1 Reyes 11:1 - Qheshwa Biblia DC

^1-2 Rey Salomonqa Faraompa wawan karqa chay warminmanta waj llajtayojkuna ashkha warmistawanraj munakorqa: amonitasta, moabitasta, edomitasta, sidoniasta, hititastawan ima; chay runasmanta Señorqa israelitaspa wawasninman nerqa: Ama paykunawanqa chajrukunkichejchu, nitaj paykunapis qankunawan chajrukamusonqachejchu; imaraykuchus paykunaqa dioskunasninkuman sonqosniykichejta aysasonqachej. Chaywampis Salomonqa chay warmiswan chajrukorqa paykunata munakuspa.

DIOSPA QHELQACHISQAN DEUTEROCANONICAL

¹ Kuraj kamachej Salomonqa faraonpa ususin warmin kashajtinpis, waj llajtayoj ashkha warmikunawan casarakorqa: Amonitakunamanta, moabitakunamanta, edomitakunamanta, sidoniokunamanta, jititakunamanta kajkunawan ima.

DIOSPA QHELQACHISQ

¹ Kuraj kamachej Salomonqa faraonpa ususin warmin kashajtinpis, waj llajtayoj ashkha warmikunawan casarakorqa: Amonitakunamanta, moabitakunamanta, edomitakunamanta, sidoniokunamanta, jititakunamanta kajkunawan ima.

1 Reyes 11:1 Referans Kwoze

Deuteronomio 17:17

Amallataj ashkha warmisniyoj kachunchu, ama sonqompi Señormanta t'aqakunampaj, nitaj ancha ashkha qolqeyoj, qoriyoj kachunchu.

Proverbios 6:24

Chaykuna sajra warmimanta jark'asonqa, qhencha warmej misk'i parlayninmantawan.

Proverbios 7:5

Chaykuna jark'asonqanku qhencha warmimanta, chay sajra warmi misk'achej palabrasninwan sonqota suwajmanta.

Proverbios 2:16

Qhencha warmimanta kacharichisqa kanki, sajra warmej misk'i parlasqasninmanta.

1 Reyes 11:8

Ajinallatataj ruwarqa chay tukuy karu llajtayoj warmisnimpajpis, paykunataj chay altarespi inciensota q'osñichispa, uywa ñak'asqastawan dioskunasninkuman jaywaj kanku.

Proverbios 22:14

Sajra warmej palabrasnenqa ukhu yaku qocha jina. Chayman urmanqa pipajchus Señor phiñasqa kashan chay.

1 Reyes 3:1

Salomonqa Egiptomanta rey Faraomwan aylluchakorqa, imaraykuchus Faraonpa warmi wawanwan casarakorqa, pusamorqataj Davidpa llajtanman, wasinta ruwayta tukuchinankama, Señorpa wasinta, Jerusalempa tukuynin perqasnintawan muyuykuchinankamantaj.

Proverbios 23:33

Ñawiykeqa waj jinasta qhawanqa, kayta jaqaytataj thautinki.

Levítico 18:18

Ama uj warmiwanqa ñañantinwan casarankichu, nitaj paywan puñuykapunkichu warmiyki kausashajtenqa, ama paywan chejninakunankupaj.

1 Reyes 16:31

Imaraykuchus Nabatpa wawan Jeroboampa ñankunasnimpi usqhayllata purerqa, casarakorqataj sidoniospa reyninku Et-baalpa wawan Jezabelwan, chaymantaqa Baalta yupaychamorqa sirverqataj.

Esdras 10:44

Kay tukuyninku waj llajtayoj warmiswan casarasqanku. Chay warmisninkutataj wawasninkutawan kacharpayarqanku.

Proverbios 31:3

Ama kallpaykitaqa warmisman qoychu, chay warmisnejtamin reyesqa urmanku.

1 Reyes 14:21

Salomompa wawan Roboamtaj Judapi kamacherqa. Kamachiyta qhallarishajtintaj Roboamqa tawa chunka ujniyoj watayoj karqa, Jerusalempitaj chunka qanchisniyoj watata kamacherqa, Señor tukuynin ayllusmanta ajllakusqan llajtapi, chaypi sutinta churanampaj. Roboampa mamampa sutenqa Naama; amonita karqa.

1 Reyes 14:31

Roboam wañupojtintaj p'amparqanku tatan Davidpa llajtampi. Mamanqa Amonmanta Naama karqa. Roboampa cuentampitaj wawan Abiam kamacherqa.

Esdras 9:1

Kay imas tukukojtintaj, kurajkuna qayllaykamuwarqanku israelitas, sacerdoteswan, levitaswan ima ninawampaj: Kay jallp'api kaj runakunamanta mana t'aqakunkuchu: Cananeosmanta, hititasmanta, fereseosmanta, jebuseosmanta, amonitasmanta, moabitasmanta, egipciosmanta, amorreosmanta, ima. Paykunaqa kay runaspa millay ruwanasninta ruwanku.

Esdras 9:2

Israelmanta kaj runasqa, jinataj wawasninkupis chay runakunaj warmi wawasninkuwan casararqanku. Ajinamanta waj llajtamanta kaj runakunawan llimphupaj qhawasqa aylloqa chajrukorqa. Kay juchata ñaupajta ruwajkunaqa, kurajkuna, kamachejkunawan karqanku, nispa.