1 Reyes 15:5 - Qheshwa Biblia DC

⁵ Imaraykuchus Davidqa Señorpa ñaupaqempi cheqanta ruwarqa, manataj mayqen kamachisqanmantapis karunchakorqachu tukuy kausaynimpi; mana chayqa hitita Uriaspa contrampi juchachakorqa chaylla.

DIOSPA QHELQACHISQAN DEUTEROCANONICAL

⁵ Chayta ruwarqa imaraykuchus Davidqa Tata Diospa ñawpaqenpi cheqanta ruwasqa. Wañupunankama Tata Diospa nisqanmanta mana karunchakusqachu, manachayqa jitita Uriasta wañuchichispa, juchallikusqallan karqa.

DIOSPA QHELQACHISQ

⁵ Chayta ruwarqa imaraykuchus Davidqa Tata Diospa ñawpaqenpi cheqanta ruwasqa. Wañupunankama Tata Diospa nisqanmanta mana karunchakusqachu, manachayqa jitita Uriasta wañuchichispa, juchallikusqallan karqa.

1 Reyes 15:5 Referans Kwoze

1 Reyes 14:8

Davidpa ayllunmanta reinota qhechuspa qanman qorqayki. Qanqa mana kamachiy David jinachu kanki, payqa tukuy kamachisqayta waqaychaspa, tukuy sonqowan noqaj qhepaypi purerqa noqaj ñaupaqeypi cheqan kajta ruwaspa.

San Lucas 1:6

Qhari warmi karqanku llimphu kausayniyoj runas Diospa ñaupaqempi; Señorpa nisqanman jina kausakuspa, ni pejpa ima ninan.

1 Reyes 9:4

Sichus qan ñaupaqeypi purinki tatayki David jina, cheqan sonqowan mana k'aminataj, ruwaspataj tukuy imata nisusqayta, waqaychaspa kamachisqasniyta nisqasniytawan chayqa, noqa Israelpa tronoykita sumajta wiñaypaj sayachisaj, imaynatachus tatayki Davidman parlarqani: Mirayniykimanta Israelpa tronompi tiyakoj qhareqa kallanqapuni, nispa.

Hechos 13:36

Davidqa, kausanankama Diospa munayninman jina runa masisninta yanaparqa. Wañojtintaj, ñaupa tatasnimpa qayllampi p'amparqanku, ismorqataj.

Hechos 13:22

Rey Saulta orqhospataj, Davidta churarqa rey kanampaj. Paymantataj Dios nerqa: Isaejpa churin Davidta, sonqoypa munasqanman jina tarini, tukuy kamachisqaytataj pay ruwanqa.

Salmos 119:6

Mana p'enqakusajchu simiykita allinta junt'aytaqa.

Salmos 51:1

Munakuwasqaykirayku, Diosníy, khuyakuway. Khuyaj sonqo kasqaykiwantaj, tukuy juchasniyta pampachay.

2 Crónicas 34:2

Josiaspa ruwasqasnenqa Señorpa rikuynimpeqa cheqan karqanku, paypa ñaupa tatampa Davidpa ñankunasninta qhaterqa, mana chaymanta pañaman nitaj lloq'eman t'aqakuspa.

2 Reyes 22:2

Paytaj Señorpa ñaupaqempi cheqanta ruwarqa, ñaupa tatan Davidpa ñankunasnimpi purispa, nitaj lloq'eman, nitaj pañaman t'aqakuspa.

1 Reyes 15:3

Ñaupajta tatan juchasta ruwarqa chaykunallapitaj purerqa, manataj paypa sonqon cheqanchu Señor Diosninwan karqa, imaynachus tatan Davidpata karqa jinaqa.

Deuteronomio 17:20

Ajinamanta mana yuyakonqachu llajta masisninmanta aswan yachayniyoj kasqanta, nitaj pañaman, nitaj lloq'eman Diospa kamachisqanmantapis t'aqakonqachu. Ajinamanta chay rey, chanta wawasnimpis unayta Israel ukhupi kamachenqanku.

Salmos 119:102

Kamachisqasniykimanta mana karunchakunichu, imaraykuchus qanmin yachachiwanki.

1 Samuel 25:28

Kay kamachiyki warmej juchasninta perdonanaykita mañakuyki. Cheqamanta qantaqa Señor, jinataj mirayniykitapis jatun tiyanaykipi sayachichun, Señorpa sutimpi maqanakushasqaykirayku. Tukuy kausayniykipeqa ama ima sajrapis qhatirisuchunchu.

1 Reyes 3:3

Salomonqa Señorta munakoj, tatan Davidpa kamachisqasninman jina purispa, chaywampis payqa lomas pata altarespi uywa ñak'asqasta jaywaj, inciensota ima q'osñichej.