1 Pedro 2:24 - Qheshwa Biblia DC

²⁴ Pay kikin cuerpompi juchasninchejta k'aspi cruzpi aparqa, noqanchejta juchaspaj wañusqas kaspa, cheqanta kausananchejpaj. Paypa nanayninraykutaj jucha onqoymanta thañichisqas kankichej.

DIOSPA QHELQACHISQAN DEUTEROCANONICAL

²⁴ Ajinamanta pay kikin ukhunpi juchanchejta k'aspi cruzpi aparqa, noqanchej juchallinapaj wañuspa, cheqanta ruwaspa kawsananchejpaj. Paypa ukhun khallarasqa kasqanraykutaj qankuna qhaliyachisqa kankichej.

DIOSPA QHELQACHISQ

²⁴ Ajinamanta pay kikin ukhunpi juchanchejta k'aspi cruzpi aparqa, noqanchej juchallinapaj wañuspa, cheqanta ruwaspa kawsananchejpaj. Paypa ukhun khallarasqa kasqanraykutaj qankuna qhaliyachisqa kankichej.

Quechua South Bolivia: Dios Parlapawanchej

²⁴ Pay quiquin chacatanapi wañorka juchasninchejta khechunawanchejpaj. Payka wañorka juchasninchejmanta cachariskas chekanta ruwaspa causananchejpaj. Paypa ñac'ariyninwantaj thañichiskas canquichej.

1 Pedro 2:24 Referans Kwoze

San Mateo 8:17

Kaytaj karqa, profeta Isaiaspa willasqan junt'akunampaj. Kay jinata nerqa: Pay kikin aparqa onqoykunasninchejta, jap'erqataj nanaykunasninchejta.

Romanos 6:11

Ajinallatataj qankunapis yachaychej, juchapaj wañusqas kasqaykichejta, Diospajtaj kausasqaykichejta Cristo Jesús Señorninchejpi.

Apocalipsis 22:2

Llajtaj plazan chaupipi, mayoj puraj chimpampitaj kausaj sach'a kasharqa chunka iskayniyoj poqoyta qoj, sapa killa ujta. Sach'aj laqhesnintaj nacionesta thañichinankupaj karqanku.

1 Juan 2:29

Jesucristo cheqan kasqanta yachankichej chayqa, yachallaychejtaj ari, pillapis cheqan kajta ruwajqa, Diospa wawan kasqanta.

Santiago 5:16

Chayrayku, willanakuychej juchasniykichejta purajmanta. Ujkuna ujkunapaj Diosmanta mañakuychej thañisqas kanaykichejpaj; cheqan kaj runaj tukuy sonqo mañakuynenqa, sinch'i atiyniyoj.

Hebreos 9:28

Ajinallatataj Cristopis uj kutillata qosqa karqa wañunampaj, ashkha runaspa juchasninkuta apanampaj. Iskay kaj jamuynimpitaj, juchamanta t'aqasqa rikhurimonqa, payta suyajkunaman salvacionta qonampaj.

Gálatas 3:13

Cristo qhechuwarqayku leypa maldicionninmanta. Paytaj noqaykurayku maldicisqa karqa. Chaytaj escribisqa kashan: Maldicisqa kanqa tukuy k'aspipi warkhusqa kajqa, Abrahampa bendicionnin Cristo Jesusnejta gentilesman chayanampaj. Ajina fenejta Dios qonawayku karqa, chay Espirituta jap'inaykupaj.

Romanos 6:2

Chayqa mana jinachu. Juchapajqa wañorqanchejña. Imaynatataj juchallapipuni kausasunri?

Isaías 53:11

Chay jina llakiyta jap'ispa kusiy poqoyta rikonqa, may kusisqataj qhepakonqa. Chay yachayninwan cheqan kamacheyqa ashkhasta salvanqa, paykunaj juchasninkutataj apanqa.

Romanos 6:13

Amallataj cuerpoykichejta juchaman qoychejchu, paynejta sajra imasta ruwanapajqa. Astawanqa qankuna kikiykichej wañusqasmanta kausarimusqas jina, Diosman qayllakuychej; cuerpoykichejtataj Diosman qoychej, cheqan kajta ruwanampaj.

San Juan 1:29

Juantaj q'ayantin, Jesusta payman jamushajta rikuspa, nerqa: Kaymá Diospa Corderon, runaspa juchanta qhechojqa.

Romanos 7:6

Ñaupajta leypa kamachiynimpi karqanchej, kunanrí, leymanta t'aqasqasña kanchej, imaraykuchus leypajqa wañorqanchejña. Chayrayku Espiritunejta Diospa mosoj kamachinta kasuna, amaña ñaupa leypa nisqantaqa.

1 Juan 3:7

Wawitasníy, ama piwampis ch'aukiyachikuychejchu. Pichus cheqan kajta ruwajqa, cheqan runa; imaynatachus Jesucristopis cheqan, ajina.

Salmos 147:3

Payqa sonqo p'akisqasta thañichin. Nanasqasnintataj jampin.

Romanos 6:7

Pichus juchapaj wañojqa, juchamanta kacharisqaña.

Romanos 6:16

Manachu yachankichej pillatapis wata runa jina kasuspa, chaypa kamachin kasqaykichejta? Ajina ari, juchata kasunkichej chayqa, wañuypaj kanqa; Diosta kasunkichej chayrí, cheqan kausaypaj kanqa.

2 Corintios 6:17

Chayrayku llojsiychej paykunaj chaupinkumanta, t'aqakuychejtaj, nin Señorqa. Ama llankhaychejchu ch'ichi imasta, noqataj jap'ikapusqaykichej.

Hechos 5:30

Ñaupa tatasninchejpa Diosnenqa, Jesusta wañusqamanta kausarichimorqa. Payta qankunaqa cruzpi warkhuspa wañucherqankichej.

San Lucas 4:18

Señorpa Espíritun noqapi kashan; jawiwaspa ajllawarqa sumaj willanasta wajchasman willanaypaj; kachamuwarqataj willajta presos kacharisqas kanankupaj, ciegos qhawarinankupaj, ñak'arejkunataj samachisqas kanankupaj; Señorpa allin watantapis willanaypaj.

San Mateo 5:20

Chayrayku qankunaman niykichej, manachus cheqan kayniykichej qelqerispamanta, fariseospamantawan aswan allin kanqa chayqa, mana yaykunkichejchu janaj pacha reinoman.

Malaquías 4:2

Qankuna sutiyta honrankichej chaykunapajqa, cheqan kayniy inti jina lliphipirenqa, k'anchaynimpi salvacionta apamuspa. Qankunataj kusiywan phinkirinkichej imaynatachus uña wakas corralmanta llojsispa phinkiykacharinku ajinata.

Hebreos 12:13

Ñankunasniykichejta cheqanchaychej, cojos ama misk'anankupaj, astawanqa thañikapunankupaj.

Hechos 13:29

Paymanta tukuy ima escribisqa kajta junt'aspaña, cruzmanta uraykuchimuspa Jesusta p'amparqanku.

Hebreos 7:26

Chay jina jatun sacerdotepuni allin kanan karqa noqanchejpaj; ajllasqa mana juchayoj, llimphu, juchasapakunamanta t'aqasqa, janaj pachamanta nisqapis, aswan jatumpaj churasqa.

Colosenses 2:20

Qankuna Cristowan wañorqankichejña, kay pachapi runakunaj yachachiyninta qhechuspa. Imaraykutaj chantá, mundojtapis kawajchej jina kamachisqasninta kasunkichejri?

Romanos 6:22

Juchaj kamachiyninmanta kacharisqas kaspaqa, Diospa kamachisninña kankichej. Chaynejtataj, llimphu kausayta poqoyta jina tarinkichej; chaypa tukukuynintaj wiñay kausay.

Hechos 10:39

Noqaykutaj chay tukuy imasta rikorqayku, judiospa llajtampi ruwasqanta, Jerusalén llajtapi ima. Paykunataj Jesusta cruzpi wañucherqanku.

San Mateo 27:26

Chantá Pilatoqa Barrabasta kacharerqa. Jesustataj jasut'ichispa, chakatanankupaj pusacherqa.

Salmos 38:4

Tukuy sajra kayniy jeq'eqachishawan. Uj llasa q'epita jina mana apayta atinichu.

Levítico 16:22

Ajinamanta chay chivoqa israelitaspa tukuy juchasninkuta ch'in pampaman apanqa. Chayman chay apaj runaqa kacharpayamonqa.

Éxodo 28:38

Ajinamanta chay letrasqa Aarompa frentempi warkhusqa kanqa. Aaronqa tukuypa juchasnin q'epirisqas chayman yaykonqa israelitaspa ofrendasninku oqharisqa juchasninkoj cuentanmanta. Chay letrastaj niyta munanqa Dios paykunata uyarisqanta.

Efesios 5:9

K'anchaypa poqoynenqa tukuy k'acha kaypi, cheqan kaypi, cheqa kaypitaj.

San Juan 19:1

Ajinamanta Pilatoqa kamachispa, Jesusta jasut'icherqa.

Números 18:22

Israelitastaj mana qayllanqankuchu Dioswan parlana toldoman, chayman qayllaspaqa juchachakunkuman, chaynejtataj wañunkuman.

Levítico 22:9

Niy paykuna kamachiykunasniyta junt'anankuta, ama chaykunasrayku juchachasqas qhepakunankupaj, amataj mana kasukusqankurayku wañunankupaj. Noqamin Señorqa kani, noqapaj t'aqarqani chay.

Filipenses 1:11

Cheqan ruwanaswan sumaj poqoyniyoj jina junt'asqa kaychej, Jesucristonejta, Dios jatunchasqa, yupaychasqataj kanampaj.

Marcos 15:15

Pilatotaj runasman allin rijch'ananrayku, Barrabasta kacharerqa; Jesusta jasut'ichispataj soldadosman qorqa chakatanankupaj.

Proverbios 20:30

Sajra runapajqa jasut'ej nanachisqasnin jampi, concienciantapis chay jasut'ipuni ch'uyachan.

1 Corintios 15:3

Ñaupajta yachacherqaykichej imaynatachus noqapis jap'isqayta; Cristo juchanchejrayku wañusqanta, Escriturasman jina.

Colosenses 2:14

Imachus leypi contranchejpi escribisqa karqa chayta, Dios yanqhayachispa picharparerqa. Chayta qhechuspataj cruzman clavaykorqa.

Hebreos 10:5

Chayrayku Cristo kay pachaman yaykumushaspa nin: Mana uywa wañuchisqata, nitaj rikuchikuta munarqankichu. Chayman nisqaqa, noqapaj aycha cuerpota wakichipuwarqanki.

Hebreos 10:10

Chay munaynimpi llimphuchasqa kanchej, Jesucristoj cuerpon wiñaypaj uj kutillata qosqa kasqanrayku.

Génesis 22:6

Abrahamqa Diospaj q'olachinankupaj apasharqanku chay llant'ata Isaacman q'epiriyucherqa, paytaj cuchillota ninatawan oqhariykukorqa; jinaspataj iskaynillanku kachaykukorqanku.

Números 7:15

Chanta qollarqataj uj waka uñata, uj carnerota, uj watayoj corderota Diospaj ruphachisqa kanampaj.