1 Pedro 3:22 - Qheshwa Biblia DC

²² Jesucristotaj janaj pachaman riporqa, chaypitaj Diospa pañampi tiyasqa kashan. Paypa munaynimpi kanku angelkuna, kamachejkuna, atiykunapis.

DIOSPA QHELQACHISQAN DEUTEROCANONICAL

²² Jesucristoqa janaj pachaman ripunña, chaypitaj Diospa pañanpi tiyasqa kashan. Paytaj tukuy angelkunata, kamachejkunata, chantá atiyniyojkunata ima kamachishan.

DIOSPA QHELQACHISQ

²² Jesucristoqa janaj pachaman ripunña, chaypitaj Diospa pañanpi tiyasqa kashan. Paytaj tukuy angelkunata, kamachejkunata, chantá atiyniyojkunata ima kamachishan.

Quechua South Bolivia: Dios Parlapawanchej

²² Jesucristoka angelesta, camachejcunata, atiyniyojcunatapis atiparka. Chaymanta causarimuspa janaj pachaman yaycorka Dioswan cusca camachinanpaj.

1 Pedro 3:22 Referans Kwoze

Hebreos 9:24

Cristoqa, mana yaykorqachu runaj makinwan ruwasqa santuarioman. Chayqa cheqa kajpa rijch'aynillan karqa. Payqa kikin janaj pachamampuni yaykorqa; Diospa ñaupaqenman qayllaykuspa noqanchejpa allinninchejrayku.

Hebreos 12:2

Jesuspi ñawisninchejta churaspa, pichus creenanchejta wakichin, tukuychantaj; paytaj kusikuyta jap'inanrayku, cruzpi ñak'arerqa p'enqakuyta qhesachaspa, Diospa pañanmantaj tiyaykukorqa.

Hebreos 10:12

Cristorí, uj kutillata wañuyninta qospa, wiñaypaj Diospa pañanman tiyaykukorqa.

Marcos 16:19

Señortaj apostolesninman parlaytawan janaj pachaman oqharisqa karqa; chaypitaj Diospa pañanman tiyaykukorqa.

Hebreos 8:1

Kunanqa, tukuy nisqanchejmanta kaymin ñaupajqa: Chay jina kuraj sacerdote tiyapuwanchej payqa janaj pachapi jatun Diospa tiyanampa pañanman, tiyaykukorqa.

Hebreos 6:20

Chay veloman, noqanchejrayku ñaupaykuspa yaykorqa, wiñaypaj kuraj sacerdote churasqa kaspa, Melquisedecpa t'aqanman jina.

Colosenses 3:1

Chayrayku, Cristowan khuskachus kausarimorqankichejña chayqa, mask'aychej janaj pachapi kaj imasta, maypichus Cristoqa Diospa pañampi tiyasqa kashan, chaymanta.

Romanos 8:38

Achayrayku mana pipis Diospa munakuyninmanta t'aqawasunmanchu, ni wañuypis, ni kausaypis, ni angelespis, ni kurajkunapis, ni atiyniyojkunapis, ni kaypi kajpis, ni jamoj kajpis, ni patamanta kajpis, ni ukhumanta kajpis, nitaj ima waj ruwasqa kajpis. Chay Diospa munakuynenqa Cristo Jesús Señorninchejpi kashan.

Romanos 8:34

Pitaj juchachanmanri? Chaypajqa Cristo wañorqaña, wañusqasmantapis kausarimorqa; kunantaj Diospa pañampi kashan noqanchejpaj mañaspa.

Hebreos 1:3

Paytaj Diospa k'anchaynimpa lliphipiynin kaspa, Dios kaynimpa kikin rijch'aynintaj, tukuy imata palabrampa atiyninwan sayachin, pay kikintaj juchasninchejta pichaspa, jatun kajpa pañanman janaj pachapi tiyaykukorqa.

1 Corintios 15:24

Chaypaj qhepanta tukukuy jamonqa, maypachachus Cristo tukuy kamachiyta, tukuy atiyta, tukuy kallpata ima qhechojtin, chaypacha reinota Dios Tataman jaywaponqa.

Hechos 3:21

Chay Cristoqa Jesusmin, pichus janaj pachallapiraj qhepakonqa, Dios watejmanta tukuy imasta mosojyachinankama. Chaykunamanta Diosqa willarqa ajllasqa profetasninnejta unaymantapacha.

Hechos 1:11

Paykunamantaj nerqanku: Galileokuna, imaraykutaj patata qhawaspallapuni kankichejri? Kay kikin Jesús, imaynatachus qankuna ukhumanta janaj pachaman ripun, ajinallatataj ujtawan kutirimonqa, imaynatachus ripojta rikunkichej ajinata.

Marcos 12:36

Kikin Davidqa Santo Espiritunejta nerqa: Señorqa nerqa Señorniyta: Pañaypi tiyakuy; chejnisojkunata chakisniyki uraman churanaykama.

Salmos 110:1

Señorqa señorniyman nerqa: Pañaynejpi tiyakuy, enemigosniykita chakisniyki uraman churanaykama.

Hebreos 1:13

Chantá, mayqen angelmantaj jayk'ajpis nerqa: Pañayman tiyaykukuy, chejnisojkunatataj chakisniyki uraman churanaykama, nispa?

San Lucas 20:42

Davidllataj Salmos libropi nin: Señor nerqa Señorniyman: Tiyakuy pañaypi, enemigosniykita chakisniyki uraman churanaykama.

San Mateo 28:18

Jesustaj qayllaykuspa, paykunata parlapayarqa: Noqa tukuy atiyniyoj kani, janaj pachapi, kay pachapipis.

Hebreos 1:6

Ujtawan ñaupaj kaj Churinta kay mundoman pusaykamushaspa nerqa: Diospa tukuy angelesnin payta yupaychachunku.

Hebreos 4:14

Chayrayku, kuraj sacerdoteyoj kaspa, pichus janaj pachaman yaykorqa; Jesús, Diospa Churimpi creesqanchejpi allinta sayananchej tiyan.

San Juan 13:32

Sichus Dios Churipi jatunchasqa chayqa, Diospis pay kikimpi Churita jatunchallanqataj. Kikimpachataj chayta ruwanqa.