1 Pedro 3:15 - Qheshwa Biblia DC

¹⁵ Astawanqa Cristo Señorta yupaychaychej sonqoykichejpi. Wakichisqapuni kaychej, suyayniykichejmanta yachayta munajkunaman, llamp'u sonqowan, mana phiñakuspa, maychus kajta kutichinaykichejpaj.

DIOSPA QHELQACHISQAN DEUTEROCANONICAL

¹⁵ Manachayqa sonqoykichejpi Cristota Tukuyta Kamachejniykichejta jina mayta jatunchaychej. Jinataj wakichisqapuni kaychej, Diospi atinikuspa imatachus suyakushasqaykichejmanta sut'ita kutichinaykichejpaj. Pikunachus yachayta munajkunaman tapusqankuman jina llamp'u sonqowan kutichiychej, paykunata respetowan qhawaspa.

DIOSPA QHELQACHISQ

¹⁵ Manachayqa sonqoykichejpi Cristota Tukuyta Kamachejniykichejta jina mayta jatunchaychej. Jinataj wakichisqapuni kaychej, Diospi atinikuspa imatachus suyakushasqaykichejmanta sut'ita kutichinaykichejpaj. Pikunachus yachayta munajkunaman tapusqankuman jina llamp'u sonqowan kutichiychej, paykunata respetowan qhawaspa.

Quechua South Bolivia: Dios Parlapawanchej

¹⁵ Astawanpis sonkoyquichejpi cheka Señorninchejtajina Cristota yupaychaychej. Kancunaka yachanquichej Dios niskanta junt'ananta. Chayraycu tapusojcunaman willanayquichejpaj waquichiskaspuni caychej. Cutichiskayquichejrí misq'i palabraswan llamp'u sonkowan Diosta manchachicuywantaj cachun.

1 Pedro 3:15 Referans Kwoze

Colosenses 4:6

K'acha misk'i simiwan parlaychej, kachiwan kachinchasqata jina. Chaymantaqa yachaychej imaynatachus sapa ujman kutichinaykichej kasqanta.

1 Samuel 12:7

Chayrayku wakichikuychej, Señorpa ñaupaqempi sut'incharisqaykichej, Señorqa k'acha allinkunasta ruwasqanmanta qankunapaj jinataj ñaupa tatasniykichejpajpis.

Tito 1:2

Wiñay kausay suyaypi, mayqentachus mana llullakoj Dios qosqaykichej nerqa, manaraj kay mundo ruwasqa kashajtin.

Colosenses 1:27

Paykunaman Dios rejsichiyta munarqa chay pakasqa yachaypata qhapaj k'anchayninta gentiles ukhupi. Chay pakasqa yachaytaj karqa kikin Cristo. Paynejtataj suyankichej janaj pachaj k'anchayninta. Payqa qankunapi kashan.

Hebreos 6:1

Chayrayku, Cristomanta qallariy yachachiykunata saqespa ñaupajman rina, aswan allin kajta tarinakama. Amaña parlanachu chay ñaupa juchamanta, Diosman kutirina kasqanmanta, wañusqa ruwasqasmanta, qallariypi jina, Diospi creenamanta ima; bautismospa yachachiyninmanta, makista churaykunamanta, wañusqakunaj kausarimuyninkumanta, chay wiñaypaj juicio p'unchaymantawan.

Salmos 119:46

Kamachisqasniykimanta reyespa ñaupaqempi, mana p'enqakuspa parlasaj.

Colosenses 1:5

Janaj pachapi suyakuyniykichejqa qankunapaj waqaychasqa kashan. Chaymantaqa uyarerqankichejña evangelioj cheqa kaj palabrannejta.

Colosenses 1:23

Cheqamanta saphinchasqas sinch'ita sayaychej, fepi mana kuyuspa, evangelioj yuyayninta uyarisqaykichejpi. Kay evangeliomanta tukuy kay pachapi kajkunaman willakun. Noqa Pablopis chay evangeliomanta willanaypaj churasqa kani.

Hebreos 3:6

Cristoqa, Churi jina wasimpi churasqa; chay wasirí noqanchej kanchej, sitajchus tukukuykama creesunchej, suyaspa kusikuynintataj sinch'ita jap'isunchej, chayqa.

Isaías 41:21

Jacobpa reynin Señorqa nin: Nacionespa diosninkuna imatachus parlarinaykichejta rimariychej. Imachus kasqaykichejmanta parlaychej.

Isaías 1:18

Señortaj nin: Jamuychej parlasunchej. Juchasniykichejqa may jina pukapis kachunku, rit'i jina yuraj kanqanku; may jina kullipis kachunku, yuraj millma jina kanqanku.

Isaías 29:23

Wawasniykeqa paykuna ukhupi imastachus ruwasqasniyta rikonqanku. Paykuna nenqanku noqaqa Santo kasqayta, Israelpa Diosnintataj kasuwanqanku.

1 Pedro 1:17

Tataykichejta jinachus Diosta yupaychankichej chayqa, manchachikuspa puriychej tukuy kausayniykichejpi, waj llajtayojpis kawajchej jina. Diosqa runasta mana runaspa rijch'ayninman jinachu juzgan. Manachayqa, sapa ujta ruwasqasninman jina juzgan.

Isaías 5:16

Tukuy Atiyniyoj Señorqa cheqan kajta atiyninwan rikuchenqa, Santo Diosqa llimphu kayninta rikuchenqa cheqanta ruwaspa.

Hechos 24:25

Pablota parlajta uyarispataj cheqan kajta ruwanamanta, ama qhenchachakunamanta, jamoj juicio p'unchaymanta ima, Felixqa mancharikorqa, Pablotataj nerqa: Kunanqa ripullayña, waj p'unchaypi wajyachillasqaykitaj.

Hechos 21:39

Pablotaj kutichispa nerqa: Noqa judío kani Tarso llajtamanta. Tarsoqa jatun llajta Ciliciapi. Kunanqa saqeway runakunaman parlajta; chayta mañarikuyki.

Números 20:12

Señortaj Moisesman Aaronmanwan nerqa: Qankuna noqapi mana creesqaykichejrayku, nitaj israelitas rikushajtinku jatunchawasqaykichejrayku, kunanqa kay runasta mana pusaykunkichejchu, ima jallp'atachus qosqaykichej nerqani chayman.

Números 27:14

Qankunaqa iskayniykichej sutiyta mana jatuncharqankichejchu kamachisqasniyta mana kasuwaspa israelitaspa ñaupaqempi, Zin ch'in pampapi yakuta mañakuspa contrayta rimashajtinku. Kay yakoqa Meriba nisqa cheqapi karqa Zin ch'in pampapi.

Proverbios 15:28

Cheqan runaqa kutichinampaj sumajtaraj yuyaychakun; machu machu runarí, tukuy sajra kajta parlarpayallan.

Proverbios 22:21

qanman yachachisunaypaj cheqa kajta rejsiyta, pichus kachamusoj tapusojtin allinta willanaykipaj.