1 Reyes 13:6 - Qheshwa Biblia DC

⁶ Chanta kutichispa Diospa profetanman reyqa nerqa: Mañakuyki Señor Diosniykimanta mañapunawaykita thañinampaj noqaj makiy. Diospa runantaj Señormanta mañarqa, reypa makintaj thañiporqa imaynachus ñaupajta karqa jina.

DIOSPA QHELQACHISQAN DEUTEROCANONICAL

⁶ Chantá kuraj kamachej Jeroboanqa Diosmanta sut'inchajta nerqa: Mañakuyki Tata Diosniykimanta mañapunawaykita kay makiy qhaliyapunanpaj, nispa. Diosmanta sut'inchajtaj Tata Diosmanta mañarqa, kuraj kamachejpa makintaj qhaliyaporqa.

DIOSPA QHELQACHISQ

⁶ Chantá kuraj kamachej Jeroboanqa Diosmanta sut'inchajta nerqa: Mañakuyki Tata Diosniykimanta mañapunawaykita kay makiy qhaliyapunanpaj, nispa. Diosmanta sut'inchajtaj Tata Diosmanta mañarqa, kuraj kamachejpa makintaj qhaliyaporqa.

1 Reyes 13:6 Referans Kwoze

Hechos 8:24

Simontaj nerqa: Qankuna Diosmanta mañaripuwaychej ama imapis kay nisqaykichejmanta chayamunawampaj.

Éxodo 10:17

Chayrayku kunanqa mañakuykichej juchasniyta perdonanawaykichejta kunan kutillaña. Kunanqa qankuna mañaychej ari Señor Diosniykichejmanta, kay wañuchej jasut'iyllatapis qhechunampaj.

Éxodo 9:28

Señormanta mañay ari, kay qhon qhonkuna, granizo ima thañinampaj; noqataj manaña astawan jark'asqaykichejchu llojsipunaykichejta.

Éxodo 8:8

Jina kajtintaj faraonqa Moisesta Aarontawan wajyachispa nerqa: Señormanta mañaychej ari, k'aylankulasta chinkachinampaj, noqamanta, runasniymantawan karunchachispa, noqataj saqesaj israelitas llojsinankuta Señorman rikuchikusta jaywamunankupaj.

Números 21:7

Chaymanta israelitasqa maypichus Moisés kasharqa chayman rispa nimorqanku: Noqayku juchallikuyku ajinata parlaspa Señorpa contranta, qampa contraykitawan. Señormanta mañapuwayku ari, kay katarista noqaykumanta ithirichinanta!, nispa. Chaymanta Moisesqa Señormanta mañakorqa israelitasta perdonananta.

Éxodo 8:28

Faraontaj nerqa: Noqa saqesqaykichej ch'in pampaman rispa Señor Diosniykichejman rikuchikuta jaywamojta, ama ancha karuman rinaykichej kajtenqa; chaypi noqapajpis mañapuwaychej.

Apocalipsis 3:9

Qhaway, wakinta Satanaspa tantakuna wasinmanta kajkunata qosqayki. Pikunachus judíos kayku ninku, manataj judioschu, llullas kanku. Paykunata kamachisaj jamunankuta chakisniykiman qonqorikoj, yachanankupajtaj munakususqayta.

Romanos 12:21

Ama sajra kajwan atipachikuychu, astawanqa sajra kajta allin kajwan atipay.

Romanos 12:14

Bendiciychej qhatiykachasojkunata. Diosmanta paykunapaj mañapuychej, amataj maldiciychejchu.

Hechos 7:60

Qonqoriykukuspataj sinch'ita qhaparispa nerqa: Señor, ama paykunata juchachaychu kay ruwasqankumanta. Chayta niytawantaj puñukaporqa.

San Lucas 23:34

Jesusqa nerqa: Tatáy, juchasninkuta pampachay; imaraykuchus mana yachankuchu imatachus ruwasqankuta, nispa.] Soldadostaj suertesta choqarqanku Jesuspa p'achasninta rak'inakunankupaj.

San Mateo 5:44

Noqataj niykichej: Enemigosniykichejta munakuychej; [maldicisojkunaman allinta kutichiychej; chejnisojkunapaj allin kajta ruwapuychej; rimasojkunapaj,] qhatiykachasojkunapaj ima Diosmanta mañapuychej.

Jeremías 37:3

Rey Sedequiastaj, Selemiaspa wawan Jucalta kacharqa, jinataj Maasiaspa wawan sacerdote Sofoniasta, Jeremiasta tapumunankupaj: Noqaykurayku Señor Diosninchejmanta mañapuwayku, nispa.

1 Samuel 12:23

Noqataqa Señor waqaychawachun, paypa contrampi juchallikunaymanta qankunapaj mañayta saqerparispa. Manachayqa qankunata yachachisqaykichej sumajta cheqantataj kausanaykichejpaj.

1 Samuel 12:19

Chayrayku Samuelta tukuy nerqanku: Señor Diosniykimanta mañaripuwayku ari, kay qampa kamachisniyki ama wañunaykupaj, tukuy juchasniykuman kaytawan yapaykukuyku uj reyta mañakuspa.

Números 12:13

Chaymanta Moisesqa qhaparispa Señormanta mañarqa: Mañakuyki ari, Señor, thañichiy ari payta, nispa.

Éxodo 12:32

Ovejasniykichejta, wakasniykichejtapis apakapuychej, nisqaykichejman jina. Riychej kaymanta, chantaqa noqapajpis Diosmanta mañapuwaychej.

1 Reyes 13:5

Altarqa p'akikorqa, ushphapis qhallikorqa altarmanta, Diospa kamachisqan runaj nisqanman jina chay señalqa junt'akorqa.

Salmos 119:58

Tukuy sonqoywan wajyakuyki, nisqasniykiman jina khuyakuway.

Zacarías 7:2

Jaqay tiempopi Betel llajta kachasqa Sarezerta Regem-melecta runasnintawan ima Señorpa yanapayninta mañakoj, chantá, Tukuy Atiyniyoj Señor yupaychana wasimpi kaj profetasta jinataj sacerdotesta tapoj renqanku, nispa: Llakiy p'achawan p'achallikullasqaykuchu, ayunotapis ruwallasqaykupunichu, sapa wata phishqa kaj killapi, imaynatachus kunankama ruwasharqayku jinallatapunichu?, nispa.

Éxodo 8:4

K'aylankulasqa patasniykiman wicharenqanku, tukuy Egipto runaspa patanman, jinallataj kamachisniykimampis.