1 Reyes 16:7 - Qheshwa Biblia DC

⁷ Señorpa palabranqa Hananej wawan profeta Jehunejta jamorqa Baasaj contrampi, ayllumpa contrampiwan, chay jina sajrata Señorpa ñaupaqempi ruwasqanrayku, makisnimpa ruwasqasninwan phiñachispa Jeroboampa wasin jinallataj tukuchisqa kanampaj, mayqentachus pay tukucherqa ajinata.

DIOSPA QHELQACHISQAN DEUTEROCANONICAL

⁷ Tata Diosqa Jananíj churin Diosmanta sut'inchaj Jehunejta parlarqa, Basáj chantá ayllunpa contranpiwan, mana Tata Diospa munayninman jina ruwasqankurayku. Basaqa Tata Diosta phiñacherqa Jeroboanpa ayllun jina mana allinta ruwaspa. Chayrayku Diosqa Jeroboanpa ayllunta jina Basáj ayllunta tukucherqa.

DIOSPA QHELQACHISQ

⁷ Tata Diosqa Jananíj churin Diosmanta sut'inchaj Jehunejta parlarqa, Basáj chantá ayllunpa contranpiwan, mana Tata Diospa munayninman jina ruwasqankurayku. Basaqa Tata Diosta phiñacherqa Jeroboanpa ayllun jina mana allinta ruwaspa. Chayrayku Diosqa Jeroboanpa ayllunta jina Basáj ayllunta tukucherqa.

1 Reyes 16:7 Referans Kwoze

Oseas 1:4

Chaypacha Señor nerqa Oseasman: Jezreelta sutichay chay wawata, imaraykuchus ña jasut'isajña rey Jehojpa tukuy ayllunta Jezreelpi wañurachisqankumanta, jinamanta Israelpa reinonta chinkachisaj.

Isaías 2:8

Chantá lantiswan junt'allataj kashan, runasqa ima lantistachus ruwasqasninkuta yupaychanku, kikin makisninkoj ruwasqasninta.

Salmos 115:4

Paykunaj lantisninkoqa qolqemanta, qorimantataj kanku, chaykunaqa runaj ruwasqasnillan kanku.

1 Reyes 14:14

Israelpitaj Señorqa waj reyta churanqa, paytaj Jeroboampa mirayninta chinkachenqa, kunan p'unchaymanta ñaupajman. Imaynatachus soqosta purej yaku thalarin ajinata Señorqa Israeltaqa thalarparenqa, payllataj Israelta wijch'onqa, kay chhika sumaj jallp'ata tatasninkuman qorqa chaymanta, Eufratesmantapis aswan jaqaymanraj wijch'onqa, Señorta phiñachisqankurayku k'ullusmanta Astarté lantista ruwakuspa.

Hechos 2:23

Payqa entregasqa karqa Diospa munaynimpi wakichisqa kasqanman jina. Chaytaqa Dios ñaupajmantapacha yacharqa. Qankunataj paytaqa, juchasapa runaswan cruzpi chakatachispa, wañucherqankichej.

Éxodo 20:5

Ama qonqorikunkichu chaykunaman, ama yupaychankichu; imaraykuchus noqamin Señor Diosniykeqa kani, sinch'i, Dios celoso, noqata chejniwajkunaj juchasninkuta jasut'ej, tatasninkoj juchasninkuta wawasninkupi jasut'ini, chantá allchhisninkupi, nieto allchhisninkupi ima.

1 Reyes 16:8

Rey Asa Judapi iskay chunka sojtayoj watataña kamachishajtin, Baasaj wawan Elaqa Israelpi kamachiyta qallarerqa; iskay watata Tirsapi kamacherqa.

2 Reyes 17:13

Señortaj Israeltawan Judatawan k'amerqa, tukuynin profetasninnejta, Diospa kachasninnejtawan: Sajra purisqasniykichejmanta kutirimuychej, kamachisqasniyta leyesniytawan waqaychaychej, mayqenkunatachus tatasniykichejman kachamorqaykichej chay profetasniynejta.

2 Crónicas 16:7

Chay tiempopeqa profeta Hanni Judáj reynin Asata waturej rerqa, nerqataj: Siriaj reynimpa soldadosnin makisninkumanta llusp'inku Siriaj reynimpi atienikusqaykirayku, manataj Señor Diosniykipichu.