mirayniykimanta kajqa kallanqapuni Israelpa kamachinan tiyanapi tiyakuspa, Israelta kamachinanpaj, nispa.

DIOSPA QHELQACHISQ

⁴ Ajinamanta Tata Diosqa tukuy ima niwasqanta junt'anqa. Pay niwarqa: Sichus churiykikuna allinta ruwaspa purenqanku, ñawpaqeypi cheqan kajta ruwaspa tukuy sonqonkuwan, tukuy yuyayninkuwantaj chayqa, mirayniykimanta kajqa kallanqapuni Israelpa kamachinan tiyanapi tiyakuspa, Israelta kamachinanpaj, nispa.

1 Reyes 2:4 Referans Kwoze

1 Reyes 8:25

Kunantaj ari, Israelpa Señor Diosnin, junt'allaytaj imatachus tatay Davidman nisqaykita, nispa: Noqaj ñaupaqeypi mana pisisonqachejchu uj qhari wawa Israelpa tronompi tiyaykukojqa, sichus wawasniyki kamachisqasniyta waqaychanqanku, ñankunasniypitaj purenqanku, imaynatachus qampis purerqanki noqaj ñaupaqeypi ajinata chayqa.

2 Samuel 7:25

Ajinaqa Señor Diosníy, qan ari wiñaypaj sayachiy imastachus kamachiykiman mirayninmampis nisqaykitaqa, junt'aytaj chay nisqaykiman jina.

San Mateo 22:37

Jesustaj kuticherqa: Señor Diosniykita munakunki tukuy sonqoykiwan, tukuy almaykiwan, tukuy yuyayniykiwantaj.

San Lucas 1:6

Qhari warmi karqanku llimphu kausayniyoj runas Diospa ñaupaqempi; Señorpa nisqanman jina kausakuspa, ni pejpa ima ninan.

Zacarías 14:2

Chay p'unchaypi Señor tantaykamonqa tukuy nacionesta Jerusalenwan maqanakunankupaj, wasisninkumanta orqhoraspa llajtantinta jap'ikaponqanku, warmisninkutapis mana munashajta qhenchachanqanku, chaypi tiyakojkunamanta khuskantapuni orqhospa waj llajtasman aparanqanku presosta jina. Chay puchojkunalla chaypi qhepakonqanku.

Salmos 37:22

Mayqenkunatachus Señor bendicin, chaykunaqa jallp'ata chayaqepaj jap'enqanku. Pikunachus maldicin chaykunaqa wijch'usqas kanqanku.

Salmos 37:9

Cheqamanta sajra runasqa jawaman wijch'usqas kanqanku. Señorpi suyajkunarí, kay jallp'ata chayaqepaj jap'enqanku.

2 Crónicas 17:3

Señorqa Josafatwan karqa, imaynatachus tatan David qallariynimpi ruwasqa ajinata ruwasqanrayku. Manataj yupaycharqachu Baalpa tukuy laya lantisnintaqa.

1 Crónicas 28:9

Qanrí, wawáy Salomón, tataykej Diosninta allinta kasuy usqhayta kasukuspataj, Señorqa tukuypa sonqonta rejsin, jinallataj ima yuyasqantapis Payqa rejsin. Ajinata payta mask'anki chayqa, tarinki. Paymanta t'aqakuywaj chayri, wiñaypaj qhesachasonqa.

2 Reyes 23:25

Manataj ujpis ñaupajta pay jina reyqa karqachu Señorman kutirikojqa tukuy sonqowan, tukuy almawan, tukuy kallpanwan ima, imaynachus Moisespa leynimpi kasqanman jina. Paymanta qhepaman manataj ujwampis pay jinaqa nacekorqañachu.

2 Reyes 23:3

Chanta reyqa pilar chaynejpi sayarikuspa Señorpa ñaupaqempi tratota ruwarqa, nerqataj Señorpa qhepanta rinanta, waqaychaspa kamachisqasninta, leykunasninta, nisqasnintawan, tukuy sonqowan tukuy yuyayninwantaj. Tukuy runastaj chay tratota junt'anankuta nerqanku.

1 Reyes 3:14

Sitajchus ñankunasniypi purinki, leyesniyta, kamachisqasniytapis waqaychaspa, imaynatachus tatayki David purerqa ajinata chayqa, ashkha watasta kausachisqayki.

1 Reyes 3:3

Salomonqa Señorta munakoj, tatan Davidpa kamachisqasninman jina purispa, chaywampis payqa lomas pata altarespi uywa ñak'asqasta jaywaj, inciensota ima q'osñichej.

Deuteronomio 11:13

Sichus qankuna kasunkichej kunan qoykichej chay kamachiykunasta, Señor Diosniykichejta munakuspa, paytataj yupaychaspa tukuy sonqoykichejwan, tukuy almaykichejwan ima chayqa, Señor nisunkichej kay jinata: Chay jallp'asmanqa noqa parachimusaj maychus tiempompi, ñaupaj parata qhepa paratapis, qankuna trigota, vinota, aceitetapis sumajta oqharinaykichejpaj.

Deuteronomio 10:12

Kunanqa israelitas, imatataj mañakusunkichej Señor Diosniykichejri? Payqa munan Payta manchachikunaykichejta, Paypa ñannintataj purinaykichejta. Munallantaj payta yupaychanaykichejta tukuy sonqoykichejwan, tukuy almaykichejwan ima.

Deuteronomio 7:12

Sichus qankuna Señorpa kamachisqasninta uyarispa waqaychankichej, junt'ankichejtaj chayqa, Señor Diosniykichej qankunaman junt'allanqataj trato ruwasqanta, khuyakuynintataj rikuchisonqachej, ñaupa tatasniykichejman qosaj nisqasninman jina.

Deuteronomio 6:5

Munakuy Señor Diosniykita tukuy sonqoykiwan, tukuy almaykiwan, tukuy kallpaykiwantaj.

Levítico 26:3

Sichus leyesniypi purinkichej, allintataj waqaychankichej kamachisqasniyta, chaykunatataj kasunkichej chayqa, jallp'aykichejman parachimusaj maychus tiempompi. Jallp'aykichejqa sumajta poqonqa, poqoy sach'asniykichejpis sumaj poqoyniyoj kanqa.

Génesis 18:19

Noqa payta ajllani, wawasninta, miraynintapis kamachinampaj noqaj ñankunasniypi purinankupaj cheqan kajta, allin kajtataj ruwaspa, noqa junt'anaypaj payman tukuy ima nisqasniyta.

Génesis 17:1

Abram isq'on chunka isq'onniyoj watasniyoj kashajtin, Señorqa rikhurerqa payman, nerqataj: Noqa tukuy atiyniyoj Dios kani; qan kausay ñaupaqeypi sumaj kausayta, mana pejpa k'aminan.

Judas 1:24

Kunanqa yupaychay kachun atiyniyojman, pichus pay k'atalla atin mana juchayojta qankunata waqaychayta; ajinallatataj atin qankunata janaj pacha k'anchayninman mana juchayojta, may kusiywan pusayta.

2 Crónicas 6:16

Kunanqa Israelpa Señor Diosnin, junt'allaytaj kamachiyki tatay Davidman imatachus nerqanki qonaykita chayta. Qanqa nerqanki: Mana pisenqachu miraynimpi uj qhari wawa, khuyakuyniykiwan Israelpa kamachejnin kanampaj. Wawasninkuchus kausayninkuta cheqanchankuman, leyesninkutapis junt'ankuman chayqa, imaynatachus pay junt'arqa ajinata.

Salmos 39:1

Noqa nerqani: Allinta kausasaj, qalluywan ama juchachakunaypaj, simiyta wisq'asaj ñukuwan jina, sajra runas ñaupaqeypi kanankukama.

Salmos 119:9

Imawantaj waynaqa llimphu kausayniyoj kanqari? Parlasqaykita kasuspa.

Jeremías 33:17

Noqa Señor chayta nini: Mana jayk'ajpis Davidpa mirayninmanta Israelpa tronompi tiyakojta, chaypi mana tukukonqachu.

1 Reyes 1:48

Chantá reyqa nerqa: Israelpa Señor Diosnin bendicisqa kachun, aylluymanta ujnin kajta tronoypi tiyasqata rikunayta munasqanrayku.

1 Reyes 11:36

Wawanmantaj uj aylluta qosaj, kamachiy Davidpa k'anchaynin noqaj ñaupaqeypi k'anchanallampajpuni Jerusalempi, sutiyta churanaypaj chay ajllakusqay llajtapi.