1 Pedro 4:11 - Qheshwa Biblia DC

¹¹ Pillapis parlajqa, Diospa palabranman jina parlachun. Pillapis wajkunata yanapan chaypis, Diospa kallpa qosqanman jina yanapachun; tukuy imapi Jesucristonejta Dios yupaychasqa kanampaj. Paypajtaj kachun janaj pacha k'anchay, kamachiytaj, wiñaypa wiñaynintinkama. Amén.

DIOSPA QHELQACHISQAN DEUTEROCANONICAL

¹¹ Pichus Diospa nisqanmanta parlananpaj atiyta jap'ejqa Dios kikinpis paynejta parlashanman jina parlachun. Pichus wajkunata yanapananpaj atiyta jap'ejqa Dios kallpa qosqanman jina yanapachun, Jesucristonejta tukuy imapi Tata Dios jatunchasqa kananpaj. Chantá Jesucristopis tukuy atiyniyoj kasqanrayku wiñay wiñaynintinpaj jatunchasqallataj kachun. Ajina kachun.

DIOSPA QHELQACHISQ

¹¹ Pichus Diospa nisqanmanta parlananpaj atiyta jap'ejqa Dios kikinpis paynejta parlashanman jina parlachun. Pichus wajkunata yanapananpaj atiyta jap'ejqa Dios kallpa qosqanman jina yanapachun, Jesucristonejta tukuy imapi Tata Dios jatunchasqa kananpaj. Chantá Jesucristopis tukuy atiyniyoj kasqanrayku wiñay wiñaynintinpaj jatunchasqallataj kachun. Ajina kachun.

Quechua South Bolivia: Dios Parlapawanchej

¹¹ Diospa runasnin chaupipi parlajka Diospa niskasninta parlachun. Hermanosta yanapajka Dios callpachaskanmanjina yanapachun. Ajinapi Dioska jatunchaska canka Jesucristonejta. Paypatamin jatun cayka atiypis wiñaypa wiñayninpaj. Ajina cachun.

1 Pedro 4:11 Referans Kwoze

1 Corintios 10:31

Kunanqa mikhuspapis, ujyaspapis, imata ruwaspapis tukuy imata ruwaychej Diospa kusikuynimpaj.

Efesios 6:10

Chayrayku, kallpachakuychej Señorpi, atiynimpa kallpampi.

1 Pedro 4:10

Sapa ujtaj Diospa qosqanman jina wajkunaman jaywachun, sumaj mayordomo jina, Diosmanta ashkha yanapata jap'isqanmanta.

Hechos 7:38

Kay Moisesqa israelitaswan tatasqa ch'in pampapi karqa. Paytaj Sinaí orqopi parlarqa angelwan, tatasninchejwan ima. Kay Moisesllataj Diosmanta jap'erqa kausay palabrasta, noqanchejman qonawanchejpaj.

Efesios 4:29

Simiykichejmantapis ama ima sajra parlaykunapis llojsichunchu, manachayqa cheqan kajta parlaychej, uyarejkuna wiñanankupaj Diospa yanapayninwan.

Romanos 3:2

Anchatapuni, tukuy imaymanamanta, cheqatapuni ñaupajmantapacha Diospa palabran paykunaman qosqa karqa.

Santiago 1:19

Chayrayku, munakusqa hermanosníy, sapa ujniykichej usqhayta uyariychej, pisita parlaychej, amataj usqhayta phiñakuychejchu.

Colosenses 4:6

K'acha misk'i simiwan parlaychej, kachiwan kachinchasqata jina. Chaymantaqa yachaychej imaynatachus sapa ujman kutichinaykichej kasqanta.

1 Corintios 12:4

Imaymana yachaykuna tiyan. Chaywampis Espiritoqa pay kikillampuni.

1 Pedro 2:5

Qankunapis kausaj rumis jina, Espiritupi uj templo jina ruwasqas kankichej, ajllasqa sacerdotes kanaykichejpaj; Jesucristonejta Diosman Espiritupi allin kaj jaywanasta jaywanaykichejpaj.

Judas 1:25

Yachayniyoj uj k'ata Dios Salvadorninchejman Señorninchej Jesucristonejta yupaychay kachun, jatun kay, atiy, kamachiy, kunanmantapacha wiñaypa wiñayninkama. Amén.

Hebreos 5:12

Unaymantapacha creesqaykichejrayku, yachachejkunaña kanaykichej karqa; kunantaj watejmanta yachachinaraj kankichej, Diospa palabrampa qallariyninmanta. Qankunaqa lechellapajraj kankichej, mana khamuna mikhunapajrajchu.

1 Timoteo 6:16

Pay k'atamin mana wañojqa. Mana chimpay atina k'anchaypitaj tiyakun. Chaytaqa mana pipis rikorqachu, nitaj pipis rikuyta atinchu. Pay wiñaypaj yupaychasqa kachun. Amén.

1 Timoteo 1:17

Alabanachej, jatunchanachejtaj reyta wiñaypaj payqa mana tukukoj wañoj, mana rikukoj, uj k'ata Diostaj. Amén.

1 Corintios 3:10

Dios atiyta qowasqanman jina, yachayniyoj albañil jina, cimientota churarqani, wajtaj patampi wasichan. Chaywampis, sapa uj allinta qhawachun imaynatachus patampi wasichasqanta.

San Mateo 6:13

Amataj saqeychu juchaman urmanaykuta; astawampis, jark'awayku sajramanta; [imaraykuchus, qampatamin reino, atiy, janaj pacha k'anchay ima; wiñaypa wiñayninkama. Amén.]

Daniel (hebreo) 7:14

Paymantaj atiyta qorqanku, chanta k'anchayniyoj kayta, llajtasta kamachiytapis. Tukuy nacionesmanta kaj runakuna, tukuy parlaymanta kaj runakunataj payta sirverqanku. Atiynintaj kikillampuni kanqa, kamachinantaj mana jayk'ajpis t'unasqachu kanqa.

Isaías 8:20

Chayrayku kutiriychej leyman, imatachus yachachisqaymanwan. Sichus mana chayman jinachu nenqanku chayqa, paykunapi mana cheqa kaj kanchu.

Salmos 145:13

Rey kasqaykeqa wiñaypaj, kamachiyniykeqa tukuy runa mitaspaj.

1 Pedro 5:11

Payman janaj pacha k'anchay, atiytaj kachun, wiñaypa wiñayninkama. Amén.

Santiago 1:26

Pichus qankunamanta Diosta yupaychasqanta yuyanman, manataj siminta wisq'anchu chayqa, pay kikin sonqonta ch'aukiyan, Diosta yupaychasqantaj qhasi mana kaj.

Efesios 5:20

Señorninchej Jesucristoj sutimpi tukuy imamanta Dios Tataman graciasta qoychejpuni.

1 Corintios 6:20

Diosqa preciowan rantisorqachej. Diosta yupaychaychej cuerpoykichejwan, espirituykichejwan ima; chaykunaqa Diospata kanku.

Romanos 11:36

Tukuy ima paypata, paynejta, paypajtaj kanku. Chayrayku pay yupaychasqa kachun wiñaypa wiñaynimpaj. Amén.

Daniel (hebreo) 4:34

Jasut'i p'unchaykuna junt'akojtin, noqa Nabucodonosorqa, janaj pachata qhawarerqani, loco kayniymantataj thañisqa kasqayta reparakorqani. Chaypacha, Jatun Diosta yupaycharqani, kay palabraswantaj wiñaypaj kausayniyojta jatuncharqani: Paypa atiynenqa wiñaypajpuni. Llajtakunata kamachinantaj miraypa miraynintimpaj kanqa.

Daniel (hebreo) 4:3

May jatuchaj kanku t'ukunapaj jina ruwasqasnin, milagro ruwasqasnimpis! Rey kaynenqa manapuni tukukonqachu, atiynintaj miraymanta waj miraynintinkama kanqa.

Jeremías 23:22

Sichus pakasqa imasniyta rejsinkuman karqa chayqa, aylluyman parlasqasniyta willarankuman karqa, chay millay ñanmanta t'aqakunkuman karqa, chay sajra ruwaykunasninkutataj saqechinkuman karqa.

Filipenses 1:11

Cheqan ruwanaswan sumaj poqoyniyoj jina junt'asqa kaychej, Jesucristonejta, Dios jatunchasqa, yupaychasqataj kanampaj.

2 Corintios 9:13

Kay yanapata rikuspa Diosta yupaychanqanku, Cristoj evangelionta kasusqaykichejmanta, chay qolqeta tukuy sonqo qosqaykichejmanta ima, paykunapaj, tukuypajpis.

Romanos 16:27

Uj k'ata yachayniyoj Diostaj yupaychasqa kachun, Jesucristonejta wiñaypa wiñaynintimpaj. Amén.

San Juan 13:31

Judas llojsejtintaj Jesús nerqa: Kunanqa Runaj Churin jatunchasqaña, Diospis jatunchasqallataj paynejta.

Romanos 12:3

Dios khuyakuyninta qowasqanrayku, sapa ujniykichejman niykichej, ama qankuna kikiykichejmanta astawan kasqaykichejta yuyakunaykichejpaj. Manachayqa sapa uj pay kikinmanta maychus kajta yuyachun, Dios sapa ujman fewan qosqanman jina.

2 Corintios 2:17

Mana noqaykoqa wakinkuna jinachu kayku, Diospa palabranta q'ewirispa parlajkuna; astawanqa tukuy sonqo, Diosmanta kajkuna jina, Cristomanta parlaspa Diospa ñaupaqempi.

Efesios 1:19

Mayqentajchus noqanchej creejkunapaj karqa chay atiynimpa jatun kaynin. Chay atiytaqa Dios rikucherqa runasman jina manchay atiywan, kallpawantaj, Cristota wañusqasmanta kausarichimuspa, janaj pachapi pañanman tiyaykucherqa.

1 Tesalonicenses 2:4

Imaynatachus Dios allimpaj qhawawasqaykuman jina, evangeliota qowarqayku; chayman jina parlayku, mana runata kusichinaykupajchu, astawanqa Diosllata. Payqa sonqosninchejta allinta rejsin.

Tito 2:1

Qanqa, parlay cheqa kaj yachachiyman jina.

Tito 2:15

Kayta parlay, yachachiytaj, k'amispa tukuy atiyniykiwan. Amataj qanta pipis qhesachasuchunchu.

Hebreos 13:7

Yuyarikuychej ñaupajman pusasojniykichejmanta, pikunachus Diospa palabranmanta parlasorqachej chaykunamanta; unanchaychej imaynatachus kausakusqankuta, feninkutataj yachaqakuychej.

1 Pedro 2:12

Allinta kausakuychej Diosta mana rejsejkuna ukhupi. Paykunaqa sajra runaspaj jina qankunapaj rimashanku; Señor chayamojtintaj, Diosta yupaychanqanku, allin ruwasqasniykichejta rikuspa.

1 Pedro 4:16

Pichus Cristota qhatikusqanrayku ñak'arin chayqa, ama p'enqakuchunchu, astawanqa chaynejta Diosta yupaychachun.