1 Reyes 11:4 - Qheshwa Biblia DC

⁴ Salomón machu runaña kashajtintaj, warmisnenqa waj dioskunaman sonqonta kutiricherqanku, ajinamanta sonqonqa mana cheqanchu karqa Señor Diosnimpajqa, imaynachus tatan Davidpa sonqon cheqan karqa ajinataqa.

DIOSPA QHELQACHISQAN DEUTEROCANONICAL

⁴ Salomón machu runaña kashajtin, warminkunaqa waj dioskunaman sonqonta kutiricherqanku. Ajinamanta payqa mana tatan David jinachu tukuy sonqowan Tata Diosta qhatikorqa.

DIOSPA QHELQACHISQ

⁴ Salomón machu runaña kashajtin, warminkunaqa waj dioskunaman sonqonta kutiricherqanku. Ajinamanta payqa mana tatan David jinachu tukuy sonqowan Tata Diosta qhatikorqa.

1 Reyes 11:4 Referans Kwoze

1 Reyes 9:4

Sichus qan ñaupaqeypi purinki tatayki David jina, cheqan sonqowan mana k'aminataj, ruwaspataj tukuy imata nisusqayta, waqaychaspa kamachisqasniyta nisqasniytawan chayqa, noqa Israelpa tronoykita sumajta wiñaypaj sayachisaj, imaynatachus tatayki Davidman parlarqani: Mirayniykimanta Israelpa tronompi tiyakoj qhareqa kallanqapuni, nispa.

1 Reyes 8:61

Señor Diosninchejwan sonqoykichej cheqampuni kachun, purispa nisqasnimpi, tukuy kamachisqasninta waqaychaspataj kunan p'unchay jina.

1 Crónicas 28:9

Qanrí, wawáy Salomón, tataykej Diosninta allinta kasuy usqhayta kasukuspataj, Señorqa tukuypa sonqonta rejsin, jinallataj ima yuyasqantapis Payqa rejsin. Ajinata payta mask'anki chayqa, tarinki. Paymanta t'aqakuywaj chayri, wiñaypaj qhesachasonqa.

1 Reyes 11:6

Ajinamanta Salomonqa sajratapuni ruwarqa Señorpa ñaupaqempi, manataj cheqantachu purerqa Señorta qhatispa tatan David jinaqa.

2 Crónicas 34:2

Josiaspa ruwasqasnenqa Señorpa rikuynimpeqa cheqan karqanku, paypa ñaupa tatampa Davidpa ñankunasninta qhaterqa, mana chaymanta pañaman nitaj lloq'eman t'aqakuspa.

2 Crónicas 17:3

Señorqa Josafatwan karqa, imaynatachus tatan David qallariynimpi ruwasqa ajinata ruwasqanrayku. Manataj yupaycharqachu Baalpa tukuy laya lantisnintaqa.

Deuteronomio 17:17

Amallataj ashkha warmisniyoj kachunchu, ama sonqompi Señormanta t'aqakunampaj, nitaj ancha ashkha qolqeyoj, qoriyoj kachunchu.

2 Crónicas 25:2

Amasiaspa ruwasqasnenqa cheqan karqanku Señorpa rikuynimpeqa, chaywampis mana tukuy sonqowanchu ruwarqa.

1 Crónicas 29:19

Waway Salomonmampis qollaytaj cheqa sonqoyoj kayta, kamachisqasniykita, nisqasniykita, leykunasniykitapis junt'ayta atinampaj. Tukuy chaykunata ruwaspa Diosta yupaychana wasita sayarichinampaj, chaypajqa noqa wakichiniña.

1 Reyes 15:14

Chaywampis loma pataspi altaresqa mana qhechukorqachu. Chay tukuywampis Asaj sonqonqa tukuy kausaynimpi Señorpaj cheqan karqa.

1 Reyes 15:3

Ñaupajta tatan juchasta ruwarqa chaykunallapitaj purerqa, manataj paypa sonqon cheqanchu Señor Diosninwan karqa, imaynachus tatan Davidpata karqa jinaqa.

1 Reyes 14:21

Salomompa wawan Roboamtaj Judapi kamacherqa. Kamachiyta qhallarishajtintaj Roboamqa tawa chunka ujniyoj watayoj karqa, Jerusalempitaj chunka qanchisniyoj watata kamacherqa, Señor tukuynin ayllusmanta ajllakusqan llajtapi, chaypi sutinta churanampaj. Roboampa mamampa sutenqa Naama; amonita karqa.

1 Reyes 11:42

Salomontaj kamacherqa Jerusalempi tukuynin Israelta tawa chunka watata.

1 Reyes 11:38

Sichus uyariwanki kay tukuy kamachisusqayta, ñankunasniypitaj puriwaj, noqaj ñaupaqeypi, cheqanta ruwaspa, waqaychaspa kamachisqasniyta, nisqasniytawan, kamachiy David ruwarqa jinata chayqa, qanwan noqa kasaj, wasiykitapis sumajta sayachisaj, imaynatachus Davidpajpis ruwarqani jinata, Israeltataj qanman qosqayki.

1 Reyes 9:10

Iskay chunka watas kasqanmantaña, maypachachus Salomón iskaynin wasista ruwayta tukuchisqanmanta, Señorpa wasinta paypa wasintawan ima, chaykunapaj Tiromanta rey Hiramqa apachimusqa k'aspista cedromanta pinomantawan, mashkhatachus munasqanta qoritapis. Chaymanta rey Salomonqa Hiramman iskay chunka llajtasta Galilea chaynejpi qorqa.

1 Reyes 6:1

Israelitas, Egipto jallp'amanta llojsimpusqankumanta tawa pachaj pusaj chunkayoj watasña kashajtin, Salomontaj Israel jallp'api tawa watataña kamachishajtintaj, Zif nisqa iskay kaj killapi, chaypacha Salomonqa qallarerqa Señorpa wasinta ruwaytaqa.

Deuteronomio 7:4

Paykunaqa wawasniykichejta Señorta qhatikunankumanta t'aqachinkuman waj dioskunata yupaychachispa. Chayta ruwankichej chayqa, Señorpa sinch'i phiñakuynenqa jamusonqanchej, ujllapi chinkachinasuykichejpaj.

1 Reyes 3:3

Salomonqa Señorta munakoj, tatan Davidpa kamachisqasninman jina purispa, chaywampis payqa lomas pata altarespi uywa ñak'asqasta jaywaj, inciensota ima q'osñichej.

1 Reyes 11:9

Señorqa Salomompa contrampi phiñakorqa, paypa sonqon israelitaspa Señor Diosninmanta karunchakusqanrayku, Señorqa payman iskay kutita rikhurerqapis.

Éxodo 20:3

Noqamanta astawan waj dioskunataqa ama yupaychankichu.

1 Reyes 11:33

Imaraykuchus Salomonqa noqata saqerpariwaspa yupaycharqa sidoniospa china diosnin Astarteta, Moabpa diosnin Quemosta, amonitaspa diosnin Moloctawan, manataj noqaj ñankunasniypichu purinku, noqaj ñaupaqeypi cheqanta ruwaspa, kamachisqasniyta, nisqasniytawan, imaynatachus tatan David waqaycharqa jinataqa.