1 Pedro 2:25 - Qheshwa Biblia DC

²⁵ Ñaupajtaqa chinkasqa ovejas jina karqankichej; kunantaj kutiripunkichejña almaykichejpa michejnin Cristoman.

DIOSPA QHELQACHISQAN DEUTEROCANONICAL

²⁵ Ñawpajta qankuna chinkasqa ovejakuna jina karqankichej. Kunantajrí Cristoman kutirikunkichejña, paytaj michej jina qankunamanta allinta qhawashan.

DIOSPA QHELQACHISQ

²⁵ Ñawpajta qankuna chinkasqa ovejakuna jina karqankichej. Kunantajrí Cristoman kutirikunkichejña, paytaj michej jina qankunamanta allinta qhawashan.

Quechua South Bolivia: Dios Parlapawanchej

²⁵ Ch'ekeraska ovejasjina Diosmanta carunchacorkanquichej. Cunanrí Cristomanña cutirerkanquichej. Payka michisojniyquichej khawasojniyquichejtaj.

1 Pedro 2:25 Referans Kwoze

Isaías 53:6

Tukuyninchej ovejas jina chinkaraporqanchej, sapa ujpis ñanninkutakama riporqanku. Chaywampis Señorqa tukuyninchejpa juchasninchejta payman q'epiricherqa.

Ezequiel 34:6

Ovejasneyqa tukuy lomasnejpi jatuchaj orqosnejpi chinkasqas purerqanku, tukuynejpi ch'eqerasqas karqanku, manataj pipis paykunamanta llakirikojkuna karqankuchu, nitaj mask'amojkunapis.

Hechos 20:28

Qankuna kikiykichej qhawakuychej, jinallatataj tukuy tropatapis. Paykunapaj Santo Espíritu churasorqachej, qhawajkunata Diospa iglesianta michinaykichejpaj. Iglesiataqa Jesucristo kikin yawarninwan ranterqa.

Isaías 40:11

Uj michej jina ovejasninta michin, corderosta makisninwan marq'arikun, uñayoj kajkunatataj allinta pusanqa.

Salmos 119:176

Chinkasqa oveja jina purerqani; kamachiykita mask'away, imaraykuchus kamachisqasniykitaqa mana qonqanichu.

San Mateo 9:36

Ashkha runasta rikuspataj sonqonta nanachikorqa, imaraykuchus paykunaqa saqerpayasqas, ch'eqerasqastaj kasharqanku, mana michejniyoj ovejas jina.

San Mateo 18:12

Imaynataj rijch'asunkichej? Uj runachus pachaj ovejasniyoj kaspa, ujnin ovejan chinkanman chayqa, manachu isq'on chunka isq'onniyojta orqopi saqespa, chinkasqa kajta mask'aj rinman?

1 Pedro 5:4

Jatun michej rikhurimojtintaj, mana ismoj, lliphipej pilluta jap'inkichej.

Hebreos 13:20

Sonqo tiyachej Diosqa, pichus wañusqakunamanta kausarichimorqa Señorninchej Jesucristota, ovejaspa jatun michejninta, wiñay tratoj yawarnimpi, tukuy ima allin ruwaypi qankunata wakichichun, paypa munayninta ruwanaykichejpaj. Ajinata qankunapi pay ruwachun imachus ñaupaqempi allin kajta Jesucristonejta. Payman janaj pacha k'anchay kachun, wiñaypa wiñayninkama. Amén.

Jeremías 23:2

Israelpa Señor Diosnin nillantaj, paypa ayllunta kamachinku chaykunaman: Qankunamin ovejasniyta ch'eqerachinkichej, ayqerachinkichejtaj, manataj allintachu qhawarqankichej. Noqapis jasut'isqaykichej sajra ruwasqasniykichejmanta. Noqa Señor chayta nini.

Hebreos 3:1

Ajllasqa hermanos, janaj pacha wajyaymanta chayaqeyojkuna, qhawaychej apostolta, feninchejmanta jatun sacerdoteta, Jesusta.

Ezequiel 37:24

David kamachiy paykunaj reyninku kanqa, uj k'acha michejniyojlla tukuninku kanqanku. Leyesniyta kasonqanku, kamachisqasniytataj ruwaspa junt'anqanku.

Salmos 80:1

Israelta michej, uyariy, José aylluta tropaykita jina pusanki, querubinespa patampi tiyakoj k'anchaykamuy.

Zacarías 13:7

Tukuy Atiyniyoj Señorqa nillantaj: Oqharikuy, espada, michejpa contrampi, yanapajniypa contrampitaj! Wañuchiy chay michejta ovejasniytaj ch'eqeranqanku, juch'uy kaj corderosninmantaj noqa kutiykukusaj!

Isaías 13:14

Runaqa mancharichisqa qhatiykachasqa taruka jina kanqa, mana michejniyoj ovejas jinataj. Sapa uj llajtankumankama ayqenqanku, jallp'ankumankamataj riponqanku.

Isaías 53:5

Payqa nanachisqa karqa Diosta mana kasusqanchejrayku. Juchanchejrayku tukuy ukhun t'unasqa karqa. Pay jasut'ita jap'ikusqanrayku sonqo tiyakuyta apamuwarqanchej, chay jina k'irisqa kasqanwantaj jampisqas kanchej.

Hebreos 5:2

Mana yachajkunata, pantasqa kajkunatapis atin khuyakuyta, paypis pisi kallpawan p'achallisqa kasqanrayku.

1 Pedro 3:20

Chaykunataj ñaupa p'unchaykunapi, mana kasukoj karqanku. Noéj p'unchaynimpi, Diosqa jatun pacienciawan paykunata suyarqa arca ruwakushajtin. Chaypachataj pisi runas yakumanta salvasqas karqanku, tukuyninkutaj pusajlla karqanku.