1 Pedro 2:12 - Qheshwa Biblia DC

¹² Allinta kausakuychej Diosta mana rejsejkuna ukhupi. Paykunaqa sajra runaspaj jina qankunapaj rimashanku; Señor chayamojtintaj, Diosta yupaychanqanku, allin ruwasqasniykichejta rikuspa.

DIOSPA QHELQACHISQAN DEUTEROCANONICAL

¹² Jinallataj Diosta mana qhatejkunaj ñawpaqenkupi allinta puriychej. Paykuna kunan mana allin kajta qankunapaj rimanku, millayta ruwajkunapis kawajchej jina. Chaywanpis allin ruwasqaykichejta rikuspa, paykuna Diosta jatunchanqanku, Dios juzganan kashan, chay p'unchay chayamojtin.

DIOSPA QHELQACHISQ

¹² Jinallataj Diosta mana qhatejkunaj ñawpaqenkupi allinta puriychej. Paykuna kunan mana allin kajta qankunapaj rimanku, millayta ruwajkunapis kawajchej jina. Chaywanpis allin ruwasqaykichejta rikuspa, paykuna Diosta jatunchanqanku, Dios juzganan kashan, chay p'unchay chayamojtin.

Quechua South Bolivia: Dios Parlapawanchej

¹² Cay pacha runas chaupipi causashaspa c'achata causaychej. Kancunaj contrayquichejtapis parlancuman manacaj ruwajcunapis cawajchejjina. Chaywanpis c'acha ruwaskasniyquichejta khawaspa jakay p'unchaypi Diosta jatunchankancu.

1 Pedro 2:12 Referans Kwoze

1 Pedro 3:16

Allin sonqoyoj kaychej. Pikunachá qankunapaj thutunku sajratapis ruwawajchej jina chayqa, paykunallataj p'enqachisqas kanqanku, Cristopi allin kausayniykichejta qhasimanta tumpajkuna.

San Mateo 5:16

Ajinallatataj k'anchayniykichejqa k'anchachun runaspa ñaupaqempi. Paykunapis allin ruwasqaykichejta rikuspa, janaj pachapi kashaj Tataykichejta yupaychanankupaj.

2 Corintios 8:21

Astawantaj munashayku kay imasta ruwayta cheqanta, mana Señorpa ñaupaqellampichu, astawanqa runaspa ñaupaqempipis.

1 Tesalonicenses 4:12

Allinta puriychej Diosta mana rejsejkunaj ñaupaqempi, nitaj pejpa imantapis munapayaspa.

1 Timoteo 4:12

Ama pipis wayna kasqaykirayku pisipi qhawasuchunchu; astawanqa creejkunaj ñaupaqenkupi allinta puriy: Parlaypi, allin kausaypi, munakuypi, espiritupi, fepi, llimphu kausaypi ima.

Santiago 3:13

Qankunamanta mayqellampis yachayniyoj kanman chayqa, rikuchichun sumaj kausayninta, llamp'u sonqowan yachayninman jina.

Filipenses 1:27

Munani ari allinta kausakunaykichejta, Cristoj evangelionman jina; ajinapi noqa watukoj jamojtiypis, chayri karupi kajtiypis, uyariyta munani qankuna sinch'is kasqaykichejta uj kikin espiritullapi, atipaspapuni uj yuyaylla evangeliopi feniykichej kasqanrayku.

2 Corintios 1:12

Noqaykoj kusikuyniykoqa kay jina kashan: Sonqoyku niwayku allinta, llamp'u sonqos, maychus kajta purisqaykuta. Manataj runaj yachayninman jinachu, astawanqa Diospa khuyakuyninman jina allinta kausakorqayku kay pacha runaswan, astawanqa qankunawan.

2 Pedro 3:11

Ajinata, tukuy ima nina larwaypi tukukunanta yachaspa, astawan Diosta yupaychaspa kaychej, allin kausaypitaj puriychej. Diospa p'unchayninta suyaspa. Usqhayta jamunanta munaspataj kausaychej. Chay p'unchaypeqa janaj pachakuna nina larwaypi tukukonqanku, tukuy imastaj chay nina larwaypi unuyanqanku.

Romanos 13:13

Ajinaqa p'unchaypi jina purinachej maychus kajta; amataj purinachu jatun mikhuykunaspi, machaykuykunaspi, millay kausaypi, churanakuypi, nitaj chhoqonakuypipis.

Romanos 12:17

Ama pimampis sajramanta sajrallatataj kutichiychejchu, allin kajtapuni ruwaychej tukuy runaj ñaupaqempi.

Hebreos 13:18

Diosmanta mañapuwayku ari, yachayku allin sonqoyoj kasqaykuta, tukuy imapi allinta puriyta munaspa.

Filipenses 4:8

Kunanqa hermanos, yuyaychej tukuy cheqa kajpi, tukuy allin kajpi, tukuy cheqan kajpi, tukuy ima llimphu kaypi, tukuy allin munakuypi, tukuy ima allin sutiyojpi. Sichus ima atiyllapis kanman, imapis yupaychanapaj jina kanman chayqa, chaypi yuyaychej.

Efesios 4:22

Ñaupa sajra kausayniykichejmanta, mauk'a runamantawan t'aqakuychej; imaraykuchus sajra munaynimpa atipasqan, ch'aukiyasqantaj.

Salmos 50:23

Pichus agradecekuwajqa noqata jatunchawan chayqa munakuwan, ñanniymanta mana t'aqakojtataj noqa salvani.

Hebreos 13:5

Kausakuychej qolqeta ama munapayaspa. Kapususqaykichejllawan kusisqas kaychej; imaraykuchus pay nerqa: Mana wijch'urparisqaykichu nitaj saqerparisqaykichu.

Romanos 15:9

Gentiles Diosta yupaychanankupaj khuyakuyninrayku escribisqa kasqanman jina: Chayrayku gentiles ukhupi qanmanta willasaj, takisajtaj sutiykita yupaychaspa.

San Mateo 10:25

Yachakojpajqa walej, yachachejnin jina kanan. Kamachipajpis patronnin jina kanan. Wasiyojtachus Beelzebuta suticharqanku chayqa, imatarajchus sutichanqanku wasimpi kajkunataqa.

San Mateo 5:11

Kusikuyniyoj kankichej runakuna noqarayku qankunapaj rimajtinku, chejnispa ñak'arichisojtinku, tukuy imatataj llullakuspa contraykichejpi nejtinku ima.

1 Pedro 4:11

Pillapis parlajqa, Diospa palabranman jina parlachun. Pillapis wajkunata yanapan chaypis, Diospa kallpa qosqanman jina yanapachun; tukuy imapi Jesucristonejta Dios yupaychasqa kanampaj. Paypajtaj kachun janaj pacha k'anchay, kamachiytaj, wiñaypa wiñaynintinkama. Amén.

Isaías 10:3

Imanankichejtaj cuentata qona p'unchaypiri? Piwantaj yanapachikunkichej karumanta jasut'i jamusojtiykichejri? Maymantaj chay jina qhapaj kayniykichejta churankichejri?

Salmos 37:14

Sajrakunaqa espadankuta orqhokunku, flechankutataj wakichikunku urmachinankupaj, wañuchinankupajtaj wajchasta, llamp'u sonqoyojkunata, sumaj kausayniyoj runastawan.

Efesios 2:3

Chaykuna ukhupi tukuyninchej, chay p'unchaykunapi aychanchejpa sajra munaynimpi purej kanchej, aychaj munayninta, yuyaypa munayninta ima ruwaspa. Ajinata ruwaspa, noqanchejpis phiñakuywan jasut'inapaj jina karqanchej, chay wajkuna jina.

2 Corintios 13:7

Diosmantataj mañakuyku ama ima sajrata ruwanaykichejpaj. Manataj noqayku allinman rijch'asqas kanaykupajchu; astawanqa qankuna allinta ruwayta yachanaykichejpaj; manataj imananchu, noqayku qhesachasqa jina rikhurinaykoqa.

1 Corintios 14:25

Ajinapi sonqon ukhupi ima jucha kasqantapis yachakonqa, qonqorikuspataj Diosmanta mañakonqa, cheqamantapuni Dios qankuna ukhupi kashasqa, nispa.

Hechos 24:13

Nillataj atinkumanchu nisuyta pichus rikuwasqanta chay tumpawasqankumanta.

San Lucas 6:22

Kusikuyniyoj kankichej runakuna chejnisojtiykichej, qharqosojtiykichej, rimasojtiykichej, sajrata jinataj sutiykichejta qhesachajtinku Runaj Churinrayku.

San Mateo 9:8

Runastaj chayta rikuspa mancharikorqanku, Diostataj jatuncharqanku, chay jina atiyta runasman qosqanmanta.

Hechos 25:7

Pablo yaykumojtintaj, judíos Jerusalenmanta jamojkuna Pablota muyuykorqanku. Ch'ataykuytataj qallarerqanku tumpaspa jatuchaj juchasmanta, manataj Pablota uyanchayta aterqankuchu.

Daniel (hebreo) 6:4

Chay kuraj qhawajkuna, jinallataj kamachejkunapis chaypacha mask'arqanku, ch'ataykunankupaj jina Danielpa mana allin ruwasqasninta reinopi. Danielpitaj mana ima pantaynintapis tarerqankuchu, allin kausayniyoj runa kasqanrayku. Ajinamanta mana imatapis contrampi rikuchiyta aterqankuchu.

San Juan 13:31

Judas llojsejtintaj Jesús nerqa: Kunanqa Runaj Churin jatunchasqaña, Diospis jatunchasqallataj paynejta.

Hechos 28:22

Chaywampis, qampa simiykimanta uyariyta munayku imatachus yuyasqaykita, imaraykuchus tukuynejpi parlasqaykita uyariyku, chay mosoj t'aqaj contranta tukuynejpi oqharikusqankuta.

Romanos 14:18

Pichus kay imaspi Cristoj kamachinta ruwan chayqa, Diosta kusichin, runastaj chaytaqa allimpaj qhawanku.

1 Timoteo 5:10

Allin ruwanaspi rejsisqa kachun, wawasninta allinta uywaj, wajyarikuyta yachaj, creejkunaj chakisninta mayllaj, llakisqasta khuyaj, tukuy allin ruwanata junt'aj ima.

1 Pedro 2:15

Kaymin Diospa munaynenqa: Allin imasta ruwaspa, sajra, mana yuyayniyoj runasta ch'inyachinaykichejpaj.

Rut 3:14

Rut chay tuta puñukaporqa Boozpa chakisnimpi. Q'ayantintaj allin tuta tuta manaraj sut'iyashajtin jatarikorqa, imaraykuchus Booz nisqa: Mana ni pi yachananchu kay warmi chajra pataman jamusqanta, nispa.