1 Reyes 1:48 - Qheshwa Biblia DC

⁴⁸ Chantá reyqa nerqa: Israelpa Señor Diosnin bendicisqa kachun, aylluymanta ujnin kajta tronoypi tiyasqata rikunayta munasqanrayku.

DIOSPA QHELQACHISQAN DEUTEROCANONICAL

⁴⁸ Israelpa Tata Diosnenqa yupaychasqa kachun, aylluymanta ujnin kajta kamachinay tiyanapi tiyashajta rikuchiwasqanrayku, nispa.

DIOSPA QHELQACHISQ

⁴⁸ Israelpa Tata Diosnenqa yupaychasqa kachun, aylluymanta ujnin kajta kamachinay tiyanapi tiyashajta rikuchiwasqanrayku, nispa.

1 Reyes 1:48 Referans Kwoze

1 Reyes 3:6

Chanta Salomonqa nerqa: Qanqa khuyarqanki jatun khuyakuyniykiwan tatay David kamachiykita, imaraykuchus payqa purerqa qampa ñaupaqeykipi cheqanta, cheqa kaypi, cheqan sonqowantaj, qantaj mayta khuyakorqanki, uj wawatapis qorqanki tronompi tiyakunampaj, imaynachus kunan p'unchay kashan jina.

1 Pedro 1:3

Yupaychasqa kachun Dios, Señorninchej Jesucristoj Tatan. Paya jatun khuyakuyninrayku watejmanta nacichiwarqanchej, kausay suyayta qonawanchejpaj, Jesucristo wañusqakunamanta kausarimusqanrayku, jap'inanchejpaj mana ismoj, mana ch'ichiyoj, nitaj ch'akipoj chayaqeta. Chaytaj janaj pachapi qankunapaj waqaychasqa kashan.

Efesios 1:3

Señorninchej Jesucristoj Diosnin Tatantaj yupaychasqa kachun. Pay, espiritunman jina tukuy bendicioneswan Cristowan bendiciwarqanchej janaj pachapi.

Daniel (hebreo) 4:34

Jasut'i p'unchaykuna junt'akojtin, noqa Nabucodonosorqa, janaj pachata qhawarerqani, loco kayniymantataj thañisqa kasqayta reparakorqani. Chaypacha, Jatun Diosta yupaycharqani, kay palabraswantaj wiñaypaj kausayniyojta jatuncharqani: Paypa atiynenqa wiñaypajpuni. Llajtakunata kamachinantaj miraypa miraynintimpaj kanqa.

Proverbios 17:6

Machu runaspa pillunkoqa allchhisninku; wawaspa kusikuyninkutaj, tatasnin.

Salmos 145:2

Sapa p'unchay yupaychasqayki, wiñaypa wiñaynimpaj sutiykita yupaychasaj.

Salmos 41:13

Yupaychasqa kachun Israelmanta Diosnin, wiñaypa wiñaynimpaj. Ajina kachun.

Salmos 34:1

Tukuy tiempo Señorta bendicisaj, simiytaj payta yupaychallanqapuni.

Nehemías 9:5

Chaymantataj chay levitas Josué, Cadmiel, Binuy, Hasabnías, Serebías, Hodías, Sebanías, Petaías ima nerqanku: Jatarikuychej, Señor Diosniykichejtataj wiñay wiñaypaj yupaychaychej, nispa. Chaypacha paykunaqa Señor k'acha sutinta yupaycharqanku, bendicioneswan, jinataj yupaychaykunaswan.

1 Crónicas 29:20

Chay qhepamantaj Davidqa tukuy tantasqas kasharqanku chaykunaman nerqa: Kunanqa Señor Diosniykichejta bendiciychej. Chaypacha tantasqas kajkunaqa tukuyninku ñaupa tatasninkoj Señor Diosninta bendicerqanku, qonqorikuspa k'umuykukuspataj yupaycharqanku, Señorpa ñaupaqempi, reypa ñaupaqempiwan.

1 Crónicas 29:10

Chaypacha Davidqa Señorqa bendicerqa tukuy ayllus tantasqaspa ñaupaqempi: Israel tataykoj Señor Diosnin qonqa Señor wiñaymanta wiñaypaj bendicisqa kayta.

1 Crónicas 17:17

Diosníy, kay tukoyqa pisiraj qanmanqa rijch'asunki, qanqa kay kamachiykej karu jamoj mirayninmantawan parlanki, may sumaj runapis kayman jinata qhawawanki, Señor Diosníy!

2 Samuel 24:3

Joabtaj reyman kuticherqa: Qan reyniypa Señor Diosnenqa, uj pachaj jinatawan aylluta mirachichun kunan kasqanmanta nisqaqa, qan reyniytaj kausanki chayta rikunaykipaj. Niway, imapajtaj qan reyneyqa yupachiyta munankiri?

2 Samuel 7:12

Maypachachus kausayniyki tukukapojtin, wañupunkitaj chaypachaqa, mirayniykimanta kajllatataj rey kanampaj churasaj, reinontataj sayachisaj.

Génesis 14:20

yupaychasqa kachun patapi kaj Dios, pichus enemigosniykita atipachisorqa chay. Abramtaj qorqa tukuy imasta qhechusqasninmanta, sapa chunkamanta ujta.

1 Samuel 25:32

Davidtaj Abigailman kuticherqa: Bendicisqa kachun Israelpa Señor Diosnin, pay qanta noqata taripawaj kachamususqanmanta.

1 Reyes 1:49

Adoniaspa wajyachisqasnenqa sinch'ita mancharikorqanku, sapa ujninkutaj ñanninkutakama riporqanku.

1 Reyes 2:4

Señor junt'anampaj chay tukuy ima niwasqanta: Sichus wawasniyki ñankunasniypi allinta purinkuman chayqa, ñaupaqeypitaj cheqa kajta ruwaspa, tukuy sonqonkuwan tukuy yuyayninkuwantaj chayqa, ni jayk'aj faltanqachu Israelpa tronompi qampa uj qhari wawayki.

1 Reyes 8:20

Señortaj nisqanta junt'an, imaraykuchus noqa jatarerqani tatay Davidpa cuentampi, tiyakunitaj Israelpa tornompi, Señor nisqanman jina, ruwanitaj uj wasita Israelpa Señor Diosnimpa sutimpi.