1 Reyes 19:11 - Qheshwa Biblia DC

¹¹ Señortaj nerqa: Llojsimuy jawaman, chay orqopitaj Señorpa ñaupaqempi sayakuy. Señortaj pasarqa, uj jatun wayrataj qaqasta urmachimuspa wayrarqa Señorpa ñaupaqempi, Señortaj mana chay wayrapichu kasharqa; chay wayraj qhepampitaj uj jallp'a ikhakuy karqa, Señortaj mana chay jallp'a ikhakuypichu kasharqa.

DIOSPA QHELQACHISQAN DEUTEROCANONICAL

¹¹ Tata Diostaj nerqa: Llojsimuy jawaman, kay orqo patapitaj ñawpaqeypi sayay, nispa. Chantá chaypacha Tata Diosqa chaynejta pasarqa. Uj sinch'i wayra orqokunata lajraspa, chhankata urmaracherqa. Tata Diostajrí mana chay wayrapichu kasharqa. Chay wayraj qhepantataj jallp'a ikhakuy karqa. Tata Diostajrí manallataj chay jallp'a ikhakuypichu kasharqa.

DIOSPA QHELQACHISQ

¹¹ Tata Diostaj nerqa: Llojsimuy jawaman, kay orqo patapitaj ñawpaqeypi sayay, nispa. Chantá chaypacha Tata Diosqa chaynejta pasarqa. Uj sinch'i wayra orqokunata lajraspa, chhankata urmaracherqa. Tata Diostajrí mana chay wayrapichu kasharqa. Chay wayraj qhepantataj jallp'a ikhakuy karqa. Tata Diostajrí manallataj chay jallp'a ikhakuypichu kasharqa.

1 Reyes 19:11 Referans Kwoze

Ezequiel 1:4

Chaypacha rikorqani wichaynejmanta uj jatun muyoj wayra jamushajta. Chantá uj jatun phuyumanta nina lauray jina llojserqa, muyuynimpitaj sinch'i k'anchay karqa. Chay nina chaupipi uj broncepis kanman jina lliphipisharqa.

Salmos 50:3

Diosninchejqa mana ch'inllamantachu jamushan. Ñaupaqenta sinch'i q'olaj nina jamushan. Muyuynintataj sinch'i para jamushan.

Isaías 30:30

Señorqa jatunmanta parlasqanta uyarichenqa, makimpa sajmasqanta rikuchenqa, manchay phiñasqa kayninta rikuchispa, manchayta q'olarparej ninawan, llojlla parawan, manchay muyoj wayrawan, jatuchaj rumi jina chejchiwan ima.

Job 38:1

Chaymanta Señorqa Jobman parlamorqa manchay yanayarishaj para wayrapi, nerqataj:

Hebreos 12:26

Chaypacha paypa qhapariynenqa jallp'ata kuyuricherqa. Kunanqa willamullantaj: Uj kutitawan kuyuchisaj, mana jallp'allatachu, manachayqa janaj pachatawan.

Ezequiel 37:7

Señorpa kamachiwasqanman jina tullusman willararqani. Willashaspataj uj sonayta uyarerqani: Chaytaj jallp'a ikhakuy karqa. Tullusrí tantaykukorqanku sapa uj tullusninkuwankama.

Salmos 68:8

jallp'aqa kharkaterqa, cielomantataj paramorqa. Sinaí orqo Diospa ñaupaqempi kharkaterqa, Israelpa Diosnimpa ñaupaqempi.

Éxodo 34:2

Chayrayku kunanqa usqhayta wakichikuy q'ayapaj, tutamanta wicharinki Sinaí orqo puntaman, chay orqo puntapi noqaman qayllamuwanki.

Éxodo 19:20

Señorqa Sinaí orqoman uraykamorqa, kikin orqo puntaman. Moisestataj wajyarqa chayman wicharinanta, paytaj wicharerqa.

Apocalipsis 20:11

Rikorqanitaj uj jatun yuraj tronota, chaypi tiyasqa kashajtawan. Paypa ñaupaqenmantataj kay pacha, janaj pachapis ayqerqanku, manañataj ni mayman riyta aterqankuchu, chinkarerqankutaj.

Apocalipsis 16:18

Chaypacha, lliuj lliujkuna, qhapariykuna, qhon qhonkuna karqanku. Jallp'aj manchay ikhakuynin karqa; chay jinataqa mana jayk'ajpis jallp'a kuyuykacharqachu, runas kay pachapi kasqankumantapacha.

Apocalipsis 11:19

Templotaj janaj pachapi kicharikorqa, Diospa ruwasqan trato cajontaj rikukorqa templopi. Chaypachataj oqharikorqanku lliuj lliujkuna, qhapariykuna, qhon qhonkuna, jallp'a ikhakuy, manchay granizo ima.

Éxodo 24:18

Moisestaj chay phuyu ukhuman yaykuspa orqoman wicharerqa. Chaypitaj payqa kamorqa tawa chunka p'unchayta, tawa chunka tutatawan.

Éxodo 24:12

Señortaj Moisesman nerqa: Jamuy, orqoman wicharimuy, maypichus noqa kashani chayman, chaypi suyaway, jaqaypi uj p'alta rumita qosqayki. Chay rumipi uj ley qelqasqa kanqa, kamachiykuna ima qankunaman yachachinaypaj.

San Mateo 28:2

Ujllata ikhakorqa jallp'a, imaraykuchus Señorpa uj angelnin janaj pachamanta uraykamuspa, qayllaykuspataj, rumita tijrarpayarqa, chay patapitaj tiyaykukorqa.

Zacarías 4:6

Chaypi nillawarqataj: Kayqa, Señormanta uj willay Zorobabelman: Atipayqa mana maqanakojkuna soldadoswanchu, nitaj kallpaywanchu, manachayqa Espirituwanmin, nin Tukuy Atiyniyoj Señor.

Nahúm 1:3

Señorqa llamp'u sonqo jinapis may atiyniyoj, chayrayku juchallejkunataqa jasut'enqapuni. Sinch'i loco para kajtimpis Señorqa purillan, phuyuspis chakisnimpeqa jallp'a jinalla.

Éxodo 34:6

Jinamanta Señor Moisespa ñaupaqenta pasarqa qhaparispa: Señor, Señor, wiñaypaj Dios, khuyakuyniyoj, k'acha sonqoyoj, llamp'u sonqo, mana imamantapis k'ajajta phiñakojlla. Chantaqa jatun khuyakuypi, jinallataj cheqa kaypipis.

Éxodo 20:18

Tukuy israelitas uyarerqanku rikorqankutaj lliuj lliujkunata, qhon qhonkunata, pututoj waqamusqanta, chay tukuy punta orqopis q'osñorisqanta ima. Chayta rikuspa israelitasqa mayta mancharikorqanku, karunchakorqankutaj, chay orqoman mana chimpaspa.

San Mateo 24:7

Uj nación waj naciompa contranta oqharikonqa; uj reinopis waj reinoj contranta; jinallataj kanqa yarqhaykuna, onqoykuna, jallp'a kuyuykuna ima; kaynejpi, chaynejpi.

Zacarías 14:5

Qankunarí ayqenkichej, chay orqos chaupipi kanqa chay vallenejta chayaspa chay uj ladopi kashan chay Azalkama. Ayqenkichej qankunapis ñaupa tatasniykichej, maypachachus rey Uzías Judapi kamachishajtin jallp'a ikhakuy kajtin, ayqerqanku ajinata. Chaypachamin jamonqa Señor Diosneyqa tukuy payta qhatejkunawan khuska.

1 Samuel 14:15

Tukuyninkutaj chay jarapi kashajkunamanta, jinataj jawapi kashajkunamantapis mayta mancharikorqanku, ajinallatataj jatun tropamanta kaj soldadospis, chay juch'uy tropaspis mancharikullarqankutaj. Chay jawaqa chay ratopuni kallarqataj jallp'a jikhakuy, chaytaj maytapuni runasta mancharikuywan t'ukucherqa.

Éxodo 19:16

Minchhantin sut'iyamuyta rikhurimorqa lliuj lliujkuna, qhon qhonkuna, uj yanayarishaj phuyutaj orqoman tiyaykamorqa. Uj pututoj waqayninta sinch'ita waqaspa tukuypa jarasninman uyaricherqa mancharikunata jina.

Salmos 68:9

Diosníy qan sumaj sinch'ita parachimorqanki, ch'aki jallp'aykita sumaj jallp'aman tukuchinaykipaj.