1 Reyes 11:7 - Qheshwa Biblia DC

⁷ Chanta Salomonqa Moabpa millay lantin Quemospaj uj altarta wakicherqa, Jerusalempa chimpan orqopi; Amonitaspa chay millay lantin Molocpajpis uj altarta wakichillarqataj.

DIOSPA QHELQACHISQAN DEUTEROCANONICAL

⁷ Chantá Salomonqa Moabpa millay lantin Quemospaj uj altarta Jerusalenpa chimpan orqopi ruwacherqa. Amonitakunaj chay millay lantinku Molocpajpis altarta ruwachillarqataj.

DIOSPA QHELQACHISQ

⁷ Chantá Salomonqa Moabpa millay lantin Quemospaj uj altarta Jerusalenpa chimpan orqopi ruwacherqa. Amonitakunaj chay millay lantinku Molocpajpis altarta ruwachillarqataj.

1 Reyes 11:7 Referans Kwoze

Números 21:29

Llakiy qanmanta Moab, Quimón diospa llajtan! Payqa chay llajtaj runasnin ayqejta saqellan, jinallataj warmisniykichej Sehón reypa makinman urmajtapis.

Jueces 11:24

Sichus diosniyki Quemos imatapis qosunkiman, chaytataj qampata kasqanta ninki. Manachu jina? Ajinallatataj noqaykupis imastachus Señorqa ñaupaqeykupi qhechuspa qowasqaykutaqa noqaykojta kasqanta qhawayku.

Hechos 7:43

Qankunaqa Molocpa toldontaraj astawan apaykacharqankichej, Refán nisqa diosniykichejpa qoyllurnintawan. Chay lantista qankunallataj ruwakorqankichej, paykunaman k'umuykunaykichejpaj. Chayrayku llajtaykichejmanta pusachisqaykichej, Babilonia llajtamantapis aswan karumanraj.

Hechos 1:12

Chay qhepatataj apostolkuna Jerusalenman kutiporqanku, Olivos nisqa orqomanta. Chay orqoqa mana karupichu karqa Jerusalenmanta. Uj samakuna p'unchay puriypi jinalla karqa.

Hechos 1:9

Chaykunata nisqantawantaj, apostolesnin qhawashajtinku, Jesús riporqa janaj pachaman. Uj phuyutaj jamuspa ñawisninkumanta payta pakaykorqa.

San Mateo 26:30

Salmosta takiytawantaj, Olivos orqoman llojserqanku.

Zacarías 14:4

Chay p'unchaypitaj Señorqa, Jerusalén chimpapi kashan chay Olivos orqoman chakisninta churakurenqa, chay inti llojsimuynejman jina. Uj jatun valleta aysarikonqa inti llojsimuy ladomanta inti yaykuy ladoman jina, chaytaj Olivos orqotaqa iskayman t'aqanqa. Khuskan orqoqa patanejman apasqa kanqa, khuskannintaj uranejman.

Daniel (hebreo) 12:11

Waranqa iskay pachaj isq'on chunkayoj p'unchaykuna pasanqanku, Diosman sapa p'unchay jaywana kajta saqerasqamantapacha, Diosta yupaychana wasipi, imachus mana yupaychana kajllata churasqa karqa chaymantapacha.

Daniel (hebreo) 11:31

Paypa soldadosnin Diosta yupaychana wasita ch'ichichanqanku, jinallataj sinch'i ruwasqa pakakuna wasistapis ch'ichichanqanku. Diosman sapa p'unchay jaywana kajtapis chinkachenqanku. Aswampis uj millay lantita churanqanku.

Ezequiel 18:12

Wajchasta mana tiyapuyniyojkunata ima ñak'arichinman, suwakunman, prenda qosqata mana kutichipunmanchu, lantistapis yupaychanan, millay imastataj ruwanman, manuspaqa qolqempa miraynintawan mañakapunman chayqa, chay runaqa mana kausanqachu, chay tukuy juchasta ruwasqanmanta. Payqa cheqamanta wañonqa, yawarnintaj paypa patampi kanqa.

Jeremías 48:13

Chaypacha Moabqa Quemós diosnnejta ch'aukiyasqa rikhurenqa, imaynatachus Israelpis Betelwan ch'aukiyachikorqa ajinata, mayqempichus tukuy sonqowan atienekorqa.

Isaías 44:19

Chay runasqa manapuni reparakunkuchu, mana paykuna kikinkumanta unanchakunkuchu, nitaj ninkuchu: Kay llant'amanta wakintaqa ninaman enqhaykuni, chay nina k'ajajpitaj t'antata chayachini, chayllapitaj aychatapis kankani mikhunaypaj. Chay puchojmantaqa uj millachikunata ruwani. Uj k'ulloj ñaupaqempitaj qonqorikuni, nispa.

Salmos 78:58

Manakaj altaresninkuwan phiñacherqanku, mana kaj dioskunata yupaychaspa tumpachikorqanku.

2 Reyes 23:10

Jinallatataj Ben-Himon vallepi altaresta chay ruphachina cheqata ch'ichichaykullarqataj, amaña pipis qhari wawasninta, chayri warmi wawasninta chaypi Molocman ruphachispa jaywanampaj.

2 Samuel 15:30

Davidqa Olivos orqo wichayta q'ara chakilla, waqaspa, uman qhatasqataj wicharerqa. Tukuy paywan kajkunapis uman qhatasqas waqaspallataj wicharerqanku.

Deuteronomio 27:15

Maldicisqa kachun imallamantapis lantita ruwajqa, pakayllamanta yupaychanampaj. Chay runaj makinwan ruwasqanqa Señorpa ñaupaqempi millay, nispa. Chayta uyarispa israelitas nenqanku: Ajina kachun, nispa.

Deuteronomio 13:14

Chaytaqa qankuna allinta yachankichej sumajta tapukuspa. Sichus cheqatapuni chay sajra kajta qankuna ukhupi ruwanku chayqa, chay llajtapi tiyakoj runasta, tukuy uywasninkutawan khuska espadawan wañurachinkichej. Chanta imasninkuchus kajkunatapis tukuyninta chinkachinkichej.

Levítico 26:30

Noqataj t'unarasaj lomas patapi lantista yupaychana wasisniykichejta, incienso altaresniykichejtapis. Qankunaj ayasniykichejta chay mana kausayniyoj lantisniykichej pataman churamusaj. Ajinamanta chejniyniyta rikuchisqaykichej.

Génesis 33:2

Ñaupaj puntamanqa churarqa kamachisnintaraj wawasnintawankama, chaymanta Leata wawasnintawan, qhepa puntamantaj Raquelta wawan Josetawan.

1 Reyes 11:5

Imaraykuchus Salomonqa yupaycharqa Astarteta, sidoniospa china diosninkuta; Amonitaspa chay millay lantinku Milcomtawan.

1 Reyes 11:6

Ajinamanta Salomonqa sajratapuni ruwarqa Señorpa ñaupaqempi, manataj cheqantachu purerqa Señorta qhatispa tatan David jinaqa.

1 Reyes 11:8

Ajinallatataj ruwarqa chay tukuy karu llajtayoj warmisnimpajpis, paykunataj chay altarespi inciensota q'osñichispa, uywa ñak'asqastawan dioskunasninkuman jaywaj kanku.

1 Reyes 15:12

Imaraykuchus payqa nacionninmanta qharkorqa tukuy warmi jina qhenchachakojkuna qharista, wijch'ullarqataj chay tukuy lantista ñaupa tatasnimpa ruwasqasninta.

2 Crónicas 21:11

Chay jawaqa Judá orqopi lantispaj wasista jataricherqa, pay juchayoj karqa Jerusalempi tiyakojkuna Señormanta t'aqakapunankupaj, jinataj Judapi tiyakojkunapis Señorpa contrampi juchallikunankupaj.

Jeremías 32:31

Kay llajtaqa ruwakusqanmantapacha kunan p'unchaykama k'arajta phiñachillawampuni. Chayraykumin paykunata ñaupaqeymanta chinkarichisaj, tukuy sajra ruwasqasninkuwan phiñachiwasqankumanta, Israel aylluta, Judá ayllutapis, jinallataj reykunasninkuta, sacerdotesninkuta, profetasninkuta, Judapi, Jerusalempiwan chay tukuy tiyakojkunatapis.

Jeremías 32:35

Jinallataj Baalman Ben-hinom vallepi altarkunasta ruwarqanku, chaypi qhari wawasninkuta Molocman ruphachinankupaj, jinamanta Judata juchallichispa. Millay imasta ruwanankutaqa mana kamacherqanichu, ni yuyallarqanipischu chaytaqa.

Jeremías 48:46

Ay, qanmanta Moab llajta. Quemós llajta kichasqaña kanki. Qhari wawasniykita, warmi wawasniykitapis jallp'ankumanta apakaponqanku.

Miqueas 1:5

Kay tukoyqa jamonqa Jacobpa ayllun mana kasukoj kasqanrayku, jinataj Israelpa juchasninrayku. Maypitaj kashan Jacobpa mana kasukoj kayninri? Chayqa kashan Samaria llajtapi! Maypitaj kashanku Jacobpa, juchallikuna lanti churana wasisninkuri? Chayqa kashan Jerusalempi!